عاوزة اشترى مار وتى

[سمسمه23]

السلام عليكم
لو سمحتم ياجماعه كنت بفكر اجيب عربية ماروتى مستعمله ترحمنا من المواصلات انا معايا طفلين لسه بس كنت خايفه اجبها مستعمله تقرفنى كل شوية تصليح هل فعلا هى اعطاله امش كتير

انا معايا فى حدود25 وياريت الى عندهم العربية او جبوها مستعمله ينصحونى بايه لانى حيرانه جدا

[elpilot]

الجديد تمنة فيه
نصحتي حطي ال25 مقدم وقسطي الباقي هتدفعي حوالي 520 اكنهم مصاريف تصليح المستعملة وريحي بالك ووفري وقتك واعصابك بعيدا عن الصنايعيه وربنا يكتب اللي فيه الخير

[khaled_yassin]

العربيه حلوه جدا ومش محتاجه مصاريف اصلا
طقم اصيانه بتعاها لا يزيد عن 250 او 300 جنيه فى ال3 شهور
انا عملتلها الصيانه اول ما جبتها ولحد دلوقتى الحمد لله فل الفل وبقالها 3 شهور معايا
هى خفيفه شويه علشان كده عايز ابيعها

[سمسمه23]

العربيه حلوه جدا ومش محتاجه مصاريف اصلا
طقم اصيانه بتعاها لا يزيد عن 250 او 300 جنيه فى ال3 شهور
انا عملتلها الصيانه اول ما جبتها ولحد دلوقتى الحمد لله فل الفل وبقالها 3 شهور معايا
هى خفيفه شويه علشان كده عايز ابيعها

طيب يعنى حضرتك تنصحنى بيها ولا لا يعنى 3 شهور وعاوز تبعها طيب اجبها ولا بلاش اجنا لسه هنتعلم عليها السواقه ومش عاوزة حاجة تغلبنا

[rasha adly]

ادفعي ال 25 في مقدمة التو افضل
وقسطها هيكون 900 لو على 5 سنين وممكن اقل لو زودتي المدة على 6 سنين مثلا
الجديد تمنه فيه ومش هيزعلك على مصاريف تصليح وقرف ووجع قلب

[khaled_yassin]

العربيه حلوه جدا جدا لو داخل البلد وهتتعلمى السواقه ومش هتجرى بيها جامد
مصاريفها منعدمة تقريبا انا جبتها من 3 شهور يا دوب عملتلها الصيانه العاديه ومن ساعتها بنزين وميه وبس
اولا هى مش بتاعتى هى لبنوته بس مشكلتها انها فاكره نفسها مايكل شوماخر وبتجرى على 100 و120
وبتقولى خفيفه ,,, ( انا معايا فيرنا ولما بتجرى على 120 بحس انها خف الريشه )
فنصيحه منى توكلى على الله والعربيه كويسه جدا وسعرها على اد الايد وقطع غيارها موجوده فى ك حته الاصلى واصينى

[HHALAWANY]

بالنسبة للماروتي .... العربية مافيهاش عويب .. وخاصتا بالنسبة لحد لسة هايتعلم عليها جديد ... لانه لا هايطير بيها او يبقا عاوز يعمل غرز او مش عارف يسابق مين او يشد مع من .... لاكن السواقة الطيبعية فمافيهاش حاجة والحمدلله ,,,,

انا عن نفسي جايبها من سنة ونص وماغيرتش فيها حاجة خالص غير الزيت بس ... والحمدلله وبسم الله ما شاء الله ماشية معاية زي الفل .. كمان بسافر بيها اسكندرية ... وبسوق على سرعة 110 كيلو .. وعادي زي الفل والحمد لله ...
لو انت حفظت عربيتك وفهمتها كويس هاتعرف امتى هي خفيفة وامتى ممكن تجري معاكي .,,,

ياعني على كل حال العربية العربية حمالة قسية وتستحمل .. وصيانتها كلااااااام فاضي ... واكسسوارتها رخيصة ومتوفرة جدااا .... وسعرها حنين وبالمناسبة .. انا كنت جايبها اتعلم عليها وكمان بركبها انا و المدام و ولد وبنت صغنين ... وعامل فيها كل حاجة كاست سي دي وفلاشة وانزار وسنتر لوك وكمان تكييف ....

