ينفع سوزوكي فيتارا ب 50 الف واقسط الباقي

[رامي مصطفى]

حد يعرف فيتارا بتتباع ادفع 50 الف واقسط الباقي
وهل الفيتارا الشكل القديم احسن ولا الشكل الجديد 2008 3باب

[ahmedk7]

كانت معايا الشكل القديم موديل 99 3 باب و اتسرقت مفيهاش مفتاح مشفر خلى بالك

[رامي مصطفى]

كانت معايا الشكل القديم موديل 99 3 باب و اتسرقت مفيهاش مفتاح مشفر خلى بالك

الف شكر لحضرتك
بس ايه رايك بينها 5باب ولا 2008 3 باب

[ahmedk7]

بص الشكل ده قدم انا موتورى كان الانجكشن 1600 مانوال كانت جمدة بس هى للطرق المكسرة حلوة , سفر على اسفلت طويل متعبة و السرعة اخرك 140 و ممكن تزود بس هى عالية , جوا المدينة حلوة صغيرة سهلة فى الركن مفيش حاجة تخبطك عالى عن الرصيف استهلاك بنزين واطى

ال 5 باب منها القديم كان 2000 سى سى الاجدد كان نفس الوتور بتاعى

الشكل الجديد 3 باب مش عارف بس شكلها احسن بس الشنطة مش عارف ممكن متبقاش واسعة انا مرة ركبتها حسيت كأنى راكب القديمة نفس صوت الموتور بس الشكل و التابلوه احسن

اهم حاجة يكون مفتاح بشفرة و مانع سرقة عشان دلوقتى فى عربيات كتير بتتسرق و الفيتارة القديمة كانت منها عشان موديل تسعينات و مفيش اى حماية

انا دلوقتى بسوق فورد فيستا صغيرة بس ثابتة على الطريق عشان واطية و سحب جامد مريحة عن الطنطيط فى المطبات عن الفيتارا بس هى قع الغيار مش غالية كنت بأعمل صيانة فى التوكيل حمالة قاسية

[رامي مصطفى]

الف شكر ع المعلومات الجميله دي
بس هل كان فيه مشكله من انها 3باب يعني لما حد يركب معاك ورا انك تقلب الكرسي ولا سهل علشان عندي اولاد
الشكل الجديد فيها بصمه ده امان كوبس ولا مش اوي
زمانك بتقول ايه اللى بيسأل كتير ده انا عارف ماتخبيش هههه
معلش بتأل عليك

[ahmedk7]

هى طبعا مش زى لما يبقى عندك باب ورا , كان عندى فى مقبض وفى حبل رفيع فى ضهر الكراسى الامامية او الى جمب السواق بتشده الكرسى ضهره يطلع لقدام عشان اللى ورا يفتح الباب و ينزل مش عارف فى الجديدة ايه النظام كمان مفيش مسند رأس فى كراسى الى ورا فى القديمة لو ولادك صغيرين الكرسى ظريف انما لو طوال الكرسى ورا مش حلو للسفر الطويل , الازاز ورا بيطلع لبرة سنة تهوية و بيتقفل بكلبس ترباس بس معظم الوقت تشغل تكيف, بس متهيألى الشكل الجديد اريح ورا عن القديمة
الموديل القديم فى فتيس غرز الجديدة الاربع عجلات بيمشو مع بعض

العربية جمدة و قوية تحس انك راكب جرار صغير :)
دول عربيات معروضة للبيع شوفها

https://olx.com.eg/ar/cairo/cars/suzuki/search/?city=5&price__gte=&price__lte=&kilometers__gte=&kilometers__lte=&model=711&neighbourhood=c-5&photos_count__gte=1&is_search=1

[رامي مصطفى]

الف شكر لحضرتك

[karkour33]

شوف الموضوع دة

http://www.nilemotors.net/Nile/477140-a.html

[رامي مصطفى]

شوف الموضوع دة
http://www.nilemotors.net/Nile/477140-a.html

استاذ karkour33
ربنا يباركلك والله قرأته اول ما حضرتك كتبته اكتر موضوع استفدت بيه عن الفيتارا جزاكم الله خيرا
بس سؤالي عن حاجات صغيره لم تذكر
زي موضوع الفيتارا 3 باب هل مزعج لو معايا اولاد وهيركبوا وينزلوا ولا عادي
اسعار الفيتارا 5باب 99-2000 معديه فيه حاجات قربت من ثمن الفيتارا 3باب 2008!!!!!!!!
يبأى مين احسن من حيث السعر 2008شكل اجمل تابلوه رائع موديل حديث
99 اقوى افخم اكبر بس شكل اقل موديل ابعد كتير تابلوه تعبان
مش عارف ياريت تساعدني انا معايا تيريوس 2000 جميله بس موتور ضايع جدا ولو بعتها مش هعرف اركب عربيه سيدان بحس اني قاعد ع الارض

[karkour33]

استاذ karkour33
ربنا يباركلك والله قرأته اول ما حضرتك كتبته اكتر موضوع استفدت بيه عن الفيتارا جزاكم الله خيرا
بس سؤالي عن حاجات صغيره لم تذكر
زي موضوع الفيتارا 3 باب هل مزعج لو معايا اولاد وهيركبوا وينزلوا ولا عادي
اسعار الفيتارا 5باب 99-2000 معديه فيه حاجات قربت من ثمن الفيتارا 3باب 2008!!!!!!!!
يبأى مين احسن من حيث السعر 2008شكل اجمل تابلوه رائع موديل حديث
99 اقوى افخم اكبر بس شكل اقل موديل ابعد كتير تابلوه تعبان
مش عارف ياريت تساعدني انا معايا تيريوس 2000 جميله بس موتور ضايع جدا ولو بعتها مش هعرف اركب عربيه سيدان بحس اني قاعد ع الارض

طبعا البابين مزعجة لو معاك اسرة و شنطتها كمان لا تذكر يادوب تشيل ازايز الزيت و المياه و كوريك مثلا لكن الشاسيه القصير افضل في الرمل
بالنسبة للاسعار في منها معدي سعر اللي بعدها كمان مش قرب منها بس .. لان ال5 باب 1600 استمرت حتي 2007 و ماسكة سعر عن اللي بعدها نظرا لانها اقوي و عربيات محترمة جدا لو سليمة بيوصل تمنها 100 الف و ليها محبينها اللي غاويينها و هي احسن من فلوسها كمان بالنسبة لملاكها لانها سلسة التعامل و ممكن تفككها و انت واقف في ربع ساعة و مليانة مخابيء عشان كدة بيسرقوها كتير هاتلي دفع رباعي حقيقي سواء ياباني او غيره 1600 مش معدي ال100 كله ياباشا عدي ال200 كمان بما فيهم الفيتارا اللي لسة هتنزل