تقرير تغير جوان وش سلندر ماروتى 1998

[salam100100]

كنت ماشى بالعربيه على الكورنيش وفاجئه الموتور توقف
مع العلم العربيه مسخنتش

حاولت ادور مش بتدوور
فين وفين دارت لكن خاطط دواسه البنزين فالارض لكن صوت الموتور مش عالى

مشيت بيها وحاسس ان مفيش باور خالص ولاعزم
شكيت يكون ابلاتين, غيرته وغيرت طقم كهرباء كامل معدا البوبينه

العربيه زى ماهيا
الكهربائى شفها وقلى دى ضربت جوان عشان الكبس بتاع الموتور كان بيطلع من الكربراتير

رحت للميكانيكى وفكينا وش السلندر وفعلا الجوان كان به قطع مابين سليندرين, يعنى الكبس كان بيهرب من اسطوانه ويروح للتانيه. يعنى انا كنت ماشى بواحد سلندر, عشان كدا انا كنت حاسس ان مفيش باور

سالت الميكانيكى ليه حصل , قلى سخنت؟, قلتله لا, قلى يبقا عمره كدا
(العربيه عمله 40000 كم من سنه 1998 - كانت مرفوعة اكتر من 12 سنه)

غيرنا الجوان, وحطينا 2 جوان عشان كان الوش مش عدل, اتكشط واتنظف
غيرنا سير كاتينه واويل سيل كامه وسير دينامو وخرطوم ميه

اسعار قطع الغيار:
3 بوجيهات 30 جنيه
ابلاتين وكندنسر 50
اسلاك بوجيهات 45
سير كاتينه كونتيننتال 40
2 جوان اليت هندى الواحد ب 30
سير دينامو 30جنيه
اويل سيل كامه 10جنيه
فلتر زيت 15جنيه
زيت 3000 ب 85 جنيه
نصف متر خرطوم 5 جنيه
جوان وش تكهات 15 جنيه
مصنعيه 240 جنيه

العربيه جربتها كويسه , زى الاول, لسه مجربتش اجرى بيها. كمان 100 كم هغير زيت وهظبت تكهات تانى.

مميزات العربيه ديه: قطع غيار رخيصة ومتوفرة, سهله الصيانه

[Amr Axel]

تسلم ايديك ع التقرير
لكن موضوع استخدام جوانين غير صحيح لأنك كده بتغير في مقاسات غرفة الاحتراق و هيأثر ع الاحتراق و بالتالي السحب ممكن انت متلاحظوش غير لو مركز مع العربية صح

[salam100100]

تسلم ايديك ع التقرير
لكن موضوع استخدام جوانين غير صحيح لأنك كده بتغير في مقاسات غرفة الاحتراق و هيأثر ع الاحتراق و بالتالي السحب ممكن انت متلاحظوش غير لو مركز مع العربية صح

كلامك 100100
انا ركبت جوانين عشان المكانيكى قال اثنين بحجه العربيه متسخنش.

الجوانين بيقلل كفاءه المحرك من ناحيه العزم والاحصنة كمان بيزود استهلاك البنزين.

انا مش ملاحظ قوى التغيير لكن هيبان لما اجرى, انا جبت بيها 70 كم وكانت كويسه
هغير زيت وفلتر واظبت التكهات عشان صوتها عالى وبعد كدا هقلكو على الجديد

[محاسب صعيدى]

متابع باهتمام

[kero25]

انا اشتريت ماروتى موديل99 وبعد يوم من شرئها اكتشفت انها بطلع دخنة جمدا الصبح او عند الحرق وفى زيت وبتسخن جامد روحت للمكانيكى قلى عاوزة شورت قلتلة مينفعش شنبر ولا عمرة قلى لا ممكن اعرف الكلام دة صح ولا غلط والتكلفة فى حدود كام برجاء النصيحة

[salam100100]

متحلش الموتور او حتى وش سليندر غير لما تعرف فيها ايه بظبت

انا اشتريت ماروتى موديل99 وبعد يوم من شرئها اكتشفت انها بطلع دخنة جمدا الصبح او عند الحرق وفى زيت وبتسخن جامد روحت للمكانيكى قلى عاوزة شورت قلتلة مينفعش شنبر ولا عمرة قلى لا ممكن اعرف الكلام دة صح ولا غلط والتكلفة فى حدود كام برجاء النصيحة

حضرتك بتشتكى من 3 مشاكل:
1 دخنه الصبح
2 زيت (انا فاهم انها بتنقط زيت)
3 بتسخن

نمسكهم واحدا واحدا,
نبدا بالاهم: بتسخن. ليه ؟
فيها ميه, طب فيها زيت, طب المروحه بتشتغل, طب صوت الموتور ناعم ولا خشن ومش سابل

هل فيه فققيع هواء داخل الرادياتير لما بتشيل الغطاء؟
لو عرفنا نجاوب على الاسئله ديه وعرفنا المشكله منين نقدر نحدد نعمل ايه.

