المساعدين الاصلي والهندي ... سؤال ؟

[HHALAWANY]

السلام عليكم ورحمة الله وبركاته ..

كنت بتكلم مع واحد صاحبي على العربية والمساعدين اللي تعبوا والكلام ده
لاقيته بيقولي ان ممكن تتغيرببلاش في التوكيل !!!

قالي بس استنى لحد ما تقرب من ال 20 الف كيلو وبعد كده تقدر تغيرهم .... ؟؟؟
ايه بقا معنى الكلام ده ؟؟

اولا .. انا عربيتي موديل 2013 عاملة بتاع 14000 كيلو ... وبقالها بتاع سنة ونص ... وطبعا انا مابرحش الضمان خااالص .. وعامل سي دي وكاست وانزار وسنتر لوك وتكييف للعربية برة الضمان او التوكيل !!!

فهل انا من حقي اني اروحلهم يغيرولي المساعدين !!! ولا لأ ؟؟؟؟؟؟؟؟؟؟؟

دي حاجة .................................................. .....................................

الحاجة التانية روحت عشان اسأل على المساعدين في سوزكي سنتر اللي في التوفيقية ... سألت عم مجدي عن الطقم الامامي يعمل كام ... قالي حوالي 550 جنيه للاتنين طبعا !!!
قلتله دول نوعهم ايه .. قالي نوع هندي وقالي اسمه بس مش فاكره .. هو فيه حرف السي .. وبتتنطق كاف بالعربي !!! مش متذكر الاسم بصراحة !!

فايه بقا .. اروح اجيبهم وزي الفل .. ولا اجيبهم من حد تاني ... وياترى هلاقيهم عند مين وايه النوع الافضل للسوزوكي ماروتي ؟؟؟؟

وشكرااااااااااا

[HHALAWANY]

ماحدش عارف حاجة عن موضوع الضمان ؟؟ .. طب محدش ركب قبل كده مساعدين ؟؟؟!!!!
لو ماحدش يعرف حاجة عن موضوع الضمان .. يبقى على الاقل اكيد في حد ركب وغير مساعدين .. ؟؟
طب ايه النوع الافضل .. وهل الهندي كويس ولا لأ ... اي معلومة كده يا جماعة تفيديوني بيها !!!!

شكراااا

[D . a .\ AYMAN]

لو هاتجيبهم من برة إسأل الأول عند سوزوكي سنتر في التوفيقية ... لأن حاجته من اكثر الحاجات المضمونة خارج التوكيل

وكمان لازم تسأل عن سعرهم في التوكيل كام حتى لو مش هاتركبهم في التوكيل ... لأن لو سعرهم مناسب في التوكيل يبقى التوكيل أفضل طبعا ... حتى لو هاتركبهم برة

ما أعتقدش التوكيل هايغيرهملك في الضمان لأنك أصلا مش بتعمل الصيانات الدورية عندهم ... ولو عايز تصر على تغييرهم في الضمان هاتدخل معاهم في حوارات طويلة شوية وجهاز حماية مستهلك بقى والكلام ده لو نفسك طويل

بس أساسا إيه اللى يخلي المساعدين عندك عايزة تتغير وهي لسة ما كملتش 25 ألف أصلا ... مساعدين العربية دي المفروض يعملوا أكثر من كدة بكثير ... هل انت متأكد إنهم عايزين يتغيروا

[HHALAWANY]

لو هاتجيبهم من برة إسأل الأول عند سوزوكي سنتر في التوفيقية ... لأن حاجته من اكثر الحاجات المضمونة خارج التوكيل

وكمان لازم تسأل عن سعرهم في التوكيل كام حتى لو مش هاتركبهم في التوكيل ... لأن لو سعرهم مناسب في التوكيل يبقى التوكيل أفضل طبعا ... حتى لو هاتركبهم برة

ما أعتقدش التوكيل هايغيرهملك في الضمان لأنك أصلا مش بتعمل الصيانات الدورية عندهم ... ولو عايز تصر على تغييرهم في الضمان هاتدخل معاهم في حوارات طويلة شوية وجهاز حماية مستهلك بقى والكلام ده لو نفسك طويل

بس أساسا إيه اللى يخلي المساعدين عندك عايزة تتغير وهي لسة ما كملتش 25 ألف أصلا ... مساعدين العربية دي المفروض يعملوا أكثر من كدة بكثير ... هل انت متأكد إنهم عايزين يتغيروا

اولا .. شكرا على ردك ..
ثانيا .. انا سألت عليهم فعلا في سوزوكي سنتر اللي في التوفيقية .. ولاقيت الطقم الامامي الهندي عامل 500 جنيه .. بس فحبيت اسأل .. هل ده كويس لو حد كان جربه ولا اسأل في حتة تانية .. واسأل فين ؟؟

ثاثا ... اما بالنسبة لليه المساعدين عاوزين يتغيروا دلوقتي ... فانا بصراحة ماعرفش ليه ؟؟
لاكن كل الحكاية اني حسيت ان العربية في المطبات او الطرق الغير مستوية ، بتبقى نااااعمة وعمالة تطلع وتنزل معايا بانسيابية غريبة !!!

ولما روحت اكشف عليها عشان وقعت في نقرة عند حمادة الامام بتاع العفشة ... قالي المساعدين عاوزين يتغيروا بس بعد 3 او 4 شهور من دلوقتي .. وفعلا .. الوقت عدى وحسيت اكتر بمرجحة المساعدين ,,,

ومن كام يوم وقعت في حفرتين كبار جداااا .. وروحت رفعتها في بنزينة .. والحمدلله الراجل قالي مافيهاش حاجة ... لاكن المساعدين اللي اودام دول تعبوا خالص ومحتاجين يتغيروا ...

هل بقا تعبوا عشان خاطر المطبات او النقر والطريق الغير مستوي بتاع بلدنا ولا عمر افتراضي ,,, انا ماعرفش ... لاكن كلام اني اغيرهم اتقالي من 2 مختلفين و في اوقات مختلفة ...

وانا والله ماعرفش ده كده طبيعي ولا لأ .. لاكن فعلا انا حاسس ان المساعدين عمالين يعملوا معايا أب اند داون بطريق غريبة !!!

وشكرا ليك ...

بس انا برضوا ماعرفتش ايه النوع الكويس وسعره كام واجيبه منين .. وهل الهندي ده حلو ولا لأ ؟؟
برجاء الافادة ....

تحياتي ليك :)

[D . a .\ AYMAN]

الهندي بتاع سوزوكي سنتر ... مش هايكون وحش ... وهايكون أقرب حاجة للأصلي بتاعها ,,, بس من ناحية الجودة أنا ما جربتوش بصراحة

بس إسأل في التوكيل الأول ... عشان لو السعر مقارب يبقى التوكيل أفضل