وركبت الجنوط الــ13 وزوقت العروسة

[Losha]

بسم الله الرحمن الرحيم
اللهم صل على محمد وعلى آله وصحبه أجمعين

الرجاء قرائة الموضوع كاملاً وعدم القفز بين السطور لتوضيح ما قد يغيب عنك والإستفادة من إستخدام المنتج لأقصى درجة
الصور اخر الموضوع

روقت العربية وركبتلها جنط 13
بصوا كده بالصلاة على النبي
هحكلكم الحكاية
رحت لفيت على جنوط 12 مش موجد او نادرة زى ما بيقولوا

ولما دورت على مستعمل 13 اقل حاجة لقتها 900 جنية ومقولكمش على حالة الجنط (زبالة)
والاغلى قارب على ثمن الجديد

توكلت على الله وجبت جنط 13 زيرو أصلى بحب المثل أللى بيقول (أنا لست مش غنى عشان أجيب مستعمل) الحدق يفهموا
المهم
الجنط بــ1750 تايوان
والكاوتش مقاس 165/65/13
الفردة الواحدة 300 جنية أختها بــ 190 يعنى الاربعة فرد بــ1160 جنية
لسة لسة فى فلوس جاية تانى ده انا أتفــــشـــ عيب مش هكملها افهوها انتوا
أربع بلوفة نيكل حاجة الاجة البلف بــ10 جنيى *4 يبقى هما هما الــ40+1160=1200 جنية
ونفخت الكاوتش الـ أية يا اخويا فريون ولا نيتروجين انا عارف قالى الفردة بــ5جنية
استنو لسة فى ترصيص الكاوتش عشان متترعش قالى 40جنية شخرــــــــــــ عيب قلنا الكلام ده
طبعاً هنا ارتفاع الكاوتش كبير المفروض يركب احدى المقاسات التالية
13/55/155
13/60/160
بس بردو مش موجدين على الاقل فى محافظتى #السويس
المهم جبت المقاس اللى متكوب فوق وللتأكيد مقاس 165/65/13
كدة هروح تانى عند بتاع العفشة هركب علايات المهم تكون اقصر عليات متذدش عن 3 سم إلى 5سم
عشان متنشفش العفشة اووى


اسيبكم مع الصور
واى استفسارات تحت امركم وهحاول بس موعدكمش اتابع الموضوع

واتمنى رأيكم
بسم الله ما شاء الله

وفي الختام أدعوا الله لي ولكم ولوالدينا ولمن أحببناه في الدنيا
بالهداية والصلاح في الدنيا وأن يجمعنا جميعاً في الفردوس الأعلى ....
وسامحونى دوشتكم معاية بس قلت اشاركم

سبحانك اللهم وبحمدك , أشهد أن لا اله إلا أنت أستغفرك وأتوب إليك

أخوكم فى الله
Ali Losha

[amr_elmasry]

ربنا يباركلك فيها ويحفظهالك

[Mohamed Desoky]

اللهم صل على محمد وعلى آله وصحبه أجمعين رسمة العربية يامعلم والف مبروك وربنا يستر طريقك

[Losha]

تكملة

نكمل باه اه جزء

رفع الجزء الخلفى من السيارة لعدم الإجتكاك مع الجنط
رحت لعفشجى ايه كفائة صراحة
شار عليه بدل ما ارفع علايات وتكون العربية شدة السوسست على الاخر
غيرها بسست سيارة كيا برايد اعلى من سست الماروتى بــ5 سم بالظبط
وبعد التركيب صراحة حاجة خرافة وروعة

طيب السعر ما هى مصاريف مصاريف
حسبلى السوستة ب75 جنية يعنى الإثنين 150جم
تركيب + غسيل العافشة والماتور بالسولار 90 جنية
وبعد كدة طلعت على المغسلة عشان اغسل الماتور بعد السولار بالفوم خدد 30 جــم
وروقت على العروسة وأخدت شور تمام

