اهتزاز سيارة الماروتي

[jeeran]

السلام عليكم
دلوقتي لما اشغل العربية الصبح يعني اول تشغيل ليها في اليوم بلاقي العربية تتهز جامد وتختفي الهزة شويه لما العربية ادوس بنزين ورجلي علي الدبرياج أو تسخن وتبدأ تمشي
ولما السرعة توصل 100 او اكتر شوية تبدا تتهز
حد عنده افاده عن الموضوع ده

[makarther]

متابع

[M.Gomaa]

ممكن تكون قواعد موتور

[micromoud]

الطبيعى فى الماروتى رعشه على السلانسية بتسمع فى جسم العربيه بس الا حد ما بتقل لما العربيه بتسخن مع المشيان بتختفى... لو الرعشه مسمعه عندك فى التابلوه والدركسيون او وانت طالع بالعربيه اكشف على قواعد الموتور...اما رعشه على السرعات معناه ترصيص العجل

[jeeran]

شكرا يا جماعة علي الردود

[jeeran]

لطبيعى فى الماروتى رعشه على السلانسية بتسمع فى جسم العربيه بس الا حد ما بتقل لما العربيه بتسخن مع المشيان بتختفى... لو الرعشه مسمعه عندك فى التابلوه والدركسيون او وانت طالع بالعربيه اكشف على قواعد الموتور...اما رعشه على السرعات معناه ترصيص العجل
------
هي فعلا الرعشة مسمعه في جسم العربية و التابلوه والدركسيون وتبقي شديدة طالما العربية وقفه لكن تختفي لما تمشي فهل ده يبقي طبيعي .
والترصيص انا شايف ان عجلها مترصص .. ولا عاوزه تترصص تاني؟
وقواعد الموتور ده اختصاص ميكانيكي ولا عفشجي؟

[micromoud]

الطبيعى بيكون رعشه موجودة بس مش بدرجة كبيرة وقواعد الموتور الميكانيكى هو اللى بيكشف عليها

[jeeran]

طلعت المشكلة في طقم الكهربا... مش عرف بقي ده صح ولا انضحك علي

[lawyer1987]

نفس المشكلة عندي
بيقولي اكشف على الطنابر

هي ايه الطنابر دي :)

[jeeran]

مش عارف ياريت المتخصصون يفيدونا

[scientist9508]

بسم الله الرحمن الرحيم

الإخوه الأفاضل طالبى النصح الرشيد

أنا من ملاك الماروتى و قد إشتريتها جديده منذ 6 سنوات. الواضح لى أن كل فرد منكما يتحدث عن مشكله غير التى يتحدث عنها الآخر و لذلك سأشرح لكم مشكلة إهتزاز الماروتى و يقوم كل منكم بتطبيق شرحى على نفسه.

من عيوب الماروتى هو أنها سيارة من الصعب ضبط إتزان المحرك لأنه 3 إسطوانات فقط و ليست أربعه لذلك هو غير متماثل.

أسباب رعشة المحرك:

1 - الكهرباء غير مضبوطه

2 - الكاربوراتير غير مضبوط

3 - إنسداد جزئى فى الكاربوراتير

4 - إنسداد جزئى فى فلتر الهواء

5 - إختناق فى فلتر الوقود (لأنه لو فيه إنسداد لن تدور السياره من البدايه) أو فى القنوات المغذيه بالوقود

6 - إنخفاض كفاءة مجموعة الإشعال (أبلاتين+كوندينسر+بوجيهات)

7 - حدوث شرخ (كلى أو جزئى) فى قاعده واحده أو أكثر من قواعد المحرك

8 - حدوث تيبس فى قاعده واحده أو أكثر من قواعد المحرك

9 - حدوث أرتخاء ضعيف و طفيف جدآجدآ فى سير الكاتينه (ذلك إيذانآ بتغييره)

10 - حدوث إنبعاج ولو طفيف فى الجنوط (خاصة الأماميه) و هذا المسبب يظهر فى السرعات الأعلى من 90 كم/ساعه فقط

11 - ترصيص العجل (خاصة الأمامى) به خلل فى الأوزان

12 - حدوث إنبعاج عرضى فى الطنابير الأماميه (الطنابير الأماميه هى الإسطوانات التى يضغط عليها تيل الفرامل لتقف السياره) و لا يكتشف هذا الإنبعاج إلا خبير لأنه يقاس بالميلليميتر و لا يظهر إلا عند الضغط على الفرامل بعد السرعات العاليه.

