Tweet
كنت بشتكى ان العربيه مش راديه تدور
وديتها للكهربائى, قالى دى جابت جوان وش سليندر
رجعتها للميكانيكى يكشف ويصلح
رحتله تانى يوم لقيته صلحها, بساله كان فيها ايه, قالى الابلاتين كان لادع, سنفره واشتغلت تمام
تانى يوم بدورها, بتدور لكن بتقطع جامد , كانها 1 سيليندر
قلت انا اللى هصلحها بنفسى
راجعت على فتحه الابلاتين بالفيلر (عده لقياس الخلوص) لقيته كبير
غيرت الابلاتين بواحد جديد وظبت الخلوص 0.40 مم
العربيه اشتغلت تمام
ثالث يوم بدورها بتدور لكن بتقطع جامد تانى
قلت انا اللى هصلحها بنفسى تانى
راجعت على فتحه الابلاتين لقيته تمام
لكن لاحظت ان غطاء الاسبراتير نقاط التوصيل الداخليه بتاعته لادعه
غيرته وبردو العربيه بتقطع
قلت اريح وافكر على مهلى ايه السبب
الابلاتين جديد وفتحته مظبوطه, البوجيهات واسلاك البوجيهات والكوندنسر لسه مغيرهم من قريب
فبستبعدهم
البوبينه بستبعدها برده عشان لو هى بايظه مكنتش دارت من الاول
قلت ادور العربيه والاحظ هى بتقطع امتى
العربيه بتقطع لما ادوس بنزين
لكن وهى على السلانسيه مش بتقطع
قلت اجيب سبراى wd40 وارش الاسبراتير من جوه على الايلاتين والاجزاء اللى تحته اللى هى مع دوران العامود بتاع الاسراتير بتتحرك وتقدم الشراره
وقد كان
العربيه اتظبتت جدا وبقت ناعمه
ولما بكبس بنزين العربيه بستجيب بسرعه
قلت اشاركوا بالمشكه بتاعتى وازاى حلتها
اتعلمت انى مش كل الصنايعيه نظاف فشغلهم
يعنى هما بيلصموا العيب لكن مش بيحله من جزره
يعنى سنفره الايلاتين بدل تغيره
استخدام اسبراتير بنقاط توصيل لادعه بدل تغيره....الخ
اسعار قطع الغيار:
ابلاتين 35
غطاء اسبراتير 40
wd40 ب40
جبت شاكوش اسبراتير مستعملتوش ب35
وديتها للكهربائى, قالى دى جابت جوان وش سليندر
رجعتها للميكانيكى يكشف ويصلح
رحتله تانى يوم لقيته صلحها, بساله كان فيها ايه, قالى الابلاتين كان لادع, سنفره واشتغلت تمام
تانى يوم بدورها, بتدور لكن بتقطع جامد , كانها 1 سيليندر
قلت انا اللى هصلحها بنفسى
راجعت على فتحه الابلاتين بالفيلر (عده لقياس الخلوص) لقيته كبير
غيرت الابلاتين بواحد جديد وظبت الخلوص 0.40 مم
العربيه اشتغلت تمام
ثالث يوم بدورها بتدور لكن بتقطع جامد تانى
قلت انا اللى هصلحها بنفسى تانى
راجعت على فتحه الابلاتين لقيته تمام
لكن لاحظت ان غطاء الاسبراتير نقاط التوصيل الداخليه بتاعته لادعه
غيرته وبردو العربيه بتقطع
قلت اريح وافكر على مهلى ايه السبب
الابلاتين جديد وفتحته مظبوطه, البوجيهات واسلاك البوجيهات والكوندنسر لسه مغيرهم من قريب
فبستبعدهم
البوبينه بستبعدها برده عشان لو هى بايظه مكنتش دارت من الاول
قلت ادور العربيه والاحظ هى بتقطع امتى
العربيه بتقطع لما ادوس بنزين
لكن وهى على السلانسيه مش بتقطع
قلت اجيب سبراى wd40 وارش الاسبراتير من جوه على الايلاتين والاجزاء اللى تحته اللى هى مع دوران العامود بتاع الاسراتير بتتحرك وتقدم الشراره
وقد كان
العربيه اتظبتت جدا وبقت ناعمه
ولما بكبس بنزين العربيه بستجيب بسرعه
قلت اشاركوا بالمشكه بتاعتى وازاى حلتها
اتعلمت انى مش كل الصنايعيه نظاف فشغلهم
يعنى هما بيلصموا العيب لكن مش بيحله من جزره
يعنى سنفره الايلاتين بدل تغيره
استخدام اسبراتير بنقاط توصيل لادعه بدل تغيره....الخ
اسعار قطع الغيار:
ابلاتين 35
غطاء اسبراتير 40
wd40 ب40
جبت شاكوش اسبراتير مستعملتوش ب35