عجلة قدام مرحله وطالعه بره

[ريمون سلامه]

السلام عليكم
عندى مشكله فى العربيه هى ان العجله اللى قدام طالعه بره وديتها لكزا حد واحد يقولى زرجينه وانا مش عارف يعنى اى اصلا وواحد يقولى المقصات عاوزه تتغير وواحد يقولى مفيهاش حاجه وواحد يقولى كده خطر ممكن تفك فى اى وقت ولانى ماتعاملتش مع صنايعيه فى العربيه وعارف ان نصهم عاوز يعمل شغل وخلاص مش عارف اعمل اى مع العلم ان ناخية الفرده دى الكوبلن جاب اخره ارجو الافاده

[Abo_Mazen]

مبدئيا ..لازم الكوبلن اللي جاب آخره ده يتغير ..لإنه ممكن يفصل منك وممكن لا قدر الله يتكسر منك ..ثانيا ..تكشف على المقصات عند بتاع زوايا ..لو في جلبه مبوشه أو بيضه وحشه يبقى المقص يتغير ..كده إحنا تمام وضبطنا العفشه بتاعتنا ..نيجي بقى نحط العربيه على كمبيوتر ضبط الزوايا ..يقوم الكمبيوتر يقولي إيه العجل اللي خالف عن بعضه ..يعني عجله مرحله ..عجله مأخره ..عجله طالعه لبره ..بعد كده آخد التقرير اللي طلع من الكمبيوتر وجري على حداد عفشه بيفهههههم ..وحط تحت بيفهم دي بتاع سبعة تلاف خط ..هيقوم عاملك زرجينه لو فيه عجله مأخره ..أو هيشوف هو حل بمعرفته ..وعشان كده قولت لازم حداد عفشه بيفهم عشان هو هيستخدم معرفته في حل المشكله ده إن وجد ..الزرجينه دي بتبقى بتاعه كده فيها بتاعتين من الجنب يصدرها في وسط البتاعتين اللي فيهم مشكلة ويقوم فاتح ..ودي صوره لأشكال الزراجين عشان تقدر تتخيل هو بيفتح في إيه وبيعمل إيه ..طبعا كل شكل من دول ليه إستخدام في حته معينه وممكن يركب عليه حتت تانيه حسب الأجزاء اللي هو عايز يستعدل أو يفتح أو يقفل فيها

[karim kemo]

لو العربيه ماروتي و فيها كاوتش عايز زراجين فكك من الزراجين الا لو الموضوع زيادة عن حده ولكنه مبيبقاش الكاوتش مرحل اللي هو يعني بتاع 2 سم


بص فكك من الزرجينه و الحوارات دي انا واحد ظبطت زوايا اكتر من 3 مرات و عملت زرجينه مرتين و كل مرة كانت بترجع تاني مع اقل مطب باكله او حفره صغيره

المهم لو عربيتك ماروتي و ده اللي انا مريت بيه و اتظبطت الزوايا بس فيها سنه يمين بسيطه اوي يكاد متبانش


روحت قولتلو رصصلي العجل و الترصيص العجله ب 10 جنيه طبعا هترصص كله

واظبط زوايا و متخلهوش يعملك زرجينه لانه بيظبط زوايا ع الزرجينه و لما تاكل مطب او حفرة تأثير الزرجينه بيروح فبيروح

معاه ظبط الزوايا

[ريمون سلامه]

هو انا لو سبتها كده فيها مشكله اخر واحد رحتله كان بتاع زوايا قالى هى مش بتحدف منك و الزوايا مظبوطه بدل ما تفتح على نفسك فاتوحه سبها زى ماهى كده