إسيبكم مع الصور

[رامي مصطفى]

الف الف مبروك والله جميله جدا وماتنساش تركب calipar cover
بس باعتب على حضرتك في بعض الالفاظ
ربنا يباركلك فيها

[Losha]

الف الف مبروك والله جميله جدا وماتنساش تركب calipar cover

تسلم يا كبير بيتباع فين واجيبةوثمنو فى حدود كام وهل منه انواع ولا لأ ياريت تقرير عنه

بس باعتب على حضرتك في بعض الالفاظ
ربنا يباركلك فيها

يا باشا بحلى اكشن الموضوع
وتسلم مرورك الطيب

وصور الــ caliper cover

[Losha]

رامي مصطفى
وركبتهم يا باشا حقيقى تحفة بس امامى فقط

[رامي مصطفى]

طيب ما انا الي فكرتك بيهم .... يعني ليا لفه!!!!!
الف مبروك وقولنا جبته بكام وتركيبه سهل كبس يعني ولا بيتثبت ولازم عفشجي ولا الواحد يركبهم عادي والالوان الموجوده ليه الاحمر بس ولا فيه حاجه تانيه
وبعدين انت ليه رشيت الطنابير؟ هيا كده كده هتتمسح مع مسك الفرامل وهتلاقي الفرامل مابتمسكش وفيه ريحه طالعه لغايه ما اللون يروح
الف مبروك تاني

[رامي مصطفى]

وممكن تستعين بالموضوع ده فيه صور جميله

http://www.nilemotors.net/Nile/141108-a.html

وممكن تضرب فاميه على الجزء الابيض بس في الفانوس الخلفي زي دي

https://www.google.com.eg/imgres?imgurl=https://www.4sedan.com/static/p_images/2013/4/8/8VU2-1365426034.jpg&imgrefurl=https://www.4sedan.com/egy/ar/cars/49297&h=337&w=449&tbnid=bVS6pMWHzNPfpM:&docid=NvCyh7kokVStCM&ei=jaOMVtycEIHmUK6um8gN&tbm=isch&client=ms-android-samsung&ved=0ahUKEwicl-nUt5TKAhUBMxQKHS7XBtkQMwhZKDAwMA

[Losha]

وممكن تستعين بالموضوع ده فيه صور جميله

http://www.nilemotors.net/Nile/141108-a.html

وممكن تضرب فاميه على الجزء الابيض بس في الفانوس الخلفي زي دي
https://www.google.com.eg/imgres?img...BtkQMwhZKDAwMA

جارى التنفي والتجربة

طيب ما انا الي فكرتك بيهم .... يعني ليا لفه!!!!!
الف مبروك وقولنا جبته بكام وتركيبه سهل كبس يعني ولا بيتثبت ولازم عفشجي ولا الواحد يركبهم عادي والالوان الموجوده ليه الاحمر بس ولا فيه حاجه تانيه
وبعدين انت ليه رشيت الطنابير؟ هيا كده كده هتتمسح مع مسك الفرامل وهتلاقي الفرامل مابتمسكش وفيه ريحه طالعه لغايه ما اللون يروح
الف مبروك تاني

جارى كتابة موضوع اخر عشان زودت disc brake rotor cover

[gamal_sharaf]

ماشاء الله
ربنا يبارك لك فيها ويحميها لك

[khalidawad]

الف مبروك والله ينور

[szoko2020]

الف مبروك كنت عايز اعرف الجنط ممكن يستحمل حمولة يعني ممكن يركب السزوكي الربع نقل

[Losha]

الف مبروك كنت عايز اعرف الجنط ممكن يستحمل حمولة يعني ممكن يركب السزوكي الربع نقل

حقيقى معرفش النص نقل اية ناظمة بس كانت فى الحمولة الذائدة عندى رغم رفعى اليايات الخلفية (السوست)
كان يوجد احتكاك بشفة الرفر الجانبى بس عالجتها بثنى الشفة قليل