للنقاش للماروتي ايه افضل سرعه نمشي عليها تريح العربية وتوفر في البنزين

[elpilot]

السلام عليكم
حابب اخد رئيكم بحكم خبراتكم الكبيرة عن افضل سرعة نمشي عليها بحيث نوفر في الوقود والعربية تبقي مستريحه انا سألت ناس كتير قالولي متذودش عن100 لان بعد ال100 بتاكل البنزين اكل وناس تانية قالتلي خليك علي ال60 لان الماروتي ماتورها صغير و60 هيبقي معقول بالنسبالها فحبيت اخد رأي الشباب هنا
نرجو الافادة
هدف السؤال هو توفير البنزين بغض النظر عن اي حاجه تانية مثل المشي بطئ المشي سريع وهكذا
وشكرا

[J A G U A R]

طبعا العربيه على السرعه العاليه استهلاكها للبنزين بيزيد علشان بتحرق بنزين كتير

بالنسبه ليا انا بعمل كده علشان احاول اوفر بنزين ..

لو داخل على مطب او عارف مكانه بمور العربيه واسيبها براحتها لغايه ما توصل
حاول متحرقش كتير على الغيار .. يعنى انقل على rpm 2 ونصف وساعات بتتطلب معايا احرق واشد
بقفل الشبابيك
لو فى حاجه فى العربيه تقيله بشيلها
ببطل العربيه على قد ما بقدر
بظبط ضغط الكاوتش

[Mazin Tag]

السلام عليكم
حابب اخد رئيكم بحكم خبراتكم الكبيرة عن افضل سرعة نمشي عليها بحيث نوفر في الوقود والعربية تبقي مستريحه انا سألت ناس كتير قالولي متذودش عن100 لان بعد ال100 بتاكل البنزين اكل وناس تانية قالتلي خليك علي ال60 لان الماروتي ماتورها صغير و60 هيبقي معقول بالنسبالها فحبيت اخد رأي الشباب هنا
نرجو الافادة
هدف السؤال هو توفير البنزين بغض النظر عن اي حاجه تانية مثل المشي بطئ المشي سريع وهكذا
وشكرا

100 ده زى الفل وعلى طرق معينة ومفتوحة انا اصراحة لما بسافر بليل بجيب 160 وممكن اوصل لتقفيل 200 بس فى وقت معين عشان ااعرف اسيطر على العربية بس هو ال 100 حلو فى البلد اللى هو الدائرى وخلافه من الطرق السريعة فى القاهرة ودة لو عاوز تحافظ على البنزين 100 حلو لو عربيتك اخرها رابع لو خامس دوس ل 120 هتريح العربية بردوا
وخد بالك فى التانى السلامة والعجلة الندم ربنا يوفقك ويكفيك شر عربيتك ان شاء الله :)

[windofchange]

علي حسب ال rpm بتاعك علي كام وانت جايب 100 يعني لو علي 2 افضل من انه يكون علي 2.5 وطبعا كل مالعربية تكون احدث كفتيس وتكنولجيا موتور ممكن تجيب 110 كم علي 2.5 زي الميتسوبيشي اتراج مثلا...من الاخر حاول متزودش ال RPM عن 2 او 2.5 بالكتير وريح الغيار ومتشبعوش انقل بدري يعني بس من غير ماتخلي الموتور يسقف لانك كده بتدمره لو خليته يسقف

[shiko85]

اكتر سرعه للتوفير لما تكون العربيه على اخر غيار و مؤشر الـ rpm من 2.5 لـ 3

[dadofranz]

بالنسبة للماروتي
80-90 سرعة مناسبة جدا بالنسبة للموتور وللاستهلاك ولسلامتك
ممكن تزود ل100 لو العربية حالتها كويسة وموديل جديد بس يكون الطريق شبه فاضي علشان الفرامل بتيقى في الضياع وثبات العربية في الهوا

[Amr Axel]

اهم حاجة ريح غياراتك و متقرصش خاصة ان فتيس الماروتي 4 غيار مش 5
يعني متعديش 40 ع التاني و لا 60 ع التالت و الرابع خليك 80-90 ع الاكثر هتوفر و تحافظ ع فتيس و موتور