السوزوكي ارتيجا 2015

[shooxcar]

حد يعرف أسعار فرش الكراسي و الارضيه و النوع..عشان العربيه فعلا محتاجه الاتنين حفاظا علي الكراسي و ضهر الكراسي و خصوصا اخر مقعد لانه بيعد مت ارضيه الشنطه بعد الطي..و كمان ارضيه السياره حاجه مهمه نظرا لانها فاتحه و قماش قابل للاتساخ.

و شكرا

[Gelgel2004]

اسال فى جينز كار

[shooxcar]

اسال فى جينز كار

شكرا ياباشا علي الرد...بس هو فين مكانه

[aramzy]

ألف مبروك و ربنا يبارك لك فيها و يكفيك شرها
فيه جروب لسه معمول جديد لمالكى الإرتيجا يا ريت تنضم ليه و تفيد اللى هيشتريها أو اللى حاجزها بأى معلومة مفيدة
الجروب إسمه Suzuki Ertiga Owners in Egypt
مش عارف مسموح فى المنتدى أحط له لينك و لا لأ
بس أنا بحاول نجمع حاجزى ومالكى الإرتيجا علشان الفائدة تكون عامة
معلش بكرر نفس الكلام فى أكتر من مكان علشان نوصل لأكبر عدد من الراغبين فى إقتناء إرتيجا

[shooxcar]

ألف مبروك و ربنا يبارك لك فيها و يكفيك شرها
فيه جروب لسه معمول جديد لمالكى الإرتيجا يا ريت تنضم ليه و تفيد اللى هيشتريها أو اللى حاجزها بأى معلومة مفيدة
الجروب إسمه suzuki ertiga owners in egypt
مش عارف مسموح فى المنتدى أحط له لينك و لا لأ
بس أنا بحاول نجمع حاجزى ومالكى الإرتيجا علشان الفائدة تكون عامة
معلش بكرر نفس الكلام فى أكتر من مكان علشان نوصل لأكبر عدد من الراغبين فى إقتناء إرتيجا

شكرا جدا لحضرتك و الله ياركفيك
و برده في خبر حلو و انا في الصيانه بتاعت ال 1000 سألت علي فتره استلام الارتيجا قالولي انها حاوالي 3 شهور في ابو رواش

[shooxcar]

تجربتي مع مركز الصيانه بابو رواش اول دخله يمين بعد امارات مصر لصيانه ال 1000 كم بصراحه مركز الخدمه ممتاز..المركز عباره عن مبني جديد جنب نيسان و بتروح تاخد رقم من شاشه كيو نت تتش و بعدين تستني تسمع الرقم طبعا مش بتعد كتير عشان الصاله ده سوزوكي بس و بتعد مع المهندس و تفضفضلوا ووبعدين يخرج معاك هو بنفسه الي ياخد العربيه الورشة بنفسه و دخلت استنيت ساعتين بالظبط و لقيتهم بالورقا الصفرا بتاعت الاستقبال الي خدتها من المهندس بيدوني بيها شاي ووكيك مجاني و طبعا كانت الصيانه مجانيه فقط دفعت الزيت و الفلتر .نوع الزيت توتال و طبعا لما خلصت لقيت العربية جايه من المغسله ..طبعا فكره رائعه غسيل برا وجوا ماكنش غبور بيعملها ولا ابو الفتوح
وشكرا ......والله الموفق والمستعان

[shooxcar]

مساء الخير..

الحمدلله الارتيجا بدأت بالفعل في الانتشار في الشوارع.. شفت اتنين علي مدار يومين متتاليين فبدأت اطمن كان اللون الموكا الغامق و الفيراني الغامق... و طبعا ده طبيعي عشان العربيه يعتبر اول سنه ليها كا موديل و طراز خصوصا كل الدفعات 2015

و ربنا يوفق الجميع فاختياره

[Gelgel2004]

شكرا ياباشا علي الرد...بس هو فين مكانه

اتفضل يا باشا

:: جينز كار - لفرش السيارات ::

[shooxcar]

اتفضل يا باشا

:: جينز كار - لفرش السيارات ::

شكرا ياباشا علي الاهتمام.. :))

[Ahmad _Sheemy]

الحجز بكام و بيثبت سعر السيارة ة لا لا..؟

[shooxcar]

الحجز بكام و بيثبت سعر السيارة ة لا لا..؟

الحجز ب 5000 جم لكن مفيش تثبيت للسعر النهائي....

