الماروتي ساعات بتنتش .. المشكلة فين ؟

[oaattia]

السلام عليكم

انا عندي ماروتي عاملة حوالي ٤٠٠٠ كيلو و في مشكلة بقالها فترة ان العربية ساعات بتنتش و انا ماشي ... و دا بيحصل اما اقف شوية في الزحمة .
و ساعات برضة ببتطفي علي الاول برضة اما بقف كتير في الزحمة ... المشكلة ممكن تكون فين ؟
مع العلم اني روحت لمكانيكي و قعد يظبط في السبراتير و معملش حاجة لسا نفس المشكلة

ياريت الافادة من خبراء الماروتي :)

[ياسر يوسف]

غير ابلاتين وكوندنسر وبوجبهات اصليه وبتكون في حدود50 جنيه

[Mecha]

انت بتقول عامله 4000 كم بس ,يعني محصلتش سرفيس
اكيد بنزيم وسخ

[oaattia]

طب لو بنزين وسخ اعمل ايه ؟ الموضوع دا بقالة فترة ... انا غيرت زيت بس قبل كدا

[جويد]

روح التوكيل انتى لسه في الضمان

[J A G U A R]

اكشف عليها فى صيانه ال 5000 وبلاش ميكانيكى

[lidosasa]

فلتر البنزين حتلاقيه تحت التانك علطول جنب العجلة الشمال طلعه وبص عليه ممكن تلاقيه مسدود

[alking_2006]

لما تروح التوكيل علشان الضمان
هتقولهم على العيب دا
هيغيرولك الموبينه بموبينه اليكترونى و احتمال يغيروا (الابلاتين و الكوندنسر) و ان شاء الله المشكلة هتروح

[Nour Eldin 680]

حضرتك بتستخدم بنزين ٨٠ و الا ٩٢ و الحاجة التانية لازم لما تحط بنزين تختار بنزينة كويسة علشان البنزين ممكن يشيل شوائب من الخزان بالبنزينة و بالتالى كله حيأثر على عربيتك