لو افتردنا انا زى الفل وكانت بتسخن عشان مثلا الفيوز بتاع المروحه اتحرق والمروحه متشتغلش, الدخنه:
ممكن يكون فلتر هواء محتاج يتنظف او يتغير
ممكن يكون مدخل الهواء فالعمه محطوط على الشتاء وليس الصيف
ممكن يكون الكربراتير محتاج يتنظف

حاله البوجيهات ايه؟ عليها كربون ولا زيت؟

انا كانت عندى المشكله ديه و غيرت زيت وفيلتر زيت والدخنه راحت

المشكله الاخيره, زيت, اللى هفترضه زيت موتور على الارض
, نشوف بيجي منين (ساعة زيت, طبه كارتيره, جوان وش تاكيهات ... ) ونصلحه

انا رائئ متحلش الموتور او حتى وش سليندر غير لما تعرف فيها ايه بظبت

انا غيرت جوان لما شوفت الهواء بتاع الموتور طالع من الكربراتير (المفروض الكربراتير بيشفط هواء وبنزين للموتور وليس لعكس)

بالتوفيك

[kero25]

حضرتك بتشتكى من 3 مشاكل:
1 دخنه الصبح
2 زيت (انا فاهم انها بتنقط زيت)
3 بتسخن

نمسكهم واحدا واحدا,
نبدا بالاهم: بتسخن. ليه ؟
فيها ميه, طب فيها زيت, طب المروحه بتشتغل, طب صوت الموتور ناعم ولا خشن ومش سابل

هل فيه فققيع هواء داخل الرادياتير لما بتشيل الغطاء؟
لو عرفنا نجاوب على الاسئله ديه وعرفنا المشكله منين نقدر نحدد نعمل ايه.

لو افتردنا انا زى الفل وكانت بتسخن عشان مثلا الفيوز بتاع المروحه اتحرق والمروحه متشتغلش, الدخنه:
ممكن يكون فلتر هواء محتاج يتنظف او يتغير
ممكن يكون مدخل الهواء فالعمه محطوط على الشتاء وليس الصيف
ممكن يكون الكربراتير محتاج يتنظف

حاله البوجيهات ايه؟ عليها كربون ولا زيت؟

انا كانت عندى المشكله ديه و غيرت زيت وفيلتر زيت والدخنه راحت

المشكله الاخيره, زيت, اللى هفترضه زيت موتور على الارض
, نشوف بيجي منين (ساعة زيت, طبه كارتيره, جوان وش تاكيهات ... ) ونصلحه

انا رائئ متحلش الموتور او حتى وش سليندر غير لما تعرف فيها ايه بظبت

انا غيرت جوان لما شوفت الهواء بتاع الموتور طالع من الكربراتير (المفروض الكربراتير بيشفط هواء وبنزين للموتور وليس لعكس)

بالتوفيك

بجد شكرا جزيرا انا هراجع كل حاجة من الحاجات دية وهرد على حضرتك

[Abo_Mazen]

بقلك ايه ..شوف ميكانيكي تاني ..هي اي عربيه بتدخن علطول تبقى عايزه شورت ..هو مفكرها عايزه تنزل تاخد لفتين في الاستاد عشان يجيبلها شورت..يا عم شوف ميكانيكي تاني وتالت ورابع واسمع رايهم ..وابقى طمنا قالولك ايه

[kero25]

بقلك ايه ..شوف ميكانيكي تاني ..هي اي عربيه بتدخن علطول تبقى عايزه شورت ..هو مفكرها عايزه تنزل تاخد لفتين في الاستاد عشان يجيبلها شورت..يا عم شوف ميكانيكي تاني وتالت ورابع واسمع رايهم ..وابقى طمنا قالولك ايه

ههههههه روحت لواحد تانى للاسف قال الماتور مرزع من تحت عاوز عمرة كاملة او ماتور جديد وبلاش شورت ولا فانلة

[salam100100]

ههههههه روحت لواحد تانى للاسف قال الماتور مرزع من تحت عاوز عمرة كاملة او ماتور جديد وبلاش شورت ولا فانلة

لو تحب تسأل الميكانيكى التعاملت معاة وهو امين وبيفهم وعنده جراج وورشه
اسمه نبيل, ورشته امام سينما فاتن حمامه المنيل
ت: 01223672854

[salam100100]

للاسف
الجوان ضرب تانى
مكملش 6 شهور

تنصحزنى بايه
اغيره تانى
اعمل ربع عمره
اغير وش السليندر كله
ابيعها

مع العلم العربيه حالتها جيده جدا (بدون حوادث على الاطلاق)