حجزت النهاردة سويفت ديزاير

[Mahmoud.Fathy]

الحمد لله ... وبعد بحث وتفكير عميق جدا وفرجة في معظم المعارض على معظم العربيات المتاحة في نفس الفئة السعرية

http://www.nilemotors.net/Nile/441103-a.html

... هدانى الله وارشدني لاختيار سويفت ديزاير ... ورحت حجزتها النهاردة من توكيل مودرن موتورز في مدينة نصر ودفعت 5000 ج ... وهستلم باذن الله بعد شهرين ونص حسب كلام التوكيل ... واخترت لونين للاستلام هما (الاحمر - الازرق)

دعواتكوا يا جماعة

[Yehia Raafat]

انا حجزتها من 5 ايام من نفس المعرض وقالي 5 شهور ... يا ولاد الذين :d

[mhkorayem]

تستلموا على خير ان شاء الله
ويارب العربيه تطلع عند حسن ظنكم بيها وتلبي احتياجاتكم
بس متنسوش تنقلولنا رايكم فيها بعد الاستلام بإذن الله

[elpilot]

ربنا يوفقكم ويديكم خيرها ويكفيكم شرها
بس هي سعرها كام حاليا وهل هي نفس اوبشن الاتراج

[memo_p910]

بالتوفيق ان شاء الله

عايز اسالك سؤال ازاي حسمت اختيارك للديزاير رغن انها ضيقه وشنطتها صغيره جدا بالمقارنه بالاتراج مثلا

[Mahmoud.Fathy]

بالتوفيق ان شاء الله

عايز اسالك سؤال ازاي حسمت اختيارك للديزاير رغن انها ضيقه وشنطتها صغيره جدا بالمقارنه بالاتراج مثلا

انا اتفرجت على الاتراج والديزاير اكتر من مرة في اكتر منمكان وركبتهم وقعدت جواهم كتير ووجدت الاتى

1- المساحة / بلانقاش الاتراج اكبر وصالون اوسع وشنطة اكبر بمراحل - لكن الديزاير صالونها بالنسبة لى مش ضيق لدرجة الخنق لكن هو في حجم اللانوس اللى كانت معايا وحجم الفيرنا ونفس الكلام الشنطة متوسطة مش ضخمة جدا ومش صغيرة فالنقطة دي مش مشكلة بالنسبة ليا

2- الشكل العام/ طبعا دى ازواق لكن الاتراج شكلها تقليدي شبة الصني الجديدة واللوجان والياريس يعني تقدر تقول ملهاش شكل مميز ولا هوية .. عكس الديزاير اللى شكلها مدي على ميني كوبر بالقايمين السود اللى قدام والانتفاخ الامامي للكبوت والفوانيس المسحوبة اللى مميزة شكلها جدا

3- تصميم التابلوه / حدث ولا حرج عن تفوق الديزاير في توزيع ونسب وشكل جميع مكونات التابوله والطارة والاضواء الداخلية ولوحة العددات كل ده احلى من الاتراج بكتير

4- جودة الخامات/ الصاج الخارجي للاتراج ضعيف جدا بالمقارنة بالسويفت اللى صاجها تقيل نسبيا وبيبان في فتح وقفل الابواب والشنطة .. وخامات التقفيل الداخلي في الاتراج الهاى لاين فقط مساوية تقريبا للديزاير اما الاتراج الفئة الاقل خاماتها سيئة جدا

5- عوامل الامان/ تتفوق الديزاير بوجود وسادة هوائية للراكب الامامي والباقي متساوي بين الاتنين

6- الموتور / موتور الديزاير اقوى من الاتراج بلا نقاش ... وانا مش مقتنع بكل المحاولات من ملاك الاتراج اللى عاوزين يقنعونا ان العربية ادائها مساوي لعربية 1600 سي سي ... موتور الاتراج هيتعب بسرعة لو استخدم استخدام خاطئ لانه 78 حصان فقط على 3 اسطوانات عكس الديزاير بمحرك 4 اسطوانات 87 حصان (نفس قدرة اللانوس واكبر من قدرة الافيو)

