محتارة بين نيو التو و البيني ميني

[mona mohamed]

ياريت يا جماعه تفيدونى محتارة جداااااااااا .. عايزة عربيه فى حدود 62 الف

محتاره اجيب الالتو 2015 الياباني شكلها ظريف بس 800 سي سي و فاضيه من جوه خااالص و مفيهاش غير تكيف و ب62000
..................................................

ولا اجيب الشانجان بيني ميني صيني و 1000 سي سي و اوتوماتيك و باور و زجاج كهرباء وكاسيت و ارخص الفين جنيه ؟!!!!!

[YahiaAshraf]

تصحيح للمعلومة : الالتو صناعة هندية وليست يابانية
وانا لو مكانك هشترى الشانجان بينى مينى خصوصا وانها بقت منتشرة دلوقتى وسمعتها كويسة وفيها اوبشنز كتير + عوامل أمان
خامات التابلوه فيها كويسه جدا على عكس المتوقع فى باقى الصينى
وبالتوفيق باذن الله

[mona mohamed]

شكرا للرد
كمان بالنسبه لسعر اعاده البيع مين افضل لان ممكن تفضل معايا سنتين وبعدها اجيب واحده سيدان اوسع ؟
....................................
ومعلش لانى معنديش خبرة فى العربيات ...
انا نويت اكتر على الالتو لانى خايفه من سمعه الصيني فى مصر بس قلقانه من انها 800 cc و 3 سلندر هل ده بيأثر على العربيه والتكييف
وهل ممكن اركبلها اللى ناقص بعد كده من (( كاسيت و سنترلوك و انذار وزجاج كهربا )) ولا بلاش العب فى كهربا العربيه

[wmn]

وفيه اختيار تالت في نفس الفئة السعرية هو السايبا برايد سيدان أو هاتشباك، الاتنين سعرهم 58 ألف

[shiko85]

كمان بالنسبه لسعر اعاده البيع مين افضل لان ممكن تفضل معايا سنتين وبعدها اجيب واحده سيدان اوسع ؟
اعاده البيع صعب تحديدها لان سوق السيارات فمصر متقلب من فتره كان الصينى مرفوض تماما لكن حاليا فيه اقبال على شراء الصينى فظل زياده الأسعار سواء الجديد او المستعمل
لكن عموما الألتو هتكون افضل لانها معروفه اكتر لكن فيه ميزه مهمه جدا فالبينى مينى انها اتوماتيك و فيها كماليات اكتر و ده الى حد ما ممكن يخليها تحافظ على سعر اعاده بيع كويس
....................................
ومعلش لانى معنديش خبرة فى العربيات ...
انا نويت اكتر على الالتو لانى خايفه من سمعه الصيني فى مصر بس قلقانه من انها 800 cc و 3 سلندر هل ده بيأثر على العربيه والتكييف
مش هيأثر على التكييف, التكييف هو اللى هيأثر على اداء العربيه خصوصا فبدأ الحركه (بعد اشاره مثلا التأثير هيكون ملحوظ جدا) لكن تأثيره مش هيكون واضح على السحب (سرعه او سفر) و حتى لو 1000 سى سى التاثير هيكون ملحوظه
وهل ممكن اركبلها اللى ناقص بعد كده من (( كاسيت و سنترلوك و انذار وزجاج كهربا )) ولا بلاش العب فى كهربا العربيه
ينفع طبعا تركيب كل ده (كاسيت - سنترال لوك - انذار) فالتوكيل او مركز خدمه معتمد للحفاظ على الضمان
لكن تركيب زجاج كهرباء محتاج صنايعيى شاطر علشان النتيجه النهائيه تكون جيده بدون اى تشويه

[ibrahimahmed]

انا كان عندى نفس الحيرة دى وانا بشترى من 4 شهور ... وبعد مقارنات كتير بين الالتو وفئات الصينى المختلفة اللى فى نفس السعر ( سواء شانا بينى او جيلى باندينو )
وبعد تفكير اخترت الالتو عشان عدة اسباب ... منها انها ( وان كانت بتتصنع فى الهند ) فهى برضو تكنولوجيا يابانى والموتور يابانى .... تقفيلها حلو جدا وشكلها الجديد عاجبنى ...والسنتر والانذار والكاسيت ركبتهم فى التوكيل وكنت شارى الحاجات من برة والموضوع مش بياخد اكتر من يوم وكله تمام
اما الصينى انا بعدت عنه مع كل الكماليات والاوبشنات اللى فيه ... بصراحة الواحد فى الصينى بيشترى سمك فى ميه ... ولو لا قدر الله اشتريتها وحصل فيها عيب هادوخ بين التوكيل بتاعها وحماية المستهلك وقصص سخيفة ... والاسم عربية زيرو
وبخصوص اعادة البيع الصينى يخسر فى المقارنة لان اكتر عربيات بتخسر فى اعادة البيع هى الصينى
فنصيحة ليكى طالما بتتكلمى فى فئة ال60 الف يبقى الالتو اضمن حاجة

[Nivinne]

ياريت يا جماعه تفيدونى محتارة جداااااااااا .. عايزة عربيه فى حدود 62 الف

محتاره اجيب الالتو 2015 الياباني شكلها ظريف بس 800 سي سي و فاضيه من جوه خااالص و مفيهاش غير تكيف و ب62000
..................................................

ولا اجيب الشانجان بيني ميني صيني و 1000 سي سي و اوتوماتيك و باور و زجاج كهرباء وكاسيت و ارخص الفين جنيه ؟!!!!!

ابعدي عن الصيني .... وغني له ... ....

[Waseem.Elbialy]

انا رأيي هاتي حاجة كوري موديل 2005 او 2006 بنفس المبلغ وتكون مستعملة استعمال جيد احسن من القصص دي خالص