Tweet
لو اي حد عنده مشاكل في سويفت انتاج التسعينات هحاول اسعادكم في اي مشاكل فنيه سواء في الكهرباء او الميكانيكا او الشيت ميتال جسم السياره او اي معلومات متخصصه وده للزملاء المهندسين فقط (حرصا طبعا علي سلامه سيارتك ان لم تكن محترف.. توقيت الاشعال .. ترتيب الاشعال .. اي قياسات .. كبس الموتور .. اي معلومات متخصصه معاك وتحت امرك) ... فقط دعوة صالحه
-
-
الف شكر
انا عندي مشكله العربيه سويفت 93
بتنقط زيت من ناحيه العجله اليمين وغيرت اويل سيل فتيس وبرده لسه الزيت بينقط بعد كل مشوار
ايه الحل -
معلش غصب عني بس انا مش شايف الحاجه قدامي فهنتعاون مع بعض وسامحني
1- الكوبلن الداخلي لو بيدخل وبيطلع هيعمل كده وفي السويفت المفروض الكوبلنج ده فيه تيله وراه ومعظم الصنايعيه مش بيركبوها او