13 - إستعمال وقود منخفض الجوده (غالبآ يكون يكون بنزين 80 ) أو وقود به كثير من الرواسب و العكاره أو الرقم الأوكتينى الفعلى له أقل من 80 (بنزين مغشوش)

14 - حدوث إرتخاء جزئى فى مسامير تثبيت التابلوه يعطى إحساس زائف بالرعشه لأنه التابلوه فقط هو الذى يرتعش و ليست كل السياره

15 - حدوث إرتخاء جزئى فى مسامير تثبيت العمه فوق الكاربوراتير يعطى صوت ضوضاء خفيفه و إحساس زائف أيضآ بالرعشه

16 - إنخفاض كفاءة الموبينا تسبب رعشة حقيقيه محيره لأنها تحدث حتى و إن كانت مجموعة الإشعال بالكامل جديده و الكهرباء من الإسبراتير فى أعلى درجات الضبط الدقيق.

17 - كابلات البوجيهات تسبب رعشة حقيقيه محيره لأنها تحدث حتى و إن كانت مجموعة الإشعال بالكامل جديده و الكهرباء من الإسبراتير فى أعلى درجات الضبط الدقيق و الموبينا جديده.

18 - إستخدام قطع غيار غير أصليه (و خاصة فى مجموعة الإشعال ) يسبب رعشه حقيقيه لا يمكن معالجتها أبدآ حتى يتم إستبدالها بقطع غيار أصليه.

19 - أن يكون شدة التيار الخارج من واحده أو أكثر من المجموعه المغذيه للمحرك بالكهرباء أقل من أو أعلى من التيار التصميمى للمحرك (هذا المسبب يحدث فى حالة إستخدام قطع غيار غيرأصليه أو قطع غيار لسيارة أخرى غير الماروتى).

من النادر جدآ إجتماع كل ما سبق فى سياره واحده لذلك يتم الكشف عن العطل كالآتى:

1 - نبدأ بالكشف عن العجل ( ورشة كاوتش كاملة المعدات)

2 - إن كان العجل خالى تمامآ من المشاكل المذكوره نتوجه للميكانيكى المحترف ليتخبر جزء جزء من كل ما سبق و بترتيب يعلمه المحترفين فقط

لا يوجد مالك للماروتى لم يواجه مشكلة الرعشه و أنا شخصيآ واجهتها أكثرمن مره و لكنها لم تستمر كثيرآ لأننى أعلم كيف أواجهها.

بارك الله لك فى سياراتكم

السلام عليكم و رحمة الله و بركاته

[volociximab]

و عليكم السلام و رحمة الله و بركاته
مشاركة قيمة
الان اواجه الرعشة بعد عمل غسيل للسيارة من الداخل
هل تعتقد المشكلة بواجى و سلوك بواجى ام غيرها؟
الرعشة تكون و السيارة واقفة و سخنه و التكييف شغال الار بي ام بيرقص
التو 2009

[scientist9508]

و عليكم السلام و رحمة الله و بركاته
مشاركة قيمة
الان اواجه الرعشة بعد عمل غسيل للسيارة من الداخل
هل تعتقد المشكلة بواجى و سلوك بواجى ام غيرها؟
الرعشة تكون و السيارة واقفة و سخنه و التكييف شغال الار بي ام بيرقص
التو 2009

بسم الله الرحمن الرحيم

أخى الفاضل

سبق لى و أن واجهت نفس المشكله. هناك ثلاث إحتمالات.

1 - الأول و الأعلى فى نسبة حدوثه أن تكون قد تسربت الرطوبه للبوجيهات مما يؤدى لضعف الشعله الناتجه و بالتبعيه حدوث إحتراق نىء أو غير مكتمل

2 - الثانى و هو أقل فى نسبة الحدوث و مع ذلك جائز و ممكن أن تكون الرطوبه تسللت للموبينا و بالتبعيه ضعف التيار الخارج منها.

3 - سلك البوجيهات يمكن أن يتضرر فقط إذا كان قديمآ و المحرك ساخن ثم صدمته بماء بارد و لكن سلك البوجيهات فى السوزوكى من قطع الغيار المرتبطه بالوقت و بالتقريب يتم تغييرها كل 60000 كم (لضمان عدم حدوث قطع مفاجىء فيها)

التوصيات:

1 - إبدأ بتغيير البوجيهات و يفضل و إن إستطعت تغيير الكوندينسر و الأبلاتين (للحصول على أعلى آداء)

2 - بعد ذلك إن ظل الأمر كما هو عليه أو رأيت أن الآداء دون المستوى فقم بتغيير الموبينا.

هداك الله لأرشد أمرك و أقومه

السلام عليكم و رحمة الله و بركاته