بالنسبة لتركيب جنوط سبور للماروتي

[Mhmmad]

موضوع مهم جدا في المنتدى لكل الاخوة الماروتيون الذين يبحثون عن هذا الموضوع
انا لفيت كتير في المنتدى على امل اني الاقي جواب بس ما لقيتش
كل مرة مرة الاقي حاجة
مرة يقولو ركبو ومرة لا مش هينفع
مرة يلا ده مهم ومرة لا اصله كان ١٢ هيبقى ١٣ يبقى مش مهم
وهكذا ........
يبقى نعمل ايه
يرجى من الاخوة الماروتيون المجنطين والغير المجنطين وكل حد عنده خبرة في هذا المجال الرد على الموضوع
وشكرا لجميع الاعضاء

[Ahmed emad has]

انا في رايي حضرتك الموضوع الا حد ما ملوش لازمة اصلا الجنوط مش هتحسسك بفرق قوي الا في السرعات العالية ومهما ركبت جنوط الماروتي عربية غير مجهزة تماما للسرعات العالية

[memoo305]

بص يا كبير خلاصى موضوع جنوط الأسبور
لو الموضوع سخنان في دماغك هتها لأن كل ماتشوف عربية مجنطة في الشارع هتحس ان ناقصك حاجة
لو جبت جنت 13 بدلا من 12 لاحظ ان ارتفاع الكاوتش هيقل يعني مثلا بدل 70 هيبقى 60 والسؤال هنا انك لازم تشوف مدى توافر المقاس ده في السوق علشان ماتصتدمش ان المقاس مش موجود أو غالي حبتين
لاحظ ان الجنط الي هتجيبة مش اصلي وهيحتاج رينجات لتثبينة والا عربتك عتغربل

[swimmer25]

لو المقاس عندك 145/70/12
يبقى ممكن تركب 165/55/13
وطبعا أفضل في رأيي ودور على جنوط مش صيني

[scientist9508]

بسم الله الرحمن الرحيم

اخى الفاضل طالب النصح الرشيد

لقد مررت قبلك بهذه الحيره كثيرا و انا عندى ماروتى جديده منذ عام 2009 كنت قد اوشكت على تنفيذ الفكره اكثر من مره و لكن بعد البحث الدقيق و الاستعانه باهل العلم و الراى الخبير قررت التراجع عن الفكره. . . و حتى يكون كلامى موثق علمى فاليك الاسباب:

1 - كما اخبرك الزميل العزيز. . . لن تجد فارق كبير او ملوحظ

2 - سيرتفع معدل استهلاك الوقود

3 - ستكثر مشاكل العفشه. . . . واود ان اوضح هنا امرا. . . . بعض السيارات يتم تصميم عفشتها لاستخدام جنوط عريضه حتى وان اخرجها المصنع بجنوط اعتياديه ( الانترا الموديل السابق للحالى). . . و هنا يحدد لك المصنع المقاسات المسموح بتركيبها دون ان تسبب حمل زايد على العفشه. . . . الماروتى ليست كذلك. . .العفشه فيها مصممه على مقاس واحد فقط وهو الذى يخرجها المصنع به.

هداك الله لارشد امرك و اقومه

السلام عليكم و رحمة الله و بركاته

[micromoud]

بلاش احسن الجنط ال 13 هيبوظلك العفشة ولو جنط منهم باظ هترمى الباقى ...