يا رجالة الماروتى محتاج رأيكم فى ماروتى 2008

[eng isec]

محتاج رأيكم فى الماروتى مو 2008 وعداد 50000 كيلو كعربية للمدام من حيث الإعتمادية فى المشاورير الصغيرة داخل نطاق القاهرة خاصة بعد ما سمعن عن مشكلة طقم الكهرباء والكوندنسير لأنى قلقان من حدوث أعطال. الحقيقة انا معجب بالعربية خاصة انها مناسبة جدا من حيث السعر فى ظل إرتفاع أسعار السيارات المستعملة الغير معقول حالياً (الناس طالبة فى ال i10 موديل 2008 مانيوال 55 الف جنيه).

[scientist9508]

بسم الله الرحمن الرحيم

الزميل الفاضل

كل مخاوفك لا وجود لها على أرض الواقع . . . مشاكل الماروتى تتلخص فى العفشه فقط لأن قطر العجل صغير مما يجعلها قوة التصادم بين العجل و المطب كبيره . . الأمر الذى يسبب تلفيات فى العفشه . . من ينجح فى تفادى المطبات لن يرى ما يسوءه من الماروتى إطلاقآ.
فقط حافظ على قطع الغيار الأصليه ( و هى رخيصة الثمن) و الصيانات الدوريه فى ميعادها

هداك الله لأرشد أمرك و أقومه

السلام عليكم و رحمة الله و بركاته

[eng isec]

شكرا جدا لراي حضرتك و انا فعلا اشتريتها و مبسوط منها جدا لدرجة اني من اول ما اشتريتها ركنت عربيتي الاساسية رينو فلوانس 2016 من كتر ما العربية بتنجز رغم اني كنت جايبها للمدام بس بصراحة مشعارف ابن اللزينا اللي صممها ازاي خلاها واسعة كدة انا فعلا هتجنن
انا طولي 180 و كنت بقول مستحيل اسوقها لان كان معايا بولونيز و اكسل و كنت دايما راسي خابطة في السقف قلت دية انسي اسساسا ممكن ادخلها
عايز اقول لحضرتك رجعت الكرسي لوري سنة اول مرة بعد الفلوانس راسي متخبطش في السقف و قاعد مرتاح و كمان 3 قاعدين وري مرتاحين و كمان طوال
ممكن اللي يقرا الكلام دة ميصدقنيش و فعلا عندهم حق بس فعلا العربية دية جننتني بس ممكن يكون علي حساب ان العربية من غير شنطة
بالنسبة للمطبات البلونيز عمرها ما حكت لكن الاكسل لازم تسلم علي كل مطبات الشوارع بدون استثناء صغير و كبير اللي هيجنني فعلا ان الماروتي لازم يكون المطب عالي جدا علشان تحكة رغم انها عجل 12 غير كدة ولا اي تاثير
العربية مش سحيبة مش بتجري
فراملها علي قدها لازم تبقي سواقتك عامل حساب اللي قدامك ممكن التيل بتاعها الاصلي مشعارف العربية هي كدة و لا دة عايز يتغير تيل بس معقولة
حبيت اقول رائيي بعد تقريبا 500 ك كرد جميل للموقع
مشاكل لو حد يقدر يفيدني فيها و اكون شاكر لمساعدتكم لي مقدما و لزوقكم
اول مشكلة ركبت كاست في العربية فا و انا مبطل العربية صوت الكاست جميل و نقي لكن و انا مشغل العربية صوت الماتور طالع في الكاست يعني لما ازود بنزين الصوت يطلع في السماعات رحت لكهربائي فصل الدينامو قالي دية مشكلة دينامو فا مش عارف دية اشتغالة و لا اية يا ريت لو حد حصل معاة المشكلة دية قبل كدة يا ريت يفيدني
تاني حاجة ان المدام 80 في المية هي اللي سايقة و بتتعلم لسة بس من تالت تفويلة العربية معدلها 170 ك في الصفيحة جوة البلد بنزين 92 دة كدة الفلوانس اوفر منها في البنزين مع التكييف
ثالث حاجة لما بحرق علي الغيار سنة بسمع صوت فرقعة من الشكمان او بقبقة دة ممكن يكون اية
شكرا لردكم مقدما

[salam100100]

مبروك الف مبروك
حضرتك بتتكلم زى بظبت
جبت العربيه للمدام واستخدمتها انا

الكاسيت والصوت: دا عيب كهرباء- ممكن يكون من اسلاك البوجيهات- حصل معايا الكاسيت كان شغال كويس, بعد مغيرت الاسلاك الصوت بقا بيقطع- رجعت الاسلاك القديمه والمشكله اتحلت