ماتقلقيش .. توكلي على الله ,,, بس تجيبها جديدة افضل .. احسن ماتجيبيها مستعمله ... ادفعي الفلوس اللي معاكي مقدم وقسطي الباقي ... هتلاقيه قسط خفيف ومش هاتحسي بيه ...

[khaled_yassin]

بالنسبة للماروتي .... العربية مافيهاش عويب .. وخاصتا بالنسبة لحد لسة هايتعلم عليها جديد ... لانه لا هايطير بيها او يبقا عاوز يعمل غرز او مش عارف يسابق مين او يشد مع من .... لاكن السواقة الطيبعية فمافيهاش حاجة والحمدلله ,,,,

انا عن نفسي جايبها من سنة ونص وماغيرتش فيها حاجة خالص غير الزيت بس ... والحمدلله وبسم الله ما شاء الله ماشية معاية زي الفل .. كمان بسافر بيها اسكندرية ... وبسوق على سرعة 110 كيلو .. وعادي زي الفل والحمد لله ...
لو انت حفظت عربيتك وفهمتها كويس هاتعرف امتى هي خفيفة وامتى ممكن تجري معاكي .,,,

ياعني على كل حال العربية العربية حمالة قسية وتستحمل .. وصيانتها كلااااااام فاضي ... واكسسوارتها رخيصة ومتوفرة جدااا .... وسعرها حنين وبالمناسبة .. انا كنت جايبها اتعلم عليها وكمان بركبها انا و المدام و ولد وبنت صغنين ... وعامل فيها كل حاجة كاست سي دي وفلاشة وانزار وسنتر لوك وكمان تكييف ....

ماتقلقيش .. توكلي على الله ,,, بس تجيبها جديدة افضل .. احسن ماتجيبيها مستعمله ... ادفعي الفلوس اللي معاكي مقدم وقسطي الباقي ... هتلاقيه قسط خفيف ومش هاتحسي بيه ...

كلام زى الفل وفيه الخلاصه
المشكله ان الجديد قالى تقريبا 46الف جنيه ومش هتعرف تركب انذار او زجاج كهرباء او تكيف علشن ضمان العربيه
فدورى على حاجه استخدام نضيف وان شاء الله هتلاقى كتير وتعملى فيها الى انتى عزاه

[سمسمه23]

شكرا ليكم جدا ويارب يوفقنى واقدر اشتريها جديد انا كمان بخاف من المستعمل الواحد مش ضامن الى قبله عمل ايه فى العربيةة

[Nour Eldin 680]

انا رأى العربية كويسة جداً انا اشتريتها زيرو و شايف انها ممتازة على الأقل حتى الان بالاضافة ان حجمها الصغير يسهل عملية ركنتها فى اى مكان كما المشى بيها فى وسط البلد تحسى انها بتسلك فى الزحمة

[Nour Eldin 680]

توكلى على الله عربية حلوة

[Ahmed Tarek 00]

نصيححة بلاش الماروتى ... الألتو أفضل كتير

الماروتى شكلها تقليدى جدا

وطالما لسه جديدة ف السواقى يبقى الالتو برده سهلة عليكي زى الماروتي

مع العلم ان الاتنين موش يابانى أبدا ابدا دوووول هندي

فيه عربيات ماروتى والتو على دوبيزل كتيييييييييييييييير جدا جدا واسعارهم بين 25 الى 35 واحيانا بشوف 39 كمان

المهم الحالة العامة طبعا والعداد

بس بصراحة اعادة البيع للعربية دى وحشة جدااااااااااااااااا

لأن كل اللى بيشتريها غالبا بيتعلم عليها وبس

وبلاش تدفعى فلوسك ف زيرو بلااااااااش

انتى لسه بتتعلمي الأحسن ليكي سوقى مستعمل نضيف

[kero25]

بس انا بسمع ان التو قطع غيرها غالية ومش موجوده زى الماروتى زى موديلات 2008 ال 800cc