حجزت و الحمد لله

[Shadymuhamed1]

الحمد لله ربنا وفقني وقررت اني احجز ديزاير سيدان بعد حيرة كبيرة بينها و بين الاختين البروتون و الجراند I10
حجزت يوم الاحد 30/11 وقالولي ف خلال 3 او 4 شهور هستلم إن شاء الله بس كانوا بيقولوا ان على شهر يناير هتيجي دفعة اكبر و ناس اكتر هتستلم
بس الصراحة التوكيل عايز يتظبط شوية انا لما روحت احجو قعدت ادور على حد يحجزلي ملقتش بغض النظر اني كنت هناك 9:30 :D
وانا بحجز عرضو عليا اكسسوارات للعربية ( بلوتوث كيت 2200 / انذار على الريموت 500 / ماكينة فصل 600 / بارك سينسور 500) و اخترت البارك سينسور و الانذار و جهاز الفصل
كنت عايز اعرف حاجه بس
هل وجود ايموبوليزر ف العربية يغني عن جهاز الفصل ده ولا لا ؟؟؟
و يا رب سهلها و كل اللي حاجز يستلم عربيته
ولو حد يقدر ينصحني باي حاجه ياريت يقول

[ARKOON]

الف مبروك ربنا يديك خيرها ويكفيك شرها.

[Mahmoud.Fathy]

الف مبروك ... حجزت في أنهى فرع ؟؟؟ وحجزت لون ايه ؟؟؟

الايموبلايزر هو مانع ادارة المحرك الا بالمفتاح الاصلي - جهاز الفصل خط دفاع ثاني .. يعني لو جهاز الفصل موجود وانت مفكتش الفصل بالقطعة بتاعته اللى بتيجي معاه العربية مش هتدور حتى بالمفتاح الاصلي كمان .

مع بعض بقى ... انا حجزت من اول 11 وقالولى خلال 3 شهور ... فات منهم كده شهر :) :) :)

[Shadymuhamed1]

الف مبروك ... حجزت في أنهى فرع ؟؟؟ وحجزت لون ايه ؟؟؟

الايموبلايزر هو مانع ادارة المحرك الا بالمفتاح الاصلي - جهاز الفصل خط دفاع ثاني .. يعني لو جهاز الفصل موجود وانت مفكتش الفصل بالقطعة بتاعته اللى بتيجي معاه العربية مش هتدور حتى بالمفتاح الاصلي كمان .

مع بعض بقى ... انا حجزت من اول 11 وقالولى خلال 3 شهور ... فات منهم كده شهر :) :) :)

حجزت من ابو رواش اللون الاسود و الاحمر
بس انا كنت بسأل عن الفصل علشان اعرف حاجه
حد تاني حجز اكسسوارات ولا ايه
وهل البارك اللي ف التوكيل كويس ولا اي كلام

[S O P H O S]

ان شاء الله تستلم علي خير