مشكله في السياره

[ابن القيم]

السلام عليكم ورحمه الله وبركاته
انا عضو جديد في المنتدي .. انا اشتريت عربيه ماروتي مستعمله وانا بصراحه مش عندي خبره خالص في العربيات اساسا .. وبتعلم سواقه جديد.. عندي سؤال
دلوقتي لما بكون علي مطلع في معظم الاحيان العربيه بتفصل مني سألت ناس زميلي قالولي البك السلانسيه واطي (صحبها كان موطيها علشان مش تستهلك بنزين) وفيه ناس ركبوها وقالولي عادي متعليش حاجه بس غالبا مش بتفصل منهم لانهم خبره في السواقه السؤال هل لو عليت البك السلانسيه هيأثر علي العربيه في حاجه ولا ايه ؟
...........
ياريت أصحاب الخبره يفيدوني

[shake]

لا عادى هيعلى صوتها بس

[Mecha]

مغيش مشكله، هتلاقي مسمار بلاستك في الكرب
ترجلشو ، بس البنزين هيزيد استهلاكه

[Hossam Rashed]

والله نصيحتى اتعلم على وضع السلانسية الصح علشان تتعود على الصح من البداية

عود نفسك انك تدوس سنه بنزين وانت بتطلع على الاول او بترجع مارشدير والعربية عمرها ما هتطفى منك ان شاء الله

لو عليت السلانسية شويه مش هيحصل ضرر ولا حاجة بس هيبقى حمل ع الموتور ع الفاضى وهيزود استهلاك البنزين شويه صغيرين

[ابن القيم]

شكرا لكم جميعا
الاخ hossamrashed المشكله ان العربيه بتفصل والشوارع زحمه والموقف بيكون محرج
.........
هل تعليه البك سلانسيه محتاج مفك او حاجه محدده ولا باليد كده وخلاص

[Hossam Rashed]

شكرا لكم جميعا
الاخ hossamrashed المشكله ان العربيه بتفصل والشوارع زحمه والموقف بيكون محرج
.........
هل تعليه البك سلانسيه محتاج مفك او حاجه محدده ولا باليد كده وخلاص

بيكون غالبا بمفك او مفتاح 10

[احمد كامل]

اعتقد ان المشكلة عند حضرتك
يعنى محتاجة بس تظبطى رجلك على الدبرياج
و ماتستعجليش و انتى بتشيلى رجلك من على الدبرياج تشيليها واحدة واحدة
هوة الموضوع بسيط بس محتاج شوية وقت و هتاخدى على كدة