تنتيش فى الماروتى

[waelgam2005]

ياجماعه انا الماروتى تعبتنى فى موضوع التنتيش ده انا من ساعه ما جبت العربيه ومش بتقبلنى حاجه غير موضوع التنتيش ده كل ما الموضوع يتصلح ويتعالج بيرجع تانى والمرادى انا غيرت البوجيهات ونظفت الكرابتير والتنتيش جامد جدا لدرجة التقطيع على كل السرعات وكل الغيارات لدرجة مبقتش عارف امشى بالعربيه من كتر التنتيش اللى بيحصل فى العربيه
وانا شاكك فى الابلاتينه والكوندنسر وخايف اغيرهم القى نفس العيب مع انى مغيرهم مكملوش 6000 كيلو ومبقلهمش 3 شهور وعربيتى موديل 2012 وعامل بيها لحد دلوقتى 42000 كيلو وفلتر البنزين لسه مغيره مكملش 8 الاف كيلو برضه
فا حد يقدر يفيدنى فى الموضوع ده

[aymanonline]

متابع

[Abo_Mazen]

واحد قريبي كان عنده نفس مشكلتك تقريبا ..بص ..من الآخر كده وكلمه أحسن من عشره ..لو الموبينا عندك زيت ..غيرها وهاتها كهربا..هتقولي أصل أنا كشفت عليها وقالولي الموبينه جميله وكويسه ومفيهاش حاجه ..إسمع اللي بقولك عليه وعن تجربه قريبي ..إقلب الموبينا اللي عندك كهرباء وغير طقم كهربا ..أبلاتين وكوندنسر وشوف صوت المكنه وشوف السحب ..وقولي إيه الكلام

[waelgam2005]

طب تكلفتها كام دى الموبينه الاليكترونى دى ؟

[Abo_Mazen]

طب تكلفتها كام دى الموبينه الاليكترونى دى ؟

والله ياخويا هي كانت عامله سبعين ..كانت ...لكن بعد الرخاء الإقتصادي اللي البلد بقت فيه نطت لتسعين جنيه مره واحده ..يعني غليت عشين كنيه ..بس صدقني ..هتحس إن الكهربا بتاعة عربيتك بقت إيه ..آخر سلطنه ..

[waelgam2005]

يعني اجيب موبينه اليكتروني بس ولا فيه تعديل تاني بيتعمل ؟

[elpilot]

كان عندي نفس مشكلتك حاول تروح لميكانيكي يغيرلك ابلاتين وكمان يظبطلك الكهرباء يعني هتلاقي البنزين عالي عندك عشان كده بتنتش معاك كان عندي نفس المشكلة

[Mecha]

نضف الاسبيراتير الاول وشوف الفاكيوم

[waelgam2005]

هغير ابلاتين وكوندنسر بالمره وهشوف الدنيا ولونى خايف اوى اغيرهم وتفضل نفس المشكلة رغم انى حاسس انى منهم المشكلة بس خايف الواحد نفسه تتسد لو المشكلة متحلتش

[elpilot]

هغير ابلاتين وكوندنسر بالمره وهشوف الدنيا ولونى خايف اوى اغيرهم وتفضل نفس المشكلة رغم انى حاسس انى منهم المشكلة بس خايف الواحد نفسه تتسد لو المشكلة متحلتش

يا باشا ولا نفسك تتسد ولا حاجه انت المفروض تفرح ان العين بتيجي في حاجات خفيفة زي دي وان ربنا يسترها معاك ومعانا
العين فلقت الحجر ياباشا

[Abo_Mazen]

يعني اجيب موبينه اليكتروني بس ولا فيه تعديل تاني بيتعمل ؟

مفيش أي تعديل تاني ..إسمها موبينا كهربا..وتغير أبلاتين وكوندنسر ..إنسى التنتيش ..إنسى تقل العربيه في الحر

[waelgam2005]

يا باشا ولا نفسك تتسد ولا حاجه انت المفروض تفرح ان العين بتيجي في حاجات خفيفة زي دي وان ربنا يسترها معاك ومعانا
العين فلقت الحجر ياباشا

هيا فعلا كدا بعد ما ركبت ستاير الكبس وشويه استيكرات ولمبه استوب والعربيه مش علي بعضها فعلا

[waelgam2005]

الحمدلله المشكله اتحلت بتغيير الابلاتينه والكوندنسر واشتريت فيلر وظبطت الخلوص بتاع ال 3 بوجيهات الماروتي علي 0.8 لانها كانت علي 1 ميلي والعربيه بقت تمام
شكرا ليكم