7- العلامة التجارية/ يمكن تكون شركة متسوبيشي اكبر واشهر وسوقها احسن ... لكن انا مقتنع تماما ان منطقة السيارات الصغيرة هي ملعب السوزوكي .. شركة محترفة تصميم وتصنيع سيارات مدينة بمواتير صغيرة من زمان (ماروتي - التو - سويفت التسعينات - الميكروباص الفان) كلها عربيات صغيرة موجودة من فترة كبيرة واثبتت كفاءة كبيرة - عكس متسوبيشي اللى لسة بتجرب تعمل عربيات صغيرة .. انا اثق في سوزوكي اكتر من متسوبيشي في النقطة دي

8- السعر/ انا شخصيا مدفعش 112 الف في هاى لاين الاتراج وهما هما سعر البيرسونا او الجين تو ... انما الديزاير ب 107 الف بقرف 5000 ج عن الاتراج وده رقم كويس بالنسبة ليا كفرق سعر

9- النظام الصوتي / انا شغلت الكاست في العربيتين .. الديزاير افضل كثيرا من الاتراج في النظام الصوتي خصوصا ان الفئات القليلة من الاتراج نازلة بسماعتين فقط

في النهاية انا ارتحت نفسيا للديزاير وتوكلت على الله .. والموضوع ازواق واحتياجات ممكن واحد يفضل الاتراج عن الديزاير لاسباب تانية خالص غير دي ..

تحياتي

[memo_p910]

انا اتفرجت على الاتراج والديزاير اكتر من مرة في اكتر منمكان وركبتهم وقعدت جواهم كتير ووجدت الاتى

1- المساحة / بلانقاش الاتراج اكبر وصالون اوسع وشنطة اكبر بمراحل - لكن الديزاير صالونها بالنسبة لى مش ضيق لدرجة الخنق لكن هو في حجم اللانوس اللى كانت معايا وحجم الفيرنا ونفس الكلام الشنطة متوسطة مش ضخمة جدا ومش صغيرة فالنقطة دي مش مشكلة بالنسبة ليا

2- الشكل العام/ طبعا دى ازواق لكن الاتراج شكلها تقليدي شبة الصني الجديدة واللوجان والياريس يعني تقدر تقول ملهاش شكل مميز ولا هوية .. عكس الديزاير اللى شكلها مدي على ميني كوبر بالقايمين السود اللى قدام والانتفاخ الامامي للكبوت والفوانيس المسحوبة اللى مميزة شكلها جدا

3- تصميم التابلوه / حدث ولا حرج عن تفوق الديزاير في توزيع ونسب وشكل جميع مكونات التابوله والطارة والاضواء الداخلية ولوحة العددات كل ده احلى من الاتراج بكتير

4- جودة الخامات/ الصاج الخارجي للاتراج ضعيف جدا بالمقارنة بالسويفت اللى صاجها تقيل نسبيا وبيبان في فتح وقفل الابواب والشنطة .. وخامات التقفيل الداخلي في الاتراج الهاى لاين فقط مساوية تقريبا للديزاير اما الاتراج الفئة الاقل خاماتها سيئة جدا

5- عوامل الامان/ تتفوق الديزاير بوجود وسادة هوائية للراكب الامامي والباقي متساوي بين الاتنين

6- الموتور / موتور الديزاير اقوى من الاتراج بلا نقاش ... وانا مش مقتنع بكل المحاولات من ملاك الاتراج اللى عاوزين يقنعونا ان العربية ادائها مساوي لعربية 1600 سي سي ... موتور الاتراج هيتعب بسرعة لو استخدم استخدام خاطئ لانه 78 حصان فقط على 3 اسطوانات عكس الديزاير بمحرك 4 اسطوانات 87 حصان (نفس قدرة اللانوس واكبر من قدرة الافيو)

