صوت طقة كوبلن وأنا ماشي على العدل ..بس هو مش كوبلن

[Abo_Mazen]

العربيه سوزوكي ألتو 2008..عندي صوت طقة زي صوت طقة الكوبلن بالضبط..بسمعه لما أكون ماشي على العدل وأعدى على مطب بالعجله الشمال بس .. وبرضه ممكن أسمعها لو كاسر العجل وطلعت بعنف شويه ..الغريب بقى إن لو حد قاعد جنبي ..ولا بسمع حاجه وما بيبقاش فيه أي أصوات ..عملت إختبار الكبالن المشهور قوي قوي قوي في مصر ..إني أكسر العجله جامد وألف سواء لقدام أو لورا ..وبعدين أكسر العجله الناحيه التانيه وألف برضه ..سواء لقدام أو لورا ..لكن مفيش أي صوت بيطلع من الكبالن ..أنا عارف صوت تخبيط الإسكاترا كويس قوي ..وأعرف أميزه..بس هو مش صوت تخبيط إسكاترا ..وعارف برضه صوت تخبيط الميزان ..وأعرف أميزه..بس هو مش صوت تخبيط ميزان ..السؤال بقى ..هو صوت جلبة المقص اللي راكبه في الشمعدان لما تبقى مبوشه بتبقى نفس صوت طقة الكوبلن ..لإن هي بتبقى طقه واحده بس ..مش طقطقه ..لأ ..هي طقه واحده أو طقتين ورا بعض بسرعه ..ممكن يكون الصوت ده من إيه ..أرجوا الإفاده

ملحوظه صغنونه ..مفيش أي صوت دربكه في الطرق الغير مستويه ..مفيش أي إحساس بأي نقر في الطاره في الطرق الغير مستويه .مفيش أي إحساس بأي تخبيط في الدواسات في الطرق الغير مستويه ..الصوت ده مش دايما بسمعه ..ده أنا حتى مش عارف هسمعه لحداد العفشه إزاي لإنه بيبقى قاعد جنبي ..ولو فيه حد قاعد جنبي أو قاعد ورا مفيش أي أصوات من دي خالص ..الصوت باين قوي قوي بس لما ببقى لوحدي يعني وهي العربيه مش محمله

[sakr_skoda]

البطاحة بتاعة المساعد ممكن تعمل المشكلة دى خصوصا وحضرتك بتقول انك مش بتسمعها لما حد يركب جنبك فى هذه الحالة بيكون المساعد مضغوت شوية والبطاحة حره متعملش الصوت ***

[dr.hazem]

قواعد الماتور
دشمة فرامل ملخلخه
بنزات فرامل
كبالن داخليه
دي الاحتمالات اللي اعرفها
تحياتي

Sent from my mobile using Forum Runner

[alking_2006]

بص على قاعدة الفتيس

[Abo_Mazen]

قواعد الماتور
دشمة فرامل ملخلخه
بنزات فرامل
كبالن داخليه
دي الاحتمالات اللي اعرفها
تحياتي

sent from my mobile using forum runner

بص الصوت جاي من ناحية العجله من بره مش من جوه ..ممكن تكون زي ما العضو الفاضل قال ..بطاحات المساعد هي اللي تعمل كده

[dr.hazem]

نسيت اقولك شوف الشكمان كمان
تحياتي

Sent from my mobile using Forum Runner

[Abo_Mazen]

