سوزوكي سويفت و الباور

[M.MAMDOUH]

معلشي سؤال كده بس يا ريت حد يرد عليا بسرعة
هل ينفع اركب باورستراج لسوزوكي سويفت مو94
و هل ينفع اركب مكنة باور من المكن الجديد يعني بعد مو 2000 مثلا

[M.MAMDOUH]

وهل في حل لمشكلة ثابتها في السرعات لا ني مجنون سرعات بس اخري 140 ك /س

[Doctor sameh]

ياريت حد يفيدنا في الموضوع ده انا عندي نفس المشكله وشكرا

[borio1704]

من ناحية تركيب مجموعة الباورستيرينج (Power Steering) .. فممكن تركب.. بس ساعتها فيه حاجات كتير هتتغير واحتمال تغير الاستكاترا بتاعت العربية أصلا.

بس دركسيون السويفت ما هواش تقيل للدرجة اللي يحتاح معاها باور!!!


بالنسبة للثبات.. فلازم تحط في دماغك حاجة مهمة جدا جدا...

السويفت عربية مصممة للاستخدام داخل المدن .. والموتور بتاعها يعتبر كبير نسبيا عليها وده بيخليها موفرة في البنزين جدا (تكاد تكون أكتر عربية بتوفر في البنزين في مصر بعد الماروتي).

وبالتالي مش من أولويات تصميمها إنها تديك ثبات عالي إطلاقا... بالعكس.. ده المعروف إن العربية دي كانت مصممة أساسا لاستخدام السيدات !!!

ما تزعلش من حتة السيدات دي... العربية فيها مميزات كتير أكتر من كده :)

عموما.. علشان تزود ثباتها... حضرتك محتاج كذا حاجة تتعمل.. زي:

1- تركيب جنوط عريضة بمقاس 15 بوصة.. لزيادة الالتصاق بالأرض وتقليل الانحناءات في منحنيات الطريق.
2- تركيب طقم استابليزر (ميزان) أمامي وخلفي .. بيساعد جدا في المنحنيات
3- تغيير طقم المساعدين والسست بأطقم رياضية.. لتقليل انحناءات جسم السيارة أثناء المناورات
4- تركيب اسبويلر خلفي لزيادة الثبات على السرعات العالية

خلي بالك إن العربية آخرها 165 كم/س... ومش هتجيب معاك أكتر من كده مهما حاولت.


...