انا مسافر بالماروتى لاول مره اعملها اى

[ريمون سلامه]

سلامو عليكم
ماروتى 2008 استرتها مستعمله من 6شهور من 2000 كيلو غيرتلها ابلاتين و كندنسر و فلاتر زيت و هوا وبنزين وسيركاتينا و دينامو وبيجوهات وعاوز اسافر بيها دلوقتى الساحل اعملها حاجه تانى ولا اى
كمان انا عندى كوبلن بيطقطق ده هعمله قبلها وتقريبا شاكك فى بلى العجل وبرضو ده هعمله
شاكك كمان فى الدبىياج عشان سحبها وعزمها ضعيف وبتيجى على 80 وبحس انها جابت اخرها بس على ال100 بحس انها بتجرى وصوتها بيقل فجئه طالب بس رئيكم اسافر بيها ولا لا ولو هسافر اعملها اى معليش طولت عليكم بس انا عارف انكم هتجبولى من الاخر

[hugan]

من وصفك ماتسافرش اﻻ ما تعمل كل الشغل
الكوبلن وطقم الدبرياج
وتتاكد من كاوتش العربيه تمام وهايستحمل المشوار

[unl0veable]

من وصفك ماتسافرش اﻻ ما تعمل كل الشغل
الكوبلن وطقم الدبرياج
وتتاكد من كاوتش العربيه تمام وهايستحمل المشوار

+11111111111111111111111111111111111

[م أحمد]

تشيل معاك كمبريسور هوا و جركن مياه و عدة شغل

[ريمون سلامه]

اى يا جماعه هو الموضوع صعب قوى كده طب لو غيرت الكوبلن وبلية العجله و مغيرتش الدبراج يحصل حاجه
والكوبلن اجيبه استيراد ولا جديد

[Mecha]

تشيل معاك كمبريسور هوا و جركن مياه و عدة شغل

ليه كمبريسور هوا طالما معاه استبن والكاوتش حالته معقوله

[Abo_Mazen]

الكوبلن هاته جديد أحسن

[ahmed_moeaz]

اهم حاجة الكوبلن يتغير واكيد جديد وتشيك على دورة المياة وكهربة العربية بالكامل ، بخصوص عدم سحب العربية فممكن يكون فيه اسباب تانية غير طقم الدبرياج لازم تشوف ميكانيكى امين ومحترم يبصلك عليها

[Abo_Mazen]

شوف طقم الكهربا ممكن يكون من أسباب عدم سحب العربية

[ريمون سلامه]

شكرا جدا على اهتمامكم بس عندى استفسار تانى معليش تاعبكو بس من عشمى فى الماروتيه الزملاء انا نضفت الكربراتير وغيرت بيجوهات و ابلتبن وكندنسر السحب اتحسن شويه بس الصوت لسه عالى برضه ياترى ده يبقى اى

[احمد كامل]

شكرا جدا على اهتمامكم بس عندى استفسار تانى معليش تاعبكو بس من عشمى فى الماروتيه الزملاء انا نضفت الكربراتير وغيرت بيجوهات و ابلتبن وكندنسر السحب اتحسن شويه بس الصوت لسه عالى برضه ياترى ده يبقى اى

ممكن تكون كهرباء الموتور عالية
و ممكن الزيت يكون عايز يتغير

[ريمون سلامه]

ممكن تكون كهرباء الموتور عالية
و ممكن الزيت يكون عايز يتغير

ممكن تكون الكهرباء فعلا

[scientist9508]

بسم الله الرحمن الرحيم

أخى الفاضل

إحذر أن تأخذ قرار السفر و إنت تشك فى أى جزء فى السياره . . ستندم أشد الندم و خاصة أنك مسافر إلى منطقة صحراويه شبه خاليه من الخدمات الأساسيه و بالفعل خاليه من قطع الغيار.

العطل على الصحراوى مذله و عذاب و تكلفة مداواته أضعاف مضاعفه لتكلفة صيانة السياره و أنت فى بيتك

هداك الله لأرشد أمرك و أقومه

السلام عليكم و رحمة الله و بركاته