7- العلامة التجارية/ يمكن تكون شركة متسوبيشي اكبر واشهر وسوقها احسن ... لكن انا مقتنع تماما ان منطقة السيارات الصغيرة هي ملعب السوزوكي .. شركة محترفة تصميم وتصنيع سيارات مدينة بمواتير صغيرة من زمان (ماروتي - التو - سويفت التسعينات - الميكروباص الفان) كلها عربيات صغيرة موجودة من فترة كبيرة واثبتت كفاءة كبيرة - عكس متسوبيشي اللى لسة بتجرب تعمل عربيات صغيرة .. انا اثق في سوزوكي اكتر من متسوبيشي في النقطة دي

8- السعر/ انا شخصيا مدفعش 112 الف في هاى لاين الاتراج وهما هما سعر البيرسونا او الجين تو ... انما الديزاير ب 107 الف بقرف 5000 ج عن الاتراج وده رقم كويس بالنسبة ليا كفرق سعر

9- النظام الصوتي / انا شغلت الكاست في العربيتين .. الديزاير افضل كثيرا من الاتراج في النظام الصوتي خصوصا ان الفئات القليلة من الاتراج نازلة بسماعتين فقط

في النهاية انا ارتحت نفسيا للديزاير وتوكلت على الله .. والموضوع ازواق واحتياجات ممكن واحد يفضل الاتراج عن الديزاير لاسباب تانية خالص غير دي ..

تحياتي

أوافقك الرأي في كل النقاط اللي حضرتك ذكرتها
انا في نفس حيرتك تقريبا لكن تقريبا حسمت اختياري للسويفت هاتشباك خاصة ان فرق الشنطه بين الهاتش والديزياير مش كبير اوي علشان كده طلعت الاتراج بره المنافسه
المشكله دلوقت اني شوفت النيسان صني بالصدفه ومع اني مبحبش شكلها المعوق ده بسس ابهرتني بمساحتها الداخليه الرحبه جدا وسعرها عند مودرن ب 112000 يعني فرق حوالي 13 الف عن السويفت وده سبب لي حيره شديده الى الان رغم اني مش هاحتاج مساحة الصني الكبيره دي الا كل فين وفين

حضرتك رأيك ايه ؟؟؟؟؟؟؟؟؟؟؟؟

[Mahmoud.Fathy]

أوافقك الرأي في كل النقاط اللي حضرتك ذكرتها
انا في نفس حيرتك تقريبا لكن تقريبا حسمت اختياري للسويفت هاتشباك خاصة ان فرق الشنطه بين الهاتش والديزياير مش كبير اوي علشان كده طلعت الاتراج بره المنافسه
المشكله دلوقت اني شوفت النيسان صني بالصدفه ومع اني مبحبش شكلها المعوق ده بسس ابهرتني بمساحتها الداخليه الرحبه جدا وسعرها عند مودرن ب 112000 يعني فرق حوالي 13 الف عن السويفت وده سبب لي حيره شديده الى الان رغم اني مش هاحتاج مساحة الصني الكبيره دي الا كل فين وفين

حضرتك رأيك ايه ؟؟؟؟؟؟؟؟؟؟؟؟

لا فرق الشنطة كبير طبعا ... 200 لتر مقابل 320 لتر ... يعني 50% زيادة وده رقم مش قليل

ثانيا
ابعد عن اى عربية متقفلة في مصر سواء نيسان صني او غيرها

[D . a .\ AYMAN]

تستلم على خير يارب

الف شكر على المشاركة المفيدة بتاعة المقارنة بين الأتراج والسويفت دي :)

[NourElmansy]

memo_p910

أياك و الصني الجديدة ... اللهم بلغت اللهم فاشهد

[El Prince]

مليون مبروك على حجز المتميزة سوزوكى سويفت و اللونين حلوين خصوصا الزهرى متميز جداً
تستلم على خير ان شاء الله
و بالمناسبة تفاصيل مشاركتك و عرضك ممتازة و مقارنة محترفة و مفيدة
و الحمد لله اننا ادينالك رأى كويس ابتديت منه و اخدت قرارك بعد المعاينات الكتير ...

[Mahmoud.Fathy]

مليون مبروك على حجز المتميزة سوزوكى سويفت و اللونين حلوين خصوصا الزهرى متميز جداً
تستلم على خير ان شاء الله
و بالمناسبة تفاصيل مشاركتك و عرضك ممتازة و مقارنة محترفة و مفيدة
و الحمد لله اننا ادينالك رأى كويس ابتديت منه و اخدت قرارك بعد المعاينات الكتير ...

