الماروتي مدرتش نوهائي بس عملت صوت "تك" بس

[amr_bekhit]

السلام عليكم و رحمة الله و بركاته

انهاردة الصبح جيت ادور العربية
بعد ضغطتين تلاتة بنزين و بدور مفتاح الكونتاكت
سمعت صوت تك خافت جدا
و مفيش اى حاجة دارت فيها تاني و لاا اى صوت و كانها جثة هامدة
لاحظت ان لمبات التابلوه ضوئها خافت و مع كل محاولة لتدوير مفتاح الكونتاكت ضوئها يخفت اكتر و اكتر
عرفت ان الموضوع شكها بطارية او كهربا

اضافة : انا من شهر الكهربائي بصلي على البطارية و قالي ماشية كنت بغير بوجيهات علشان العربية كانت شرقانة و حرقت البوجيهات

المهم لاحظت حاجة غريبة برضه ان السنتر مش بيقفل كل الأبواب زي امبارح
اقفل الباب الأيمن اجد الأبواب تلاتة اتقفلوا و واحد اللى ورا الأيمن مقفلش
و الأيسر نفس الشئ

هو السنتر ده شغال على كهربا و لا ايه

و جزاكم الله خيرا

[Abo_Mazen]

السنتر شغال على كهربا فعلا..البطاريه عندك جابت آخرها فعلا..السؤال بقى ..فيه حاجه عندك تلفت البطاريه ..ولا هي بقالها قد إيه معاك؟؟؟؟

[amr_bekhit]

السنتر شغال على كهربا فعلا..البطاريه عندك جابت آخرها فعلا..السؤال بقى ..فيه حاجه عندك تلفت البطاريه ..ولا هي بقالها قد إيه معاك؟؟؟؟

الحقيقة مش عارف لكن انا مشتري العربية بالبطارية بتاعتها و مغيرتهاش من 3 سنين تقريبا
لكن شحنتها قبل كده و زودتها

مش عارف ايه اللى ممكن يخلي البطارية يحصل فيها كده واحد فى الشغل انهاردة قالي ممكن يكون فيه سلك ملمس او دواية سايحة
لكن هي كده البطارية باظت ام محتاجة شحن ؟!
شكرا للتفاعل

[hesham fawzy h]

اعتقد البطارية جابت اخرها

هى كان فيها بنزين لما دورت؟

[hesham fawzy h]

اعتقد البطارية جابت اخرها

هى كان فيها بنزين لما دورت؟

[amr_bekhit]

الحمد لله
وديتها من شوية للكهربائي
او الحقيقة هو اللى حه للعربية
معاه بطارية و حاول يشغلها و استغلت
غير سلك بسيط رايح للبطارية و سنفر اقطاب البطارية و اللقمتين الحديد اللى واصل فيهم الاسلاك
و دارت الحمد لله و اشتغل السنتر عادي لما دارت

[Mecha]

الحقيقة مش عارف لكن انا مشتري العربية بالبطارية بتاعتها و مغيرتهاش من 3 سنين تقريبا
لكن شحنتها قبل كده و زودتها

مش عارف ايه اللى ممكن يخلي البطارية يحصل فيها كده واحد فى الشغل انهاردة قالي ممكن يكون فيه سلك ملمس او دواية سايحة
لكن هي كده البطارية باظت ام محتاجة شحن ؟!
شكرا للتفاعل

يعني حضرتك مشتريها مستعمله وقعدت عليها تلت سنين ,والنهارده بس تكتكت وعملت الدنيئه وممكن تكمل لو انشحنت , البطاريه دي صنفها ايه يا باشا ومعموله فين ومين بيبعها وكام امبير وياريت صورتها . وشكرا

[amr_bekhit]

يعني حضرتك مشتريها مستعمله وقعدت عليها تلت سنين ,والنهارده بس تكتكت وعملت الدنيئه وممكن تكمل لو انشحنت , البطاريه دي صنفها ايه يا باشا ومعموله فين ومين بيبعها وكام امبير وياريت صورتها . وشكرا

مش عايز احلف .. بس اقسم بالله ده حصل
و علشان اثبتلك انا عملت الموضوع ده

http://www.nilemotors.net/Nile/261148-a.html

لما وديتها تتصلح مرة و حسيت ان البطارية اتبدلت
لكن يبدو انها فعلا بتاعتها
و الموضوع ده من سنة 12 ديسمبر 2012 و انا مشتريها من سبتمبر 2012
و الحمد لله من ساعتها شغاله بس اعتقد اتشحنت بتاع مرتين او مرة مش فاكر بس هي ممشيتش كتير اصلا من ساعت ما اشتريتها انا جبتها بتاع 23000 الف و هي عاملة 38000 تقريبا بتاع 15000 كيلو خلال التلات سنين
ادخل الموضوع اللى فى الرابط و هتلاقي الصور و النقاش ده حتى الشباب قالوا ان البطارية دي من 19 /07/2008 تخيل !!

[Mecha]

يا باشا البطاريه دي ليها الجنه ,اكتر من 3 سنين ومش دايره كمان , وبتقول كمان من 2008 يعني خاشين في سبع سنين ,دي بطاريه مبروكة ويتعملها حفل تكريم وبساط احمر مسندس وكمان تمثال,دي جنسها ايه معموله من ايه ,سبع سنين سنييييين وفي مصر !!!!!!.سبحانو جل شانو.

[amr_bekhit]

يا باشا البطاريه دي ليها الجنه ,اكتر من 3 سنين ومش دايره كمان , وبتقول كمان من 2008 يعني خاشين في سبع سنين ,دي بطاريه مبروكة ويتعملها حفل تكريم وبساط احمر مسندس وكمان تمثال,دي جنسها ايه معموله من ايه ,سبع سنين سنييييين وفي مصر !!!!!!.سبحانو جل شانو.

بقول للناس كده مش مصدقه
ده و الله لولا انى عامل موضوع على البطارية دي نفسها من 3 سنين كان زماني اصلا مش مصدق نفسي
لله الأمر من قبل و من بعد
بس اعتقد لأني مش بنمشي بالعربية مشاوير كتيرة اصلا يعني بتاع 5000 كيلو فى السنة متوسط !!