رجه

[dr/moh]

شباب عربيه ماروتي ماشيه30 الف العربيه فيها رجه كده بحسها اوي و و انا ماسك الفتيس و الطاره

انامشش عارف احدد السبب ايه

الميكانيكي علي الكهربا شويه بس انا مضايق من ساعه ما علاها و حاسس الرعشه ازيد

هل ممكن يكون بوجيهات علما اني لسا مغيرتش. ب بوجيهات الفبريكه. و مفيش نتش و لا تاخير دوار ولا اي حاجه . و و قالي قاعده الماتو الامامي تعبانه شويه بس مش قوي

فنا مش عارف ممكن يكون ايه الصراحه

و ازاي احدد اذا كانت الرجه من العفشه و لا من الماتور

معلش طولت عليكو

[micromoud]

العربية 3 سلندر طبيعى يكون فيها رعشه لو حاسس ان الرعشة بزيادة ومسمعه فى دواسة البنزين يبقى كشف على قواعد الموتور

[scientist9508]

بسم الله الرحمن الرحيم

الإخوه الأفاضل طالبى النصح الرشيد

أنا من ملاك الماروتى و قد إشتريتها جديده منذ 6 سنوات.

من عيوب الماروتى هو أنها سيارة من الصعب ضبط إتزان المحرك لأنه 3 إسطوانات فقط و ليست أربعه لذلك هو غير متماثل.

أسباب رعشة المحرك:

1 - الكهرباء غير مضبوطه

2 - الكاربوراتير غير مضبوط

3 - إنسداد جزئى فى الكاربوراتير

4 - إنسداد جزئى فى فلتر الهواء

5 - إختناق فى فلتر الوقود (لأنه لو فيه إنسداد لن تدور السياره من البدايه) أو فى القنوات المغذيه بالوقود

6 - إنخفاض كفاءة مجموعة الإشعال (أبلاتين+كوندينسر+بوجيهات)

7 - حدوث شرخ (كلى أو جزئى) فى قاعده واحده أو أكثر من قواعد المحرك

8 - حدوث تيبس فى قاعده واحده أو أكثر من قواعد المحرك

9 - حدوث أرتخاء ضعيف و طفيف جدآجدآ فى سير الكاتينه (ذلك إيذانآ بتغييره)

10 - حدوث إنبعاج ولو طفيف فى الجنوط (خاصة الأماميه) و هذا المسبب يظهر فى السرعات الأعلى من 90 كم/ساعه فقط

11 - ترصيص العجل (خاصة الأمامى) به خلل فى الأوزان

12 - حدوث إنبعاج عرضى فى الطنابير الأماميه (الطنابير الأماميه هى الإسطوانات التى يضغط عليها تيل الفرامل لتقف السياره) و لا يكتشف هذا الإنبعاج إلا خبير لأنه يقاس بالميلليميتر و لا يظهر إلا عند الضغط على الفرامل بعد السرعات العاليه.

13 - إستعمال وقود منخفض الجوده (غالبآ يكون يكون بنزين 80 ) أو وقود به كثير من الرواسب و العكاره أو الرقم الأوكتينى الفعلى له أقل من 80 (بنزين مغشوش)

14 - حدوث إرتخاء جزئى فى مسامير تثبيت التابلوه يعطى إحساس زائف بالرعشه لأنه التابلوه فقط هو الذى يرتعش و ليست كل السياره

15 - حدوث إرتخاء جزئى فى مسامير تثبيت العمه فوق الكاربوراتير يعطى صوت ضوضاء خفيفه و إحساس زائف أيضآ بالرعشه

16 - إنخفاض كفاءة الموبينا تسبب رعشة حقيقيه محيره لأنها تحدث حتى و إن كانت مجموعة الإشعال بالكامل جديده و الكهرباء من الإسبراتير فى أعلى درجات الضبط الدقيق.

17 - كابلات البوجيهات تسبب رعشة حقيقيه محيره لأنها تحدث حتى و إن كانت مجموعة الإشعال بالكامل جديده و الكهرباء من الإسبراتير فى أعلى درجات الضبط الدقيق و الموبينا جديده.

18 - إستخدام قطع غيار غير أصليه (و خاصة فى مجموعة الإشعال ) يسبب رعشه حقيقيه لا يمكن معالجتها أبدآ حتى يتم إستبدالها بقطع غيار أصليه.

19 - أن يكون شدة التيار الخارج من واحده أو أكثر من المجموعه المغذيه للمحرك بالكهرباء أقل من أو أعلى من التيار التصميمى للمحرك (هذا المسبب يحدث فى حالة إستخدام قطع غيار غيرأصليه أو قطع غيار لسيارة أخرى غير الماروتى).

من النادر جدآ إجتماع كل ما سبق فى سياره واحده لذلك يتم الكشف عن العطل كالآتى:

1 - نبدأ بالكشف عن العجل ( ورشة كاوتش كاملة المعدات)

2 - إن كان العجل خالى تمامآ من المشاكل المذكوره نتوجه للميكانيكى المحترف ليتخبر جزء جزء من كل ما سبق و بترتيب يعلمه المحترفين فقط

لا يوجد مالك للماروتى لم يواجه مشكلة الرعشه و أنا شخصيآ واجهتها أكثرمن مره و لكنها لم تستمر كثيرآ لأننى أعلم كيف أواجهها.

بارك الله لك فى سياراتكم

السلام عليكم و رحمة الله و بركاته