Tweet
تـقـريـر : شـراء قـطـع غـيار و صـيانـة لـسـوزوكي الـتـو
بسم الله الرحمن الرحيم
السلام عليكم و رحمة الله و بركاته
حان وقت صيانة لسوزوكي التو كالعادة و الصيانة كانت ما شاء الله تقيلة شوية
طبعا العربية ادائها مكنش عاجبني شخصيا و ده نظرا للصيانة اللي بعلمها بنفسي كل 20 الف ك بالاضافة لقطع تانية انتهي عمرها خلاص
و الواحد بقاله كتيير منزلش تقارير و لا بيشارك قولت لازم اجي اغلس عليكم شوية
بداية روحت لسوزوكي سنتر في التوفيقية أ \ هاني هاشم عشان اجيب قطع الغيار اللي هحتاجها للصيانة :)
اما اللي كنت محتاجه للصيانه كلها كالتالي :
سير كاتينة + بلية كاتينة
سير دينامو
بوجيهات
فلتر بنزين
فلتر هوا
تيل فرامل
طقم طنابير ( كتر خير الفبريكة و يمشوا شوية كمان )
طقم مساحات ( عشان الشتا داخل و كانت لسه ممطرة عندنا و كنت ماشي ببركة دعا الوالدين ساعتها )
زيوت موتور و فتيس و فرامل و منظف بوابة
و الراجل عارف اني من نايل موتورز و قام بالواجب و الخصم المعتاد لاعضاء نايل موتورز
اما اللي تم في الصيانة كالآتي :
بداية روحت للميكانيكي الاسطي عصام في المطرية و اللي اغلبنا بنتعامل معاه هنا هو بس يتقاله تبع عمرو او من نايل موتورز هيعمل احلي واجب
المهم غير سير الكاتينة و البلية و الحمد لله اني بغير كل 20 الف ك عشان السير كان بجيب اخره و البلية اخشنت هو اتعامل في الكاتينة
و انا كنت بتعامل في باقي القطع زي ما انتم عارفين بحب اعمل الصيانات بنفسي و اهو برده عشان كان ورايا شغل و عايز انجز D: و غيرت البوجيهات و سير الدينامو و الفلاتر
و لقيت فتح جنبه عالطول محل قطع غيار و كماليات جبت من عنده منظف بوابة سبراي و مساحات عشان ملقتش في التوفيقية الصبح و كله كان لسه قافل و خلصت من عند سوزوكي سنتر و بالمناسبة هو عنده بوجيهات و ابلاتين و كوندينسر و سيور للماروتي و قالي انه لسه هجيب قطع غيار للماروتي يعني مصلحة برده
و تم تنضيف البوابة و اللي نزل من الشكمان لا يسر عدو و لا حبيب
و بعدين جيه ميعاد الطنابير و التيل و كنت انا فرده و هو فرده .. ورانا شغل اجدعان
طبعا كان عندي مسمارين مفوتين في العجلة اليمين قدام بسبب بتاع كاوتش الله يبارك له و فورنا الـ 4 مسامير و جبت طقم غيرهم و ركبناهم قبل الطنابير و اتغير التيل و اتغير زيت الفرامل و الدنيا تمام التمام
و العربية الحمد لله رجعت اتظبطت بس مش اوي برده لسه فيه سوائل عايزة تتغير
المهم بليل بعد ما خلصت شغل روحت جبت زيت وولف من الحي السادس و برده لينا خصم لنايل موتورز
كنت ناوي اغير و اجرب وولفر بس لقيت اني مش هعرف اعدي ع الحرفيين خالص اجيب الزيت و معنديش وقت و الزيت خلاص جاب اخره فقولت اكمل المرة دي كمان بوولف لحد المرة الجاية ان شاء الله و اجرب وولفر
و اخدت الزيت و طلعت ع محل زيوت بتعامل معاه برده في م.نصر عشان الفلتر بتاع العربية خلص من عند وولف و غيرت زيت الموتور و زيت الفتيس و الحمد لله خلصت و العربية ما شاء الله اتظبطت تاني زي مانا عايز بس لسه مغيرتش مية الريداتير ده بقي عايزلها يوم اجازة انزل انضف الدورة و اغيرها بمزاج D:
و غالبا الصيانة الجاية احتمال العربية تحتاج سوست
و ها قد كان تقرير عن صيانة الدورية للعربية بتاعت كل 20 الف بالنسبة ليا
و للاسف المرة دي تقرير بدون صور لأن يومها الموبايل فصل شحن الاندرويد بقي D:
