شماسات ابواب الالتو فين فى اسكندريه

[YahiaAshraf]

السلام عليكم
كنت عايز اعرف الشماسات اللى بتتركب على الابواب الخلفيه والزجاج الخلفى لسوزوكى التو موديل 2015 بتتباع فين فى اسكندريه
ويا سلام لو فيه حد بيبيع فى سموحه اكون شاكر جدا وشكرا

[Abo_Mazen]

للأسف ..ملهاش شماسات في السوق ..وملقتش حد بيبيعهم

في واحد بيعملهم في السيوف ..رحتله من شهرين كده ..أخد المقاسات وكله تمام ..بسأله بقوله هتتكلف كام ..قالي 250 جنيه ..قلتله ليه ؟؟؟؟!!!!...قالي ياباشا أصل العربية دي ملهاش شماسات وحضرتك جاي تعملهم مخصوص فعشان كده أنا هضطر أعملك فورم مخصوص عشانها ..قلتله طيب وبعد ما تخلص هاخد أنا الفورم ..قالي لأ ..الفورم هاخدها أنا ..قلتله ليه طيب ؟؟..قالي وإنت هتاخد الفورم هتعمل بيهم إيه؟؟ ..المهم سبته ومشيت ومعملتش حاجه ..شماسات الماروتي ماليه الدنيا ..لو عايز حد في إسكندرية أنا ممكن أبعتك للراجل بتاع السيوف ده يعملهملك ب 60 جنيه الأربع أبواب ..بس هو عشان عنده الفورم وكده كده بيعملهم عشان في ناس بتوع إكسسوارات بياخدوهم منه

[YahiaAshraf]

للأسف ..ملهاش شماسات في السوق ..وملقتش حد بيبيعهم

في واحد بيعملهم في السيوف ..رحتله من شهرين كده ..أخد المقاسات وكله تمام ..بسأله بقوله هتتكلف كام ..قالي 250 جنيه ..قلتله ليه ؟؟؟؟!!!!...قالي ياباشا أصل العربية دي ملهاش شماسات وحضرتك جاي تعملهم مخصوص فعشان كده أنا هضطر أعملك فورم مخصوص عشانها ..قلتله طيب وبعد ما تخلص هاخد أنا الفورم ..قالي لأ ..الفورم هاخدها أنا ..قلتله ليه طيب ؟؟..قالي وإنت هتاخد الفورم هتعمل بيهم إيه؟؟ ..المهم سبته ومشيت ومعملتش حاجه ..شماسات الماروتي ماليه الدنيا ..لو عايز حد في إسكندرية أنا ممكن أبعتك للراجل بتاع السيوف ده يعملهملك ب 60 جنيه الأربع أبواب ..بس هو عشان عنده الفورم وكده كده بيعملهم عشان في ناس بتوع إكسسوارات بياخدوهم منه

تسلم ربنا يخليك
بس السيوف هتبقى بعيده عنى
طي بتوع الماروتى ممكن الاقيه فى سموحه ؟ وهل هيركبوا كويس على التو 2015 ؟

[Abo_Mazen]

أنا معايا التو 2008 ...برضه للأسف شماسات الماروتي ما يركبوش عليها ..ولا يركبو عندك في ال 2015 طبقا عشان شكل القايم أساسا مختلف ..