استلمت ماروتى ٢٠١٤

[Nour Eldin 680]

الحمد لله
استلمت ماروتى من حوالى ١٠ ايام و دية اول عربية زيرو اجبها
كانت معايا لادا ٩٥
حبيت أشارك معاكم رأى فى الماروتى ، هية عربية صغيرة استهلاكها للبنزين موفر ، بتسلك فى الزحمة
معرفش انا عن نفسى معجب بيها
الحمد لله مفيش مشاكل فى الاستلام ، انا أستلمتها من الطارق للسيارات من الاسكندرية رغم أنى سمعت عن مشاكل الطارق فى التسليم لكن للحق انا سمعت الكلام دة بعد ما حجزت العربية و لما رحت أستلمتها مكنش فيه مشاكل الحمد لله

انا لما جبت العربية الماروتى كنت ناوى تقضى معايا سنة سنتين و بعدين اديها لزوجتى بس شكلها حتطول معايا

اسف على الإطالة و اتمنى التواصل

[eng_amg]

الف مبروك وربنا يبارك ويكفيك شرها

[Bassem Youssef]

1000 مبروك

هي كويسه في السحب ؟ لو حد 190 سم ممكن يسوقها براحته ؟

[eng-mohamed]

مبروووووك

[ibrahimahmed]

ألف مبروك يا باشا وربنا يمتعك بيها ويكفيك شرها ان شاء الله

[خالد دياب]

مبروك يا غالي وربنا يديلك خيرها ويكفيك شرها

[Nour Eldin 680]

1000 مبروك

هي كويسه في السحب ؟ لو حد 190 سم ممكن يسوقها براحته ؟

الله يبارك فيك
بالنسبة للسحب هيه لغاية دلوقتى فى مرحلة التليين فعن نفسى لا أستطيع ان احكم بناء على التجربة و لكن من الآراء السابقة فى المنتدى فسحبها معقول بالنسبة ل ٨٠٠ سى سى
اما بالنسبة الى الطول ١٩٠ سم فممكن بس حتأثر على الشخص اللى حيقعد وراء مقعد السائق

[matrx]

مبروعليك الشقيه الصغيره

[mesaharaty]

ألف مبروك
عربية لذيذة وحتقضى الغرض
ربنا يحفظك ويحفظها

[Mohamed.Ramah]

مبرووووووووك العربية ربنا يباركلك فيها

[sohbamody]

ألف مبروك العربيه ربنا يديك خيرها ويكفيك شرها واهلا بيك فى عالم الماروتى الجميل
سدقنى عمرك مهتندم يوم انك اشتريتها

[S O P H O S]

الف مبروك
الماروتي عربية موفرة بس عاوزة محافظة