يا اصحاب الالتو... منتظر مشاركتكم...

[mindvision]

السلام عليكم ورحمة الله وبركاته...
اخواني جميعا ...
انا مقبل علي شراء سيارة لاول مرة في حياتي واريد رايكم في هذا الموقع الجميل .. اريد رايكم للاستقرار النهائي علي موديل العربية المناسبة...

في القسم هنا كثرت المواضيع عن مميزات الماروتي وقليل من اوضح لنا حقائق وتجارب الالتو... فانا كل ما اطلبه هو مشاركة الاخوة مالكي الالتو بعد خوض التجربة ...

لاني كنت ناوي اجيب الالتو ال800 الفاضية ولنك بعض الناس قالت لي مادام انها 800 والماروتي ايضا 800 يبقي ليه الزيادة من الاول مادام العربيتين فاضيين والعربيتين 800 ؟
عشان كده انا طالب من مالكي الالتو انهم يفيدوني بالمميزات اللي جعلتهم يجيبوا الالتو وليس الماروتي ؟؟؟ عشان لو فيه ميزة انا معرفهاش يبقي عرفتها من احسن ناس هنا...
شكرا...

[m7nsh]

معتقدش ان فى حد جاب التو الفاضيه و فضلها ع الماروتى (اللى فاضيه اصلا برده) لمجرد انها (التو ) و دفع فرق السعر بينهم كده بتكبير دماغ

**************

الألتو: 800 سي سي بدون كماليات = 45,000

800 سي سي تكييف فقط = 49,000

800 سي سي جميع الكماليات مانيوال = 53,000

1.1 سي سي تكييف و كاسيت و سنتر, مانيوال = 60,000


الماروتى : 800 سى سى بدون كماليات = 38000

************

اللى بيجيب التو بتكون يا اما بتكييف و 800 او 1100

رايى : لو هتجيبها فاضيه كده كده يبقى تجيب الماروتى ,, لو فارق معاك تكييف وكده هات التو بتكييف بس انا اسمع ان ماروتى بيركبلها تكييف الفرق ان الألتو نازله بيه و اكيد مظبطينه على ال800 سى سى دول ,, انما الماروتى انت اللى بتركبه فبتشيل مخاطره ع الموتور( الضعيف نسبيا )

صلى استخاره و شوف ربنا هيوفقك لأيه بعد ما تسمع راى باقى الأعضاء

ملحوظه تانيه : اسمع ان قطع غيار الألتو غاليه سنه ومش منتشره زى الماروتى ,, حط دى فى اعتبارك برده ,,وربنا يوفقك ياباشا ان شاء الله للأختيار المناسب

[D . a .\ AYMAN]

انا جبت الألتو full option 800 عشان التكييف وبقيت الكماليات
لأن التكييف بيفرق معايا وبالنسبة لي مهم

أعتقد اني لو كنت استقريت على الالتو فاضية كنت هاجيب ماروتي أحسن لأن الفرق بعد كده في الشكل فقط وفي القدرة الحصانية لأن الالتو أقوى والموتور بتاعها انجكشن
تقريبا الالتو 47 حصان
الماروتي 37 حصان
بس كل ده مش هايتحس بيه قوي بالنسبة للمستخدم لأن أصلا هيى العربية صغيرة

هية دي الفوارق بينهم غير الشكل من برة وجوة طبعا

لكن نصيحتي ليك لو هاتجيب الالتو فاضية يبقى حاول تدوس على نفسك شوية وتجيبها على الاقل بالتكييف لأنه طبعا هايفرق معاك في الصيف جدا والفرق بسيط جدا 4000 جنيه فقط ولو ركبته برة هايبقى واقف على الأقل بـ 3000 ومش هايبقى بتاعها

والله الموفق

[noon_eg]

ألحقيقه انا بقى لى فتره فى حيره بين عده سيارات منها الالتو بالتكييف والماروتى وغيرهم

المهم من فتره حصرت المقارنه بين التو تكييف 800 وماروتى وتبين لى ان هناك اختلافات بينهم منها

1- الشكل الخارجى والابعاد والوزن
** الالتو اكبر 13 سم فى الطول و4 سم فى العرض
** الوزن الالتو 730 كجم الماروتى 680 كجم
** المسافه بي المحاور الاتو 230 سم والماروتى 210

2- الموتور
** الالتو انجكشن 12 صمام 47 حصان
** ماروتى 6 صمام كربراتير 37 حصان

3-التقفيل الداخلى والخامات المستخدمه
** الالتو افضل

4- توافر قطع الغيار واسعارها
** الماروتى تكسب

5- التكييف والكماليات
** الالتو تكسب

من الاخر لو معاك تمن الالتو تكييف يبقى جيب التو لو مافيش يبقى ماروتى

[zalpany2000]

السلام عليكم
اخي العزيز
بجد الالتو تفرق كتيير عن الماروتي في الشكل و التقفيل والصالون
انا قعدت جوه الاتنين
بس الاتو تكسب من حيث جودة صالون العربية المرتفعة نسبيا عن الماروتي

لحد كده مش كفاية ... يعني لحد كده الcost benefit مش كفاية علشان تدفع فرق السعر بين الالتو الفاضية والماروتي .... يعني الماروتي عملية اكتر

بس لو اتكلمنا عن الالتو تكييف والماروتي.... يبقي الالتو تكسب حتي مع فرق السعر الكبير

اتمني اكون افدتك
علي فكرة انا معايا الفول اوبشنز ... عامل بيها دلوقتي 8200 كيلو في شهرين ونص تقريبا

تحياتي

[mindvision]

متشكر ليكم علي جميع ارائكم حتي الان اخواني الاعزاء.... وفي انتظار باقي اراء الاخوة ان كان لهم راي تاني غير اني ماجبش الالتو الا لو كانت تكييف او اكثر...

