اول عربية جديدة فى حياتى سوزوكى فان

[simby]

لنهردة الحمد لله بعد عناء سنين وتفكير
اقبلت على شراء سوزوكى فان كنت حشتريها قسط زمان بس الحمد لله فرجت وجبتها كاش

لانى تعبت مع العربيات المستعملة اول عربية جبتها فيات 128 وثانى عربية لادا 2017 وثالث عربية سينا
وكلهم ضيعو الى ورايا والى قدامى

والحمد لله قررت اجيب عربية خدومة كل الناس بتشكر فيها

شعب مصر بيركبها كل يوم

شقيانة ليل ونهار
وبتجيب جنيه وهية ماشية
اخترتها عشان تصلح لاى حاجة ملاكى ماشى
رحلة ماشى
خاصة ماشى
توزيع مشاى
مش بتقول لا
وجبتها جديدة وان شاء الله اكون معاكم فى المنتدى واتخصص فى النوع دا
لو اى حد حب فى استفسار عنها فى حاجة

[Mecha]

الف الف مبروك
جبتها بكام ومنين ياباشا ومتصنعة فين
بافكر اجيب واحدة وهي ولا الصيني المماثلة

[Mido Casper]

الف مبروك يا فندم وربنا يديك خيرها ويكفيك شرها ان شاء الله

[mfs3570]

الف مبروك ولاي استفسار انا في الخدمه معايا 2014

[mesaharaty]

ألف مبروك
عربية جميلة وربنا يحفظها لك
سعرها كام ومنين بقى؟
أنا مهتم بالعربية دى الفترة اللى جاية بإذن الله

[simby]

الف الف مبروك
جبتها بكام ومنين ياباشا ومتصنعة فين
بافكر اجيب واحدة وهي ولا الصيني المماثلة

جبتها ب 67.500 من معرض عندنا فى الشرقية وهية يبانى تقفيل مصرى وفى معارض فى القاهرة بتبيع ب 67
والصينى بيظهر فيها عيوب كتير وبتكره صحبها

[simby]

الف مبروك يا فندم وربنا يديك خيرها ويكفيك شرها ان شاء الله

الله يبارك فيك

[mesaharaty]

العربية دى كان بيدور حواليها شكوك حول منع ترخيصها فى بعض وحدات المرور لأن بيعملوها أجرة وهى بتبقى مترخصة ملاكى ففيه بعض وحدات المرور بتغلس فى موضوع الترخيص .
هل هذا الكلام صحيح أو سمعت به من قبل ؟

[ganash]

العربية دى كان بيدور حواليها شكوك حول منع ترخيصها فى بعض وحدات المرور لأن بيعملوها أجرة وهى بتبقى مترخصة ملاكى ففيه بعض وحدات المرور بتغلس فى موضوع الترخيص .
هل هذا الكلام صحيح أو سمعت به من قبل ؟

ايوه صح الغربيه قافله ترخيصها واعتقد محافظات تانيه كمان

[Amr Axel]

الف مبروك يا باشا ربنا يديك خيرها و يكفيك شرها
بس متغلطش غلطة السواقين و تركب جنوط و كاوتش مبالغ فيه عشان متضيعش العفشة من اولها و تقلب بغم معاك

[ARKOON]

الف مبروك العربية وربنا يباركلك فيها : )

[simby]

العربية دى كان بيدور حواليها شكوك حول منع ترخيصها فى بعض وحدات المرور لأن بيعملوها أجرة وهى بتبقى مترخصة ملاكى ففيه بعض وحدات المرور بتغلس فى موضوع الترخيص .
هل هذا الكلام صحيح أو سمعت به من قبل ؟

كلامك صح كان عندنا فى الشرقية مقفول ولسة فاتح من اسبوع بالظبط وفى بعض المحافظات مقفول بس بيفتح بعد شهر او 2

[simby]

الف مبروك يا باشا ربنا يديك خيرها و يكفيك شرها
بس متغلطش غلطة السواقين و تركب جنوط و كاوتش مبالغ فيه عشان متضيعش العفشة من اولها و تقلب بغم معاك

معلش ياريت تفهمنى العفشة تضيع ازاى من الكاوتش العريض مهو كلو بيركبو عشان العربية متقلبش

[ganash]

معلش ياريت تفهمنى العفشة تضيع ازاى من الكاوتش العريض مهو كلو بيركبو عشان العربية متقلبش

انا ركبت عربيات كتير سوزوكى الى لاحظته ان الى مركب كاوتش عريض العفشه بتبقى ناشفه وتبدأ تسمع اصوات منها وكمان فى الشتا او لو عديت على شويه ميه بتلاقى العربيه كلها متبهدله فى عربيتى مركب كاوتش مش عريض وفى المشى كويس يعنى هتمشى اكتر من 100 مثلا ؟ العربيات دى مش مصممه للجرى بالنسبالى لغيه 80 بتبقى كويسه جدا وانا مبزودش اكتر من كده بتفرق من سواق لسواق لو سواق غشيم ممكن يقلبها بسهوله اعرف امكانيات عربيتك كويس وحساسيه الفرامل علشان المواقف المفاجأه والحمد لله عمرها مخذلتنى فى اى موقف وتحت امرك فى اى حاجه :)

[ganash]

ده الكتالوج بتاعها بالانجليزى

carry service manual