[abd elkarim]

اﻷخ الفاضل خالد شهاب
السلام عليكم ورحمة الله وبركاته
أولا ألف مبروك على السيارة وأدعو الله أن يعطيك خيرها ويكفيك شرها .
ثانيا . أنا عضو جديد بالمنتدى وعايش بالسعودية وكل سنة بنزل أجازة لمصر شهرين بشتري سيارة مستعملة أقضي بيها اﻷجازة وأبيعها قبل السفر . وقررت اﻷجازة الجاية إن شاء الله أشتري سيارة جديدة واحتفظ بيها في جراج عند السفر . أنا معايا في السعودية كارينز 2011 ماكينة 2000 سي سي وأخويل في مصر شار عليا بالارتيجا وأنا متشجع ليها ﻷنها قريبة من الكارينز وبصراحة الكارينز مريحاني . بس خايف من سحبها عشان الماكينة 1400 . فتنصحني بإيه ... وآسف على اﻹطالة

[Dr.Ertiga]

[QUOTE=shooxcar;3875825479][QUOTE=chicomowafy;3875824144]
عاما هو اي عربيه حتي لو 1600 السبعه فيها بتكون تقيله طبعا سواء بالتكييف او بدون و بصراحه انا لما فكرت فيها قلت لو هاركب سبعه هايكون حاجه استثنائية مش دايما..بس برده في حاجه مهمه انظر الي السوزوكي فان ماهي 1000 سي سي و دايما بتلاقي فيها سبعه راكب و بتلاقيها قرده في الشارع زي الفل ..و بالنسبه الحصان بتاع الارتيجا 95 مش وحش علما بان الماتريكس الي كانت معايا كانت 102 حصان و كنت بحملها ورا 3 و شنط و بسافر بيها عادي بالتكييف و كنت ساعات بحث انها تقيله لكن مابقتش اشغل بالي عشان ده حاحات بتبقيه عرضيه مش دايما.[/QU

السياره وزنها فاضي 1120 كجم وأقصى تحميل يصل وزنها الى 1760 كجم وهي في هذا الجانب افضل من الافانزا
من ناحية البور والسحب كما فرات في الريفيوهات يتحسن سحب السياره بعد 2000 لفه/د (ار بي 2) ويستمر في التحسن وتظل ثباتها كويس حتى 4000 لفه وسرعه اعلى من 140 كم/س .... السيارات الالماني والايطالي محركاتها 1400 سي سي ولكنها تربو وتصل قدراتها الى 135 حصان ....خبرات من قادوا الارتيجا في مصر قالوا انهم حملوها باكثر من 7 ركاب وصوت الموتور مبقاش عالي عند السحب الا بعد 140 كم

[shooxcar]

السلام عليكم
والله فعلا لا تخف من موضوع 1400 انا مش حاسس انها ضعيفه حتي لو بكون مركب ناس ورا و حاطت حاجات كتيره علي الكنبه الي ورا..بحس انها زي ماهيا في السحب سواء فيها ناس او فاضيه او بالتكييف كمان ..و فعلا زي مالناس بتقول بعد سحبه الاول و التاني بتلاقي العربيه سحبت و جرييت اوي ..فتوكل علي الله و استخيروااااا الله

[shooxcar]

فعلا لا تخافوا من موضوع السحب.ِالسياره بفضل الله بقالها معايه اهه و قربت علي ال 5000 و السحب كويس مع حمل و بدون و في مطالع و بتكييف ..