Tweet
السلام عليكم كل اصدقائي في المنتدى
كنت واقع في قمة الحيرة من حوالي 4 شهور عشان اختار عربية جديدة في حدود ال 100 الف ... وطبعا بعد لف ودوران ومقارنات حجزت الديزاير يوم 5 نوفمبر الماضي
كلمنى توكيل مودرن موتورز من يومين والحمد لله استلمت العربية النهاردة من التوكيل في مدينة نصر
طبعا شيكت على العربية كويس جدا قبل ما امضي محضر الاستلام وبصيت كويس على الاتي
1- جسم العربية من برة ومن جوه ومن حوض الموتور ومن الشنطة ومن تحت
2- تشغيل السيارة عدة مرات متتالية وسماع صوت الموتور والكشف على السوائل في حوض الموتور من مية خضرا وزيت باكم وزيت موتور ومساحات
3-تجربة جميع الانوار والاشارات والفوج لايت ولمبات الاستوب والمارشدير ونور الصالون
4-تجربة الزجاج الكهربائي بالكامل والمرايات الكهربائية
5-فتح وغلق الابواب عدة مرات والشنطة والكبوت والتأكد من انهم بيفتحوا ويقفلو بسهولة
6-شيكت على شنطة العدة والكوريك ومفتاح العجل والهوك
7-جربت الكاسيت والراديو والسي دي واليو اس بي
8-تجربة الكراسي كلها وتحريكها للامام والخلف وتحريك الضهر وتجربة احزمة الامان كلها
9-تشغيل التكييف دقيقتين والتأكد من جميع اوضاع الهواء من البكرة المخصصة للاوضاع والتأكد من ان مروحة التبريد تعمل بمجرد تشغييل التكييف
10-شيكت على الاستبن وعلى اغطية الجنوط المحفور عليها علامة السوزوكي
11-تجربة المساحات ومياه المساحات وتشغيلها على مختلف السرعات
12-التاكد من مطابقة رقم الشاسية والموتور في السيارة لمحضر الاستلام اللى همضي
وبعد ما اتطمنت على كل حاجة مضيت المحضر وتوكلت على الله
دخلت أول بنزينة قابلتني وفولت العربية خدت حوالي 43 لتر لحد الزور وظبطت ضغط العجل على 29 زي ما مكتوب على القايم وانطلقت الى المنزل
انطباعي الاولي عن السيارة من خلال قيادتها من مدينة نصر لشبرا
المساحة الداخلية مناسبة جدا انا طولي 185 سم تقريبا ومكنتش متضايق .. بس طبعا رافع الطارة لاعلى مستوى عشان رجلي :) ... لكن القعدة كويسة جدا مريحة ... عالية عن الارض بشكل ملحوظ ... العيب الوحيد ان مراية الصالون صغيرة مش بتكشف الشارع وراك كويس لكن مرايات الاجناب كويسة جدا والرؤية فيهم واضحة
أبعاد العربية ممتازة وسهلة جدا وصغيرة وقطر الدوران بتاعها في الملفات ممتاز ... فيه ملف كده عندنا في المنطقة كنت باخده باللانوس على مرتين .. جه معايا على مرة واحد بالديزاير
الموتور ملوش صوت تقريبا .. ناعم جدا .. ياباني بمعنى الكلمة ... استجابته ممتازة (باعتبار ان العربية 1200) لكن انا محستش باى فرق في السحب خالص بين اللانوس الواحد كامة ال 1500 وموتور السويفت الاتنين كامة 1200 ... تقريبا زي بعض ويمكن كمان تكون الديزاير افضل شوية
المفاجأة بالنسبة ليا كانت الفرامل ... الفرامل حساسة جدا .. والABS عامل شغل عالي ... انا اكتشفت انى كنت سايق عربية من غير فرامل (اللانوس) .... اقل دوسة على الفرامل العربية بتمسك نفسها
العفشة افضل من ما كنت متوقع ... ناشفة اه لكن مش بالسوء اللى كنت متخليه ... لكن ارتفاع العربية عن الارض في المطبات والطرق الغير ممهدة ممتاز جدا
النظام الصوتي اكثر من رائع بالنسبة ليا ... شغلت اكثر من ملف صوت بجودة مختلفة والراديو والسي دي ... كل ده صوته رائع
.... طبعا لسة مرخصتش :) ان شاء الله هرخص وابدأ مرحلة التليين واقولكوا على انطباعي الثاني ان شاء الله
