الدركسيون معايا تقيل اوى

[sa3d mohamed]

السلام عليكم ورحمة الله

عندى مشكلة فى الطارة تقيلة جدا وبسمع صوت حكة مع الملفات فى الطارة
هل فى حل وهل ممكن اركب بور
العربية موديل 93

[Mecha]

انفخ الفرد القدماني هيخف

[Abo_Mazen]

انفخ الفرد القدماني هيخف

هو يضبط ضغط العجل حسب المصنع ما بيقول

[Mecha]

هو يضبط ضغط العجل حسب المصنع ما بيقول

مهو طبعا هيلاقيهم في حلق الباب ,مش هينفخ بالهبوللي

[sa3d mohamed]

مظبط ضغط الهوى على 40 لما اكون لوحدي فى بيكون خفف جدا المشكلة لما يركب فى العربية 3 بيتقل والمصيبة على سفر ايدي بتتنفخ

[Mecha]

40 مش كتير ؟؟!!! , اياك تكون مغير لكاوتش اسبور تقيل وبيهلك الدركسيون.
بوص يا ريس ممكن بيض الاسكترا قافش هتبخ عليه WD-40 او Lithium grease بس دا معناه انهم قدموا لو لقيت فيهم بوش غيرهم ,بعدين تيجي للجريده عاوزة تشحيم بردك مهم الكاوتشات تكون سليمه .وفي الاخر دي عربيه حلوه صغيره مش ميكروباص.

[sa3d mohamed]

لسة جايب كوتشين امامى جداد
ومش مركب جنط اصلا
حاسس التقل ده من الشتا الى فات لاني غرزت اكتر من مرة فى طينة بس بعدها رفعت العربية وغسلتها بس هشوف الحجات الى قلت عليها وربك يكرم

[Mecha]

يعني ايه مش مركب جنط اصلا ؟؟؟!!!!!!
العجل اللي فيها مقاس فبريكه ولا مغير اسبور??????????????????

[sa3d mohamed]

اقصد جنط الفبريكة الى راكب
المقاس 13 - 175/70

[kokololososo]

انت بتتكلم عن سويفت ؟
ممكن تكون بارات أو علبة دريكسيون
بس الكاوتش علي ٤٠ كتير

[sa3d mohamed]

40 مش كتير ؟؟!!! , اياك تكون مغير لكاوتش اسبور تقيل وبيهلك الدركسيون.
بوص يا ريس ممكن بيض الاسكترا قافش هتبخ عليه wd-40 او lithium grease بس دا معناه انهم قدموا لو لقيت فيهم بوش غيرهم ,بعدين تيجي للجريده عاوزة تشحيم بردك مهم الكاوتشات تكون سليمه .وفي الاخر دي عربيه حلوه صغيره مش ميكروباص.

شفت البيض الصراحه لقيت في بوش فى الشمال بس جبت wd-40 وبخيت عليه لقيت الدركسيون خف
اوى
بعد العيد انشاء الله بروح لعفشجي يغيرهم ويشحم الجريده