النهارده رحت أربط عفشه ..قلت أعمل اللي عليا وأبتدي بالسهل وبعدين أشوف إيه اللي هيحصل ..وأنا عند حداد العفشه بسأله عن حكاية الطقه دي قالي إنت عندك الكوبلن الشمال اللي الصوت جاي من ناحيته مبوش ..ووراني إن الأكس اللي داخل على راس الكوبلن أو الكوبلن الخارجي بيتحرك لفوق وتحت سنه ..يعني فيه بوش ..فأنا بقوله بس البوش ده طبيعي وعادي وأنا شفته قبل كده ..قالي لأ ..البوش الطبيعي إن الأكس اللي داخل على راس الكوبلن يتحرك لبره ولجوه يعني يقصد في حركه أفقيه ..ووراني الناحيه اليمين مفيهاش الكلام ده ..يعني الأكس اللي داخل على راس الكوبلن اليمين مفيهوش حركه لفوق ولتحت وإنه بيتحرك فعلا لبره ولجوه بس يعني بيتحرك في حركه أفقيه فقط ..ده الأكس اللي في الناحيه اليمين ..المهم قالي غير الكوبلن وتعالى ..قلتله بس الكوبلن مش بيطقطق لما بعصر عليه في الملفات ..قالي ياباشا مش شرط ..الكوبلن عند ك فيه بوش ..وعشان كده بيخبط ..

تفتكروا الكلام ده صح ولا إيه ..عشان أنا بدأت أتلخبط..مش الكوبلن لما بيستوى خالص بيبدأ يطقطق في الملفات ولا إيه

[dr.hazem]

النهارده رحت أربط عفشه ..قلت أعمل اللي عليا وأبتدي بالسهل وبعدين أشوف إيه اللي هيحصل ..وأنا عند حداد العفشه بسأله عن حكاية الطقه دي قالي إنت عندك الكوبلن الشمال اللي الصوت جاي من ناحيته مبوش ..ووراني إن الأكس اللي داخل على راس الكوبلن أو الكوبلن الخارجي بيتحرك لفوق وتحت سنه ..يعني فيه بوش ..فأنا بقوله بس البوش ده طبيعي وعادي وأنا شفته قبل كده ..قالي لأ ..البوش الطبيعي إن الأكس اللي داخل على راس الكوبلن يتحرك لبره ولجوه يعني يقصد في حركه أفقيه ..ووراني الناحيه اليمين مفيهاش الكلام ده ..يعني الأكس اللي داخل على راس الكوبلن اليمين مفيهوش حركه لفوق ولتحت وإنه بيتحرك فعلا لبره ولجوه بس يعني بيتحرك في حركه أفقيه فقط ..ده الأكس اللي في الناحيه اليمين ..المهم قالي غير الكوبلن وتعالى ..قلتله بس الكوبلن مش بيطقطق لما بعصر عليه في الملفات ..قالي ياباشا مش شرط ..الكوبلن عند ك فيه بوش ..وعشان كده بيخبط ..

تفتكروا الكلام ده صح ولا إيه ..عشان أنا بدأت أتلخبط..مش الكوبلن لما بيستوى خالص بيبدأ يطقطق في الملفات ولا إيه

لن افتي لاني معرفش:-)

Sent from my mobile using Forum Runner

[karim kemo]

حصلت معايا ف الماروتي كان فيه صوت طقطقة عالعدل وانا كنت عارف انه مش الكوبلن لاني لما بكسر الدركسيون مبسمعش طقطقة للكوبلن روحت للعفشجي قالي البلية بتنحر و بتجيب اخرها بعد مغيرهالي نفس الصوت بردو
طلعت ف الاخر المقص اليمين الجلبه بتاعته اتاكلت فروحت مغير المقص كله

[Abo_Mazen]

حصلت معايا ف الماروتي كان فيه صوت طقطقة عالعدل وانا كنت عارف انه مش الكوبلن لاني لما بكسر الدركسيون مبسمعش طقطقة للكوبلن روحت للعفشجي قالي البلية بتنحر و بتجيب اخرها بعد مغيرهالي نفس الصوت بردو
طلعت ف الاخر المقص اليمين الجلبه بتاعته اتاكلت فروحت مغير المقص كله

طيب معلش ..هو صوت الطقطقه اللي كان عند حضرتك ده عامل زي صوت الكوبلن ..معلش أنا سؤالي تحسه متكرر ..بس لإن فعلا الصوت اللي عندي صوت كوبلن فعلا والحداد لما وراني الكوبلن مبوش شككني أكتر إنه فعلا كوبلن ..صوت الطقه اللي عند حضرتك دي كانت زي صوت الكوبلن

[J A G U A R]

ممكن صليبه الدريكسيون او بلى البطاحات