تحياتي
كنت واقع في قمة الحيرة من حوالي 4 شهور عشان اختار عربية جديدة في حدود ال 100 الف ... وطبعا بعد لف ودوران ومقارنات حجزت الديزاير يوم 5 نوفمبر الماضي
كلمنى توكيل مودرن موتورز من يومين والحمد لله استلمت العربية النهاردة من التوكيل في مدينة نصر
طبعا شيكت على العربية كويس جدا قبل ما امضي محضر الاستلام وبصيت كويس على الاتي
1- جسم العربية من برة ومن جوه ومن حوض الموتور ومن الشنطة ومن تحت
2- تشغيل السيارة عدة مرات متتالية وسماع صوت الموتور والكشف على السوائل في حوض الموتور من مية خضرا وزيت باكم وزيت موتور ومساحات
3-تجربة جميع الانوار والاشارات والفوج لايت ولمبات الاستوب والمارشدير ونور الصالون
4-تجربة الزجاج الكهربائي بالكامل والمرايات الكهربائية
5-فتح وغلق الابواب عدة مرات والشنطة والكبوت والتأكد من انهم بيفتحوا ويقفلو بسهولة
6-شيكت على شنطة العدة والكوريك ومفتاح العجل والهوك
7-جربت الكاسيت والراديو والسي دي واليو اس بي
8-تجربة الكراسي كلها وتحريكها للامام والخلف وتحريك الضهر وتجربة احزمة الامان كلها
9-تشغيل التكييف دقيقتين والتأكد من جميع اوضاع الهواء من البكرة المخصصة للاوضاع والتأكد من ان مروحة التبريد تعمل بمجرد تشغييل التكييف
10-شيكت على الاستبن وعلى اغطية الجنوط المحفور عليها علامة السوزوكي
11-تجربة المساحات ومياه المساحات وتشغيلها على مختلف السرعات
12-التاكد من مطابقة رقم الشاسية والموتور في السيارة لمحضر الاستلام اللى همضي
وبعد ما اتطمنت على كل حاجة مضيت المحضر وتوكلت على الله
دخلت أول بنزينة قابلتني وفولت العربية خدت حوالي 43 لتر لحد الزور وظبطت ضغط العجل على 29 زي ما مكتوب على القايم وانطلقت الى المنزل
انطباعي الاولي عن السيارة من خلال قيادتها من مدينة نصر لشبرا
المساحة الداخلية مناسبة جدا انا طولي 185 سم تقريبا ومكنتش متضايق .. بس طبعا رافع الطارة لاعلى مستوى عشان رجلي :) ... لكن القعدة كويسة جدا مريحة ... عالية عن الارض بشكل ملحوظ ... العيب الوحيد ان مراية الصالون صغيرة مش بتكشف الشارع وراك كويس لكن مرايات الاجناب كويسة جدا والرؤية فيهم واضحة
أبعاد العربية ممتازة وسهلة جدا وصغيرة وقطر الدوران بتاعها في الملفات ممتاز ... فيه ملف كده عندنا في المنطقة كنت باخده باللانوس على مرتين .. جه معايا على مرة واحد بالديزاير
الموتور ملوش صوت تقريبا .. ناعم جدا .. ياباني بمعنى الكلمة ... استجابته ممتازة (باعتبار ان العربية 1200) لكن انا محستش باى فرق في السحب خالص بين اللانوس الواحد كامة ال 1500 وموتور السويفت الاتنين كامة 1200 ... تقريبا زي بعض ويمكن كمان تكون الديزاير افضل شوية
المفاجأة بالنسبة ليا كانت الفرامل ... الفرامل حساسة جدا .. والABS عامل شغل عالي ... انا اكتشفت انى كنت سايق عربية من غير فرامل (اللانوس) .... اقل دوسة على الفرامل العربية بتمسك نفسها
العفشة افضل من ما كنت متوقع ... ناشفة اه لكن مش بالسوء اللى كنت متخليه ... لكن ارتفاع العربية عن الارض في المطبات والطرق الغير ممهدة ممتاز جدا
النظام الصوتي اكثر من رائع بالنسبة ليا ... شغلت اكثر من ملف صوت بجودة مختلفة والراديو والسي دي ... كل ده صوته رائع
.... طبعا لسة مرخصتش :) ان شاء الله هرخص وابدأ مرحلة التليين واقولكوا على انطباعي الثاني ان شاء الله
تحياتي
Comment