طريقة ضبط الأسبراتير و الكاربراتير للماروتي

[poula]

أرجو المساعدة للأهمية
أنا شاري ماروتي 2010 من حوالي سنة و فيها مشكلة من ساعه ماجبتها عملالي صداع
لما أجي أبطل العربية و النور شغال أو مروحة الماتور شغالة العربية تفضل تخبط و ترزع
رحت بيها للميكانيكي 100 مرة و برده لسه في نفس المشكلة
واحد قلي ممكن تقلل البنزين في الكاربراتير هتروح معاك قللت البنزين من مسمار البنزين في الكاربراتير بقت العربية و هية لسه بردة تترج جامد و الماتور بقي بيرقص رحت رافع البنزين تاني
واحد تاني قلي المشكلة في الأسبراتير حركة من السامورة الي ماسكاه سنة سنة أكتشفت أنه جي علي الأخر و لو حركتة في الأتجاه العكسي الماتور بيفضل يخبط جامد
أخر حاجة عرفتها من المنتدا هنا أن لازم الأسبراتير و الكاربراتير يتظبطو مع بعض رحت لميكانيكي قلتلة علي الكلام ده أعد يلعب في الكاربراتير و برده فضلت نفس المشكلة
أرجو الأفادة بالتفصيل كيفية ضبط الاسبراتير و الكاربراتير بالتفصيل و ياريت لو في صور أو فيديو
و شكراً جزيلاً

[waelgam2005]

طبيعى على فكره فى الماروتى الموضوع ده انا بتكلم على المروحه مش النور وفيه حل كدا هجربه لسه فيه حد قايل عليه لو نفع يبقى هتريحك وهتريحنى كتير وهيا عباره ان لو لقيت المروحه شغاله وعاوز تبطل ادى دوسة صغيره بنزين وانت بتبطل والعاربيه مش هتعمل الصوت ده تانى وده سببه ان العربيه 3 سلندر وعزمها ضعيف ولما نزود بنزين بيقوى منها وبيقاوم من تأثير المروحة على جهد الموتور
ده الكلام اللى سمعته ولسه هجربه