اجيب سوزوكى sx4 والا بلاش؟؟

[alnmr79]

السلام عليكم باختصار مش لاقى sx4 غير ٢٠١٥ واحة بس لونها موكا على ١٧٧ الف ومفيش حجز لل ٢٠١٦ .
ثانيا بالنسبة لقطع الغيار متوفرة فى التوكيل والمحلات وموجود منها قطع غيار استعمال خارج والا لاء.
ارجو النصيحة بمنتهى الامانة علشان ناوى اروح بكرة عند الطارق احجزها لو قولتولى اتوكل على الله.
محدش يبخل بالمعلومات ههههههههه

[alnmr79]

محدش عارف عنها وحاجة!!!!!!
خلاص هصرف نظر عنها وهخلينى فى المضمون احسن.

[labdemon]

ربنا يباركلك ويوفقك للقرار اللى فيه الخير ليك ..
أنا جبت العربية في نهاية شهر 9، قبل عيد الأضحى مباشرة، وكانت برضه موديل 2015 ما لقيتش غيرها ..
بالنسبة للتوكيل وقطع الغيار فأنا لسة ما اتعاملتش مع الأول ولا احتجت للتانية، وربنا يكملها بالستر

اللى أقدر أقولهولك عن العربية نفسها وسواقة لمدة شهر تقريبا أهوه وحوالي ألف كيلو إنها أفضل عربية سقتها في حياتي ـ وأنا سقت قبل كدة أوكتافيا وستروين وكل أنواع وأشكال الكوري ..

مميزاتها:
1- ناعمة جدا، وعفشتها متماسكة بتديها ثبات معقول من غير تضحية بالنعومة وامتصاص المطبات
2- فتيس الـcvt اختراع هايل (أنا أول مرة أجربه): بيوفر في البنزين بشكل ما شفتوش في أي عربية ركبتها سابقا، وفي نفس الوقت مفيش إحساس بالنقلات (اللهم إلا تأثير الأستك اللى الناس بتتكلم عليه، لما تتسارع من 50 إلى 60 تقريبا)
3- وضعية قيادة مثالية ومريحة جدا في القعدة
4- استجابة الدركسيون والتحكم في التوجيه من أفضل ما جربت حتى الآن: الدركسيون طيع في إيدك زي ما انت عايزه بالضبط، لا خفيف يخلي العربية تلعب، ولا تقيل يضايقك وانت سايق مسافة طويلة

العيوب اللى أنا شايفها لحد الآن:
1- رغم ارتفاعها عن الأرض إلا أنه في بعض الأحيان ـ النادرة ـ وأمام بعض المطبات ـ السخيفة بزيادة ـ بيحصل برضه احتكاك، وإن كان ممكن تفاديه لو هديت السرعة على الآخر وعديت بالورب
2- استجابة الموتور عند التسارع يشوبها بعض البطء، يعني التسارع مش مرضي بالنسبة لهواة الشد والجري، لكنه مناسب تماما لعربية عائلية

فيه ناس تانية ممكن تتكلم عن غياب بعض الكماليات ـ زي البلوتوث ـ لكن أنا شايف إن فيها كمية كماليات كفاية وبتعوض البلوتوث ـ رغم أهميته ـ بالمقارنة بسعرها

تتبقى مسألة التوكيل وقطع الغيار، لكن تجربتنا في مصر مع الياباني ـ والتجميع الأوروبي (في المجر) ـ تخلينا نتفائل بإنها إن شاء الله هتكون اعتمادية على المدى الطويل، وربنا يبارك للجميع في عربياتهم وما يحتاجوش لقطع غيار إلا للصيانات الدورية البسيطة ..

ويا رب تسمع مننا الدعوة دي بالذات بالذات يا رب بعد ما فرضوا ضرايب جديدة على قطع الغيار هتغلي سعرها أكتر وأكتر

[alnmr79]

ربنا يباركلك ويوفقك للقرار اللى فيه الخير ليك ..
أنا جبت العربية في نهاية شهر 9، قبل عيد الأضحى مباشرة، وكانت برضه موديل 2015 ما لقيتش غيرها ..
بالنسبة للتوكيل وقطع الغيار فأنا لسة ما اتعاملتش مع الأول ولا احتجت للتانية، وربنا يكملها بالستر

اللى أقدر أقولهولك عن العربية نفسها وسواقة لمدة شهر تقريبا أهوه وحوالي ألف كيلو إنها أفضل عربية سقتها في حياتي ـ وأنا سقت قبل كدة أوكتافيا وستروين وكل أنواع وأشكال الكوري ..