حضرتك ودكتور ايمن وجروب نادى سوزوكي سويفت على الفيس بوك من اهم اسباب اقتناعي وحجزي للسيارة ... أشكركم

[Shadymuhamed1]

طيب ليه حضرتك اخترت سويفت مش جراند اي10
يعني زي ما قارنت بينها و بين الاتراج كده بعد إذنك

[Mahmoud.Fathy]

طيب ليه حضرتك اخترت سويفت مش جراند اي10
يعني زي ما قارنت بينها و بين الاتراج كده بعد إذنك

من عنيا يا باشا :) :) :)

بالنسبة للاي تن مع الديزاير

1- المساحة / الاى تن تتفوق في مساحة الشنطة فقط انما الصالون مساحته في الديزاير افضل من الاى تن... والكراسي اريح واوسع بنسبة بسيطة

2- الشكل العام/ الاتنين بالنسبة ليه كانوا كويسين جوه صالات العرض ... انما لما شفتهم الاتنين ماشيين في الشارع حسيت الاى تن مكعبرة شوية والديزاير افضل منها شكلا وانسيابية ... لكن بوجه عام الاتنين كويسين على الاقل افضل من الاتراج، كمان انا بحب العربيات اللى فرشها بيج مش اسود ودى كانت نقطة في صالح الديزاير، يمكن لو كانت الاى تن نزلت بالفرش البيج اللى بينزل بره كان الوضع اختلف

3- تصميم التابلوه / عجبني فقط في الاى تن الاضواء الزرقاء للتابلوه ... انما توزيع العناصر على التابلوه وشكل الكاست واليو اس بي والطارة الديزاير احسن

4- جودة الخامات/ الصاج الخارجي للاى تن ضعيف مقارنة بالديزاير، والخامات الدخلية رديئة جدا جدا في الديزاير الخامات انظف كثيرا والتقفيل افضل بكتير.

5- عوامل الامان/ لا مجال للمقارنة بين الاتنين ... الديزاير تتفوق بمراحل لوجود وساد هوائية ونظام توزيع اليكتروني للفرامل وفرامل مانعة للانزلاق وايموبلايزر، الاى تن مفيهاش حاجة على الرغم من ان الاتنين نفس السعر

6- الموتور / الاتنين قريبين جدا من بعض، وبيطلعوا قدرة حصانية وعزم متقارب ... لكن فيه نقطة انا مش فاهم سببها ... تسارع الاى تن من 0 ل 100 في 14 ثانية وال الديزاير في 11 ثانية فقط ... ده معناه ان التسارع للديزاير احسن لكن انا مش لاقي تفسير منطقى للفرق ده مع تساوى قدرات العربيتين وللعلم وزن الديزاير اثقل من الاى تن

7- العلامة التجارية/ هيوانداي غبور افضل طبعا تجاريا وتسويقيا واعادة بيع ودي كانت اقوى حاجة للاى تن لكنى تجازوت النقطة دي وقررت اشتري عربية ولا اشتري اسم وخلاص

8- السعر/ الاتنين متقاربين

9- النظام الصوتي / في الديزاير افضل عشان فيه 4 سماعات و اتنين تويترز ودى مدي فخامة للصوت شوية ... لكن الاى تن الصوت فيها كويس برضه .. الاتنين احسن من الاتراج

وتحت أمر اى حد في اى استفسار

[falcon44]

الف مبروك وعقبال المرسيدس ان شاء الله
بس ياريت حضرتك توضح ايه اخبار قطع غيارها ومدى توافرها وخصوصا الصيانات الدوريه لان اى عربيه جديدة لازم الواحد يبص على اسعار قطع غيارها الاول
لانى ان شاء الله ناوى اجيب جديد وحاطط السويفت والميراج فى الحسبان لان رنج السعر معايا لغاية 115 او 120 بالكتير فايه رايك عموما فى الافضل فى الرنج ده