سؤال للماروتيين

[jeeran]

دلوقتين لما العربية توصل لل 80 كم الدريكسون يبدأ يتهز
ده طبيعي ولا ده عيب
واحد كان راكب ماروتي سألته السؤال ده رد علي وقالي طبيعي مش العربية خفيف يبقي لزم تترج مع السرعة العالية
ايه رأيكم انتم بقي ؟

[salam100100]

الرجه على سرعه عاليه غالبا مشكله ترصيص

اولا:
تاكد من ضغط الكاوتش
تاكد من حاله الكاوتش
ترصيص

واخيرا
تاكد من حاله العفشه (علبه دركسيون.........)

[elpilot]

روح رصص العجل ب20ج عند اي حد بتاع كاوتش كبير هتظبط معاك عن تجربة

[jeeran]

المحير في الموضوع يا جماعة
اني غيرت كاوتش ورصصت والمشكلة زي ماهية
سألت عن عفشجي كويس ورحتله قالي العفشة كويسة
بس وأنا برصص الصنعي قالي العربية محتاجة ظبط زوايا
ممكن تكون دي المشكلة ؟
مش عارف

[micromoud]

رعشه على السرعات يبقى مشكله ترصيص غير المكان اللى بتعمل فيه الترصيص

[Ahmed Metwally]

كان عندي نفس المشكلة بس على 100 بالظبط
ربطت عفشة وقواعد ورصصت
المشكلة خفت شوية لكن مارحتش
سافرت بيها بقى العين السخنة ووصلت بيها ل 135 من غير ماترعش ولا اى حاجة
اعتقادي الشخصي ان الطريق اللى ماشي عليه هيفرق