انتشار السويفت والديزاير

[Mahmoud.Fathy]

بقالي فترة بقارن عشان اختار عربيتي ان شاء الله ... والمقارنة ما بين الاتراج والديزاير والجارند أي تن

المفروض ان الجراند اى تن هتسلم اول دفعة في 15-10 فلسة مش موجودة في الشارع

الاتراج بدأت اشوفها فعلا في الشارع يعني بمعدل مرتين او 3 مرات في الاسبوع ... انما السويفت مشفتهاش ولا مرة والديزاير شفتها مرة واحدة بس خلال الشهرين اللى فاتوا ...

هو فيه ايه في السوزوكي مش بتبيع ليه ومش باينة ليه في الشارع ... على الرغم من ان الديزاير افضل سيارة في المقارنة اللى انا بعهملها على المستوى الفني ... لكن عدم الانتشار ونوم التوكيل هيخليني اصرف نظر عنها واطلعها برة المقارنة وانا حزين جدا

[ashrafwolf]

فشل في التسويق
يؤدي الي نسبة مبيعات قليله
يؤدي الي عدم اهتمام المراكز و مستوردين قطع الغيار
يؤدي الي نسبة المبيعات تقل اكتر
يؤدي الي اعادة سعر البيع هتبقي في الارض
كل الكلام ده بغض النظر عن مستوي العربيه و الدليل عربيات هيونداي اللي ماليه الشوارع

[مصطفى عمر]

تقريبا معاملتهم مش تمام و الاسعار فيها تباين يعرضلك سعر و لما تروح تشترى تلاقى سعر تانى خاااااااااااااااااااااالص تسأل امال ايه السعر بتاع الدعايا دا هيقولك لو عاوز بالسعر دا احجز و التسليم بعد 6 شهور ..دا غير ان الالتو نازله متنفضه و غاليه و اسعارها فالعالم واصله هنا و طبعا العربيه نازل منها كذا فئه عندنا جبنا الفئه الفاضيه و نزلناها بسعر الفول اوبشن مانيوال بص هو فيه عمليه طمع و بزرميط كبير فالسزوكى الجديده كله تحس انه مصيف و الشقق كلها محجوزه ولو عاوز حد يسلكلك شقه على البحر ادفع زياده تحس انه مزاد بس هى عربيات حلوه و دى امانه و عندى تفسير لوضع سوزوكى انه نازل بأسعار منفاسه جدا بس هنا فمصر مش هينفع هيضرب حجات تانيه كتير فكان لازم ولابد من اننا نعد مع بعض و نزبط الاسعار علشان لا بيكانتو تترمى ولا i 10 تعفن ولا افيو ترطر ت فالسوق فكان لازم الاسعار يتحط عليها شويه بهرات حاميه توصلها تقريبا لنفس الاسعار بتاعه الكورى و الامريكى و التيوتات ..لان لو سبوها بأسعرها التنافسيه اللى عنده العربيات دى هيشربها و كله على قفا الزبون و الوكيل بيكسب و يلوش عادى جدا ولا اجهزه رقابه ولا اى سربنتيح