مميزاتها:
1- ناعمة جدا، وعفشتها متماسكة بتديها ثبات معقول من غير تضحية بالنعومة وامتصاص المطبات
2- فتيس الـcvt اختراع هايل (أنا أول مرة أجربه): بيوفر في البنزين بشكل ما شفتوش في أي عربية ركبتها سابقا، وفي نفس الوقت مفيش إحساس بالنقلات (اللهم إلا تأثير الأستك اللى الناس بتتكلم عليه، لما تتسارع من 50 إلى 60 تقريبا)
3- وضعية قيادة مثالية ومريحة جدا في القعدة
4- استجابة الدركسيون والتحكم في التوجيه من أفضل ما جربت حتى الآن: الدركسيون طيع في إيدك زي ما انت عايزه بالضبط، لا خفيف يخلي العربية تلعب، ولا تقيل يضايقك وانت سايق مسافة طويلة

العيوب اللى أنا شايفها لحد الآن:
1- رغم ارتفاعها عن الأرض إلا أنه في بعض الأحيان ـ النادرة ـ وأمام بعض المطبات ـ السخيفة بزيادة ـ بيحصل برضه احتكاك، وإن كان ممكن تفاديه لو هديت السرعة على الآخر وعديت بالورب
2- استجابة الموتور عند التسارع يشوبها بعض البطء، يعني التسارع مش مرضي بالنسبة لهواة الشد والجري، لكنه مناسب تماما لعربية عائلية

فيه ناس تانية ممكن تتكلم عن غياب بعض الكماليات ـ زي البلوتوث ـ لكن أنا شايف إن فيها كمية كماليات كفاية وبتعوض البلوتوث ـ رغم أهميته ـ بالمقارنة بسعرها

تتبقى مسألة التوكيل وقطع الغيار، لكن تجربتنا في مصر مع الياباني ـ والتجميع الأوروبي (في المجر) ـ تخلينا نتفائل بإنها إن شاء الله هتكون اعتمادية على المدى الطويل، وربنا يبارك للجميع في عربياتهم وما يحتاجوش لقطع غيار إلا للصيانات الدورية البسيطة ..

ويا رب تسمع مننا الدعوة دي بالذات بالذات يا رب بعد ما فرضوا ضرايب جديدة على قطع الغيار هتغلي سعرها أكتر وأكتر

الف شكرا يا فندم بس بصراحة أنا قلقت
من التوكيل في موضوع توافر قطع
الغيار. جبت كروز2016هاي لا ين

[labdemon]

ألف مبروك ويا رب تتمتع بخيرها ويكفيك شرها

[scientist9508]

بسم الله الرحمن الرحيم

أخى الفاضل alnmr79

إن كنت لست فى عجلة من أمرك أن تنتظر وصول الفيتارا الجديده . . ربما تغير وجهة نظرك.

أما إن كنت لا تود فى الإنتظار فتوكل على الله و لكن بعد أن تعرف الأتى:

1 - السياره لا غبار عليها و لا داعى للحديث عن مميزاتها و لا عن عيوبها لأن ذلك مضيعة للوقت فهى و بكلمات قليله من أفضل ما يمكن إقتناؤه

2 - وكيل فاشل و لكنه يسعى للتحسن

3 - قطع غيار خارج الوكيل غير موجوده ما عدا بعض العناصر القليله المشتركه مع موديلات أخرى للسوزوكى

4 - سعر إعادة بيع متدنيه بالنسبه سعرها و هى جديده

الملخص . . . ستستمتع بكل دقيقه و أنت داخل هذه التحفه حتى و أنت منتظر إشارة المرور . . و لكن عند الصيانه يستفزك الوكيل و عند البيع ستجد خساره ماديه.

هداك الله لأرشد أمرك و أقومه

السلام عليكم و رحمة الله و بركاته

[Colin Chapman]