عاجل للأهمية سوزوكى سويفت 94

[ayman 2010]

السلام عليكم ورحمة الله وبركاتة
الأعضاء الكرام انا مقبل بأذن الله على شراء سيارة سوزوكى سويفت 1994 وكنت عاوز اسأل بعض الأسئلة
1- العربية فابريكة دواخل وبرة نظافة -هاف باور -كاسيت -فرش جلد-مرفوعة 6سنوات عاملة 70000 كم يا ترى العربية تسوى كام ودة اهم ؤال واللى هيحدد عملية الشراء
2-اية اهم حاجة اخد بالى منها اثناء فحص السيارة
3- بصفة عامة الربية دى كويسة مع العلم ان بسمع ان العرية دى يابانى تقفيل يابانى مش مصرى واية اخبار قطع الغيار والعربية مفيهاش تكييف
يايت من الأخوة الأفاضل سرعة الرد لأن الراجل مستنى ارد علية وشكرا لكم جميعا

[A.Saad]

ادخل على منتديات البيع والشراء
هتلاقى كذا لينك للفحص قبل الشراء
خد بالك من
البارومة
العفشة
لون العادم
حالة الزيت

[muhmado_furp]

السلام عليكم ورحمة الله وبركاتة
الأعضاء الكرام انا مقبل بأذن الله على شراء سيارة سوزوكى سويفت 1994 وكنت عاوز اسأل بعض الأسئلة
1- العربية فابريكة دواخل وبرة نظافة -هاف باور -كاسيت -فرش جلد-مرفوعة 6سنوات عاملة 70000 كم يا ترى العربية تسوى كام ودة اهم ؤال واللى هيحدد عملية الشراء
2-اية اهم حاجة اخد بالى منها اثناء فحص السيارة
3- بصفة عامة الربية دى كويسة مع العلم ان بسمع ان العرية دى يابانى تقفيل يابانى مش مصرى واية اخبار قطع الغيار والعربية مفيهاش تكييف
يايت من الأخوة الأفاضل سرعة الرد لأن الراجل مستنى ارد علية وشكرا لكم جميعا

السلام عليكم
بص يايمن باشا
اول حاجه تتأكد من العداد لان عداد السويفت بيقلب بعدد ال100 الف كيلو وبعدين يبدأ من اول وجديد وبعدين طالما العربيه رشه بره فممكن تكون مشيت اكتر من ال70000 كم

تاني حاجه مفيش حاجه اسمها هاف باور هي السويفت عربيه تتميز بأن الدريكسيون خفيف ويمكن اخف من عربيات باور موجوده

السويفت لغاية 93 ياباني تقفيل ياباني ويبتنزل يتكيف وعداد rpmلكن من 94 تقفيل مصري لكن كل المكونات يابانيه حتي السيور وكل حاجه فيها ياباني لكن تقفيل مصري وهيا من اوائل العربيات الي اتقفلت في مصر ومبقاش بتزل من غير عداد rpm والتكيف اختياري يعني عربيات فيها وعربيات مفهاش

بالنسبه لقطع الغيار زي الرز ورخيصه ومعمره ويعني اغلي شويه من الفيات القديم لكنها معمره جدا

لما تكشف تخلي بالك من البارومه في كل المناطق وتركز جدا في موضوع البارومه

كمان تكشف عن الموتور وتتاكد انه مش خفيف او محتاج عمره لانه مواتير السويفت مش بينفع فيها عمره لكن الموتور بيعمل 1500-2000 بالكتير استعمال خارج

عموما السويفت عربيه محترمه جدا بالنسبه للفئه السعريه بتاعتها
اه بالنسبه للسعر لو زي مابتقول متزودش عن 32 الف

وابقي طمنا

[ayman 2010]

اولا بشكر الجميع على الردود الكويسة وعلى الأهتمام وان بصراحة اتفرجت على العربية ومعجبتنيش خالص من حيث الشكل والجوهر فطبعا حاجة ذى كدة مش هتنفع وشلى كدة هاافكر فى الأكسيل او هشترى زيرو واريح دماغى

[muhmado_furp]

اولا بشكر الجميع على الردود الكويسة وعلى الأهتمام وان بصراحة اتفرجت على العربية ومعجبتنيش خالص من حيث الشكل والجوهر فطبعا حاجة ذى كدة مش هتنفع وشلى كدة هاافكر فى الأكسيل او هشترى زيرو واريح دماغى

ربنا يوفقك ياستاذ ايمن
للاختيار السليم

وطبعا طبعا لو زيرو يبقي اكيد هتريح دماغك من حاجات كتيررررررررررره

وابقي طمنا عليك