و اراكم في تقارير قادمة ان شاء الله :)
السلام عليكم و رحمة الله و بركاته
حان وقت صيانة لسوزوكي التو كالعادة و الصيانة كانت ما شاء الله تقيلة شوية
طبعا العربية ادائها مكنش عاجبني شخصيا و ده نظرا للصيانة اللي بعلمها بنفسي كل 20 الف ك بالاضافة لقطع تانية انتهي عمرها خلاص
و الواحد بقاله كتيير منزلش تقارير و لا بيشارك قولت لازم اجي اغلس عليكم شوية
بداية روحت لسوزوكي سنتر في التوفيقية أ \ هاني هاشم عشان اجيب قطع الغيار اللي هحتاجها للصيانة :)
اما اللي كنت محتاجه للصيانه كلها كالتالي :
سير كاتينة + بلية كاتينة
سير دينامو
بوجيهات
فلتر بنزين
فلتر هوا
تيل فرامل
طقم طنابير ( كتر خير الفبريكة و يمشوا شوية كمان )
طقم مساحات ( عشان الشتا داخل و كانت لسه ممطرة عندنا و كنت ماشي ببركة دعا الوالدين ساعتها )
زيوت موتور و فتيس و فرامل و منظف بوابة
و الراجل عارف اني من نايل موتورز و قام بالواجب و الخصم المعتاد لاعضاء نايل موتورز
اما اللي تم في الصيانة كالآتي :
بداية روحت للميكانيكي الاسطي عصام في المطرية و اللي اغلبنا بنتعامل معاه هنا هو بس يتقاله تبع عمرو او من نايل موتورز هيعمل احلي واجب
المهم غير سير الكاتينة و البلية و الحمد لله اني بغير كل 20 الف ك عشان السير كان بجيب اخره و البلية اخشنت هو اتعامل في الكاتينة
و انا كنت بتعامل في باقي القطع زي ما انتم عارفين بحب اعمل الصيانات بنفسي و اهو برده عشان كان ورايا شغل و عايز انجز D: و غيرت البوجيهات و سير الدينامو و الفلاتر
و لقيت فتح جنبه عالطول محل قطع غيار و كماليات جبت من عنده منظف بوابة سبراي و مساحات عشان ملقتش في التوفيقية الصبح و كله كان لسه قافل و خلصت من عند سوزوكي سنتر و بالمناسبة هو عنده بوجيهات و ابلاتين و كوندينسر و سيور للماروتي و قالي انه لسه هجيب قطع غيار للماروتي يعني مصلحة برده
و تم تنضيف البوابة و اللي نزل من الشكمان لا يسر عدو و لا حبيب
و بعدين جيه ميعاد الطنابير و التيل و كنت انا فرده و هو فرده .. ورانا شغل اجدعان
طبعا كان عندي مسمارين مفوتين في العجلة اليمين قدام بسبب بتاع كاوتش الله يبارك له و فورنا الـ 4 مسامير و جبت طقم غيرهم و ركبناهم قبل الطنابير و اتغير التيل و اتغير زيت الفرامل و الدنيا تمام التمام
و العربية الحمد لله رجعت اتظبطت بس مش اوي برده لسه فيه سوائل عايزة تتغير
المهم بليل بعد ما خلصت شغل روحت جبت زيت وولف من الحي السادس و برده لينا خصم لنايل موتورز
كنت ناوي اغير و اجرب وولفر بس لقيت اني مش هعرف اعدي ع الحرفيين خالص اجيب الزيت و معنديش وقت و الزيت خلاص جاب اخره فقولت اكمل المرة دي كمان بوولف لحد المرة الجاية ان شاء الله و اجرب وولفر
و اخدت الزيت و طلعت ع محل زيوت بتعامل معاه برده في م.نصر عشان الفلتر بتاع العربية خلص من عند وولف و غيرت زيت الموتور و زيت الفتيس و الحمد لله خلصت و العربية ما شاء الله اتظبطت تاني زي مانا عايز بس لسه مغيرتش مية الريداتير ده بقي عايزلها يوم اجازة انزل انضف الدورة و اغيرها بمزاج D:
و غالبا الصيانة الجاية احتمال العربية تحتاج سوست
و ها قد كان تقرير عن صيانة الدورية للعربية بتاعت كل 20 الف بالنسبة ليا
و للاسف المرة دي تقرير بدون صور لأن يومها الموبايل فصل شحن الاندرويد بقي D:
و اراكم في تقارير قادمة ان شاء الله :)
Comment