[marsleno]

ازيكم انا كان لي سوال مهم وياريت حد يرد عليه ضروري عشان انا خايفه امشي بالعربية انا لسه جيبه التو 800 سي سي الفول اوبشن ومشيت بيها مسافه تقريبا 10 دقائق وانا شدة فرامل اليد مخدش بالي الا بعد ما وقفت شميت ريحة شديدة ولما سالت قالوا ان فرامل اليد بتاثر علي تيل الفرامل فانا خيفه ان يكون الفرامل حصالها حاجة بالذات اني اول مرة اسوق العربية تقترحوا عليه اكشف علي السيارة عند مكانيكي عادي ولاه اروح التوكيل ولاه مش مستهله مع الاعتبار اني بقلها معايا كدة اسبوع فقط يعني معملتش 1000 كيلو

[D . a .\ AYMAN]

ازيكم انا كان لي سوال مهم وياريت حد يرد عليه ضروري عشان انا خايفه امشي بالعربية انا لسه جيبه التو 800 سي سي الفول اوبشن ومشيت بيها مسافه تقريبا 10 دقائق وانا شدة فرامل اليد مخدش بالي الا بعد ما وقفت شميت ريحة شديدة ولما سالت قالوا ان فرامل اليد بتاثر علي تيل الفرامل فانا خيفه ان يكون الفرامل حصالها حاجة بالذات اني اول مرة اسوق العربية تقترحوا عليه اكشف علي السيارة عند مكانيكي عادي ولاه اروح التوكيل ولاه مش مستهله مع الاعتبار اني بقلها معايا كدة اسبوع فقط يعني معملتش 1000 كيلو

لأ هية ان شاء الله مش مستاهلة انك تروحي تكشفي عليها عند ميكانيكي ولا حاجة وان شاء الله في صيانة الألف في التوكيل تقوليلهم ياخدوا بالهم من الفرامل بالذات

هية تأثيرها هيكون ان التيل بتاع الفرامل اتاكل شوية زيادة عن المفترض وهوة ده سبب الريحة اللى انتي شمتيها ... وطالما ان العربية بتفرمل معاكي بعدها بصورة طبيعية يبقى بإذن الله مافيش قلق

بس خدي بالك من الموضوع ده لأنه لو مشيتي عليها مدة كبيرة العجل هايسخن جدا والفرامل هاتسخن جدا وممكن حاجات كتير تبوظ من السخونة دي وأولها ماستر الفرامل

[ahmedfouad]

[quote=mindvision;484976]

متشكر ليكم علي جميع ارائكم حتي الان اخواني الاعزاء.... وفي انتظار باقي اراء الاخوة ان كان لهم راي تاني غير اني ماجبش الالتو الا لو كانت تكييف او اكثر...

ده خلاصة القول

[y_omran]

انا عندى التو 800 تكييفو بصراحة انا وقعت فى الحيرة بتاعتك بالضبط و الفلوس اللى كانت معايا كانت تجيب الماروتى كاش و لكن لما شفت الالتو عجبتنى اكتر فى الاتى
1- العربية اوسع و اعلى و اشيك
2- التقييل احلى
3- التابلوه اجمل بكتيير
4- ميزة التكييف
5- الشنطة اوسع
علشان كدة اخترت الالتو و هى بصراحة عربية تحفة و مبروك عائلة سوزوكى مقدما ماروتى او التو

[A.Saad]

بصى على لمبة فرامل اليد فى التابلوه على الشمال
قبل ما تطلعى

[mindvision]

بصى على لمبة فرامل اليد فى التابلوه على الشمال
قبل ما تطلعى

شكرا علي المشاركة...

[engahmed29]

فى رأيي ان الفروق بين الالتو و الماروتى كتيرة اوى ، بس معظمها ليها علاقة بالرفاهية مش اكتر ، يعنى مثلا :

1- الالتو اشيك بكتير من برة و من جوة و اكبر من الماروتى
2- فى بعض الكماليات و وسائل الرفاهية مش موجودة فى الماروتى زى فتح تنك البنزين من جوة العربية و صفارات إنذار لو نسيت المفتاح فى الكونتاكت او لو نسيت نور التابلوه مفتوح .
3- فى شوية دلع كدة من ناحية تصميم التابلوه و الدريكسيون و كمان فى حركة توجيه الاضائة الخارجية فوق و تحت .
4- طبعا ضخ الوقود الاليكترونى اوفر فى استهلاك الوقود و اسرع .

[veronese]

هاي يا جماعة انا عندي سؤال و ياريت حد يجوبني عليه بسرعة انا عاوزة اشتري عربية سوزوكي التو 800 سي سي بدون كماليات بس كنت عاوزه استفسر عن حاجو هي كماليات دي يعني العربية فيها كاسيت و لا لأ و شكرا

[D . a .\ AYMAN]

هاي يا جماعة انا عندي سؤال و ياريت حد يجوبني عليه بسرعة انا عاوزة اشتري عربية سوزوكي التو 800 سي سي بدون كماليات بس كنت عاوزه استفسر عن حاجو هي كماليات دي يعني العربية فيها كاسيت و لا لأ و شكرا

الألتو في منها تلات فئات
1- فاضية خالص ودي مافيهاش أي حاجة غير إنها عربية لا باور ولا كاسيت ولا زجاج كهرباء ولا تكييف

2- بالتكييف فقط وهو الحاجة الوحيدة اللى بتكون زيادة

3- الكاملة .. وبيزيد على التكييف فيها الزجاج الكهرباء والباور والكاسيت ... لكن الكاسيت بصراحة زبالة ومالوش أي لازمة .. أنا عن نفسي غيرته على طول وركبت بتاعي وأنا اللى مركبه بإيدي