صوت الفرقعه: ممكن يكون مشكله الشراره- تأخر وتقديم الشراره- الكهربائى بيظبطها

استهلاك البنزين: انا بتعمل معايا من 12-18 كم لكل لتر- يمكن بتستهلك كتير عشان لسه مرحله تعليم_ او لسه مخدتش على العربيه_ او يمكن بتطلب منها تجرى زى الفلوينس وهى مش راضيه :)

[eng isec]

شكرا لزوقك و اللة يبارك فيك و انا فعلا باتكلم العربية فعلا محترمة بالنسبة لسعرها و عربية بناتي

[scientist9508]

شكرا جدا لراي حضرتك و انا فعلا اشتريتها و مبسوط منها جدا لدرجة اني من اول ما اشتريتها ركنت عربيتي الاساسية رينو فلوانس 2016 من كتر ما العربية بتنجز رغم اني كنت جايبها للمدام بس بصراحة مشعارف ابن اللزينا اللي صممها ازاي خلاها واسعة كدة انا فعلا هتجنن
انا طولي 180 و كنت بقول مستحيل اسوقها لان كان معايا بولونيز و اكسل و كنت دايما راسي خابطة في السقف قلت دية انسي اسساسا ممكن ادخلها
عايز اقول لحضرتك رجعت الكرسي لوري سنة اول مرة بعد الفلوانس راسي متخبطش في السقف و قاعد مرتاح و كمان 3 قاعدين وري مرتاحين و كمان طوال
ممكن اللي يقرا الكلام دة ميصدقنيش و فعلا عندهم حق بس فعلا العربية دية جننتني بس ممكن يكون علي حساب ان العربية من غير شنطة
بالنسبة للمطبات البلونيز عمرها ما حكت لكن الاكسل لازم تسلم علي كل مطبات الشوارع بدون استثناء صغير و كبير اللي هيجنني فعلا ان الماروتي لازم يكون المطب عالي جدا علشان تحكة رغم انها عجل 12 غير كدة ولا اي تاثير
العربية مش سحيبة مش بتجري

مع إحترامى . . هذا كلام غير صحيح . . . إن لم تكن تعلم أرقام البوجيهات و لا قوة الكوندينسر (بالميكروفاراد) توجه لمركز خدمة أبو رواش أو الهايكستب و إطلب تركيب طقم كهرباء أصلى و فلتر هواء أصلى و ستختفى هذه المشكله

فراملها علي قدها لازم تبقي سواقتك عامل حساب اللي قدامك ممكن التيل بتاعها الاصلي مشعارف العربية هي كدة و لا دة عايز يتغير تيل بس معقولة

فرامل الماروتى قويه جدآ . . . فقط تأكد من أن كل قطع الغيار أصليه و لن تشتكى منها إطلاقآ . . . السياره معى منذ 6 سنوات و لم أشتكى من الفرامل أبدآ لأننى أستخدم قطع الغيار الأصليه

حبيت اقول رائيي بعد تقريبا 500 ك كرد جميل للموقع
مشاكل لو حد يقدر يفيدني فيها و اكون شاكر لمساعدتكم لي مقدما و لزوقكم
اول مشكلة ركبت كاست في العربية فا و انا مبطل العربية صوت الكاست جميل و نقي لكن و انا مشغل العربية صوت الماتور طالع في الكاست يعني لما ازود بنزين الصوت يطلع في السماعات رحت لكهربائي فصل الدينامو قالي دية مشكلة دينامو فا مش عارف دية اشتغالة و لا اية يا ريت لو حد حصل معاة المشكلة دية قبل كدة يا ريت يفيدني

إذا قمت بتركيب أسلاك البوجيهات الأصليه لن تسمع أى شىء فى السماعات سوى صوت الكاسيت و بنقاء عالى جدآ

تاني حاجة ان المدام 80 في المية هي اللي سايقة و بتتعلم لسة بس من تالت تفويلة العربية معدلها 170 ك في الصفيحة جوة البلد بنزين 92 دة كدة الفلوانس اوفر منها في البنزين مع التكييف
ثالث حاجة لما بحرق علي الغيار سنة بسمع صوت فرقعة من الشكمان او بقبقة دة ممكن يكون اية
شكرا لردكم مقدما

إستهلاك الوقود مرتبط بشكل وثيق جدآ بطقم الكهرباء و الضبط الدقيق للإسبراتير و كل هذا سيتم بشكل تلقائى لو قمت بتركيب طقم الكهرباء الأصلى

ملحوظه : لا تسمح للوكيل بتغيير الزيت مطلقآ و لا إستدراجك لصيانات كثيره بدون داعى و لا تكرر زيارتك له إلا لتركيب طقم الكهرباء فقط

[hayway90]

عربيه ممتاذه

[S O P H O S]

شكرا لزوقك و الله يبارك فيك و انا فعلا باتكلم العربية فعلا محترمة بالنسبة لسعرها و عربية بناتي

مبروك
العربية فعلا جميلة طول ما انت محافظ عليها
علشان العربية دي مش عايزة بهدلة