تغييررولمان بلى و كوبلن التو 2009

[volociximab]

أولا رولمان البلى

الشكوى: صوت ونه فى العربية
رحت للصنايعى قال لى معندكش حاجة
و لأنى عارف صوت العربية اكتر من غيري اصريت على شراء اثنين رولمان بلى
التيوانى تعبان ب 65 ريال
اليابانى ب90 ريال و هذه صورته
[sor2]http://i.imgur.com/As1g94n.jpg[/sor2]

[sor2]http://i.imgur.com/uCyUmTm.jpg[/sor2]

اعترف الفنى ان الناحية الشمال كانت تعبانه

كلفنى مخرطة 50 ريال لكل واحد
بعد التركيب لازالت الونة موجودة
طبعا اتحرق دمى
طلعت على الطريق اكتشفت ان الونه لا تظهر الا مع التكييف و بداية تحرك العربية او على سرعة بطيئة
و لا تظهر اطلاقا عندما ينطفىء التكييف و اترك تفسير ذلك لخبراء المنتدى

ثانيا القصة الكبيرة
(الكبالن)

الشكوى:طقطقة مع الانحراف لليسار
مقتنع انه كوبلن لانى غلطت و اهملت الكوبلن اليمين بعدما اكتشفت ان الجلدة مقطوعه و تركته اشهر دون محاولة اصلاح
بعد الفتح على الكوبلن كانت هذه صورته
[sor2]http://i.imgur.com/88cSfgz.jpg[/sor2]

روح يا معلم اشترى راس كوبلن

الاصلى كامل ب700 ريال

الصينى كامل ب170 ريال و فى اماكن تانيه ب200 ريال

راس كوبلن يابانى ب130 ريال

راس كوبلن تقريبا صينى ب70 ريال

قلت ابعد عن الصينى و اشترى راس كوبلن يابانى و هذه كانت صورته

[sor2]http://i.imgur.com/EVpYadA.jpg[/sor2]

ركب يا معلم

الكوبلن مش راضى يركب

قعد يخبط فيه لغاية ما كان هيكسره مش راضى يركب

راح للمخرطة مش راضى يركب

اكتشفنا بعد ذلك ان رأس الكوبلن الخارجى للألتو نوعين:
نوع سن صغير
و نوع سن تخين

و النوع بتاعى سن صغير و الذى اشتريته سن تخين

و هذه سنون رأس الكوبلن الذى اشتريته

[sor2]http://i.imgur.com/wFIAWNS.jpg[/sor2]

و هذه سنون الكوبلن البايظ بتاعي
[sor2]http://i.imgur.com/KpxNSFI.jpg[/sor2]

لفيت محلات قطع الغيار مفيش غير ابو سنون غليظه و واحد قال لى هابعت اجيبلك من جده و السيارة مرمية فى الشارع و مصالحى واقفه فاضطريت اشترى الصينى ب170 ريال
[sor2]http://i.imgur.com/QQYw0kv.jpg[/sor2]
[sor2]http://i.imgur.com/IYdfKf1.jpg[/sor2]
[sor2]http://i.imgur.com/Lr3h6CK.jpg[/sor2]

طبعا زيت الفتيس اتسوح على ما رحت و جيت فاضاف الصنايعي و قلتله هادفعلك ثمنه بس اظبطه
و ربنا يصلح الاحوال
دعواتكم

[Abo_Mazen]

والله كويس إنك بتلاقي قطعة الغيار إشي ياباني وإشي صيني ..عندنا هنا قطعة الغيار صيني ويديهالك على إنها ياباني واصلي ومش عارف إيه ..وفي الآخر ما تكملش معاك 90 يوم ...

معلش ..كان المفروض برضه تاخد بالك من حكاية سن رفيع وسن تخين دي ..عشان السن التخين ده كان في موديلات لغاية 2007 ..إنما بعد كده نزل السن الرفيع

[volociximab]

الغريب انهم كلهم بيبيعولى السن التخين على انه تبع التو 2009 يمكن عن جهل
انا تعمدت اصور القطع و احط الاسعار عشان اخواننا فى مصر يعرفوا القطع الصينى من اليابانى و متوسط الاسعار
خصوصا رولمان البلى التيوانى شكله معفن لدرجة ان التاجر مرضيش يجيبهولى من جوه و اكتفى بكلمة تيوانى و على وجهه علامة القرف فعرفت انه تعبان

[Amr Axel]

تسلم ايديك ع التقرير

بس ايه علاقة الرولمان بلي بالونة او ايه اعراض الونة اصلا اللي بتظهر معاك و جاية منين ؟؟

موضوع الكبالن غالبا بيبعوها ع انها بتاعت الشكل القديم اللي قبل ده و فاكرينه واحد و خليه يبص لك ع البطاحات و لو ان باين عليه حافظ مش فاهم

و اهم حاجة لما تلاقي حاجة في العفشة او اي قطع محتاجة تتغير متستناش و الا هتخرب الدنيا عندك و ممكن تكلفك اكتر فيما بعد

[volociximab]

الونه بالظبط بتيجى اول ما تشغل التكييف و تمشى بالعربية
من غير تكييف مفيش ونه
العربية عامله حادثة و مغيرة جيربوكس من المالك القديم
واخد منه العربية العجلة الشمال بتنزل زيت و فيها مسمارين طايرين و العجلة اليمين الفلنكه فيها حاجة
و بالتالى انا عندى وسواس من اى صوت او اى قطعه ناحية العجل

[Abo_Mazen]

الونه بالظبط بتيجى اول ما تشغل التكييف و تمشى بالعربية
من غير تكييف مفيش ونه
العربية عامله حادثة و مغيرة جيربوكس من المالك القديم
واخد منه العربية العجلة الشمال بتنزل زيت و فيها مسمارين طايرين و العجلة اليمين الفلنكه فيها حاجة
و بالتالى انا عندى وسواس من اى صوت او اى قطعه ناحية العجل

ونة مع تشغيل التكييف .يبقى دي بلية من البليات اللي فوق ..ممكن يكون الكمبروسور ذات نفسه هو اللي بيعمل الونه دي