ماروتى: رادرياتير اتكسر و عايز أصلح أو أغير

[bambino]

السلام عليكم

الماروتى الأصيلة شرخت رادرياتيرها كتر خيرها بعد 81 ألف كيلو. للى ميعرفش الكوع المطاط الناشف اللى بياخد المية من تحت مربوط على بوز الرادرياتير . البوز ده فبر مش معدن ... و الميكانيكى سماه "علبة" و قاللى ممكن يتغير ... أو أجيب رادرياتير جديد.

الصراحة مش عايز غير الأصلى. بس لو الإصلاح صعب يبقى مفيش بد.

عايز حد يصلح أو يغير فى الحى السابع أو التجمع... حد ممكن يساعدنى؟

أكرمكم الله و أراح بالكم

[scientist9508]

غير أفضل . . . التصليح عمره قصير

[bambino]

غير أفضل . . . التصليح عمره قصير

افادكم الله. بكم الأسعار؟

[alking_2006]

كنت جبته من سوزوكى سنتر التوفيقية ب 425 جنيه بس الكلام دا من 3 سنين

[Mecha]

المهم لما تركب اي ردتير ، اتاكد ان مفيش كبس وغازات
تسبب كسر تاني

[bambino]

الكسر كان سببه خبطات و رزعات متكررة علي أزمنة متباعدة. المية كانت بتنقص و انا كنت عارف بس كنت مستني معاد الصيانة القريب عشان اصلح المشكلة. عموما البوز بتاع المأخد السفلي انكسر بالكامل و معاه حتة من جدار علبة تجميع المية السفلية فمهياش مشكلة غازات أو حبس.

للإفادة...الرادياتير اللي في السوق صيني ميسواش نكلة و صناعته رديئة جدا و بيحاولوا يبيعوه علي إنه هندي و بسعر ٤٥٠ جنيه. مفيش غير محل سوتير في التوفيقية كان صادق في إنه صيني لكن اللي عنده كان مستعمل و اتصلح و كان عايز يبيعهولي ب ٢٨٠ جنيه!

مفيش غير الأصلي من التوكيل و بيطلب مخصوص و ييجي في حوالي أسبوع و سعره ٦٨٠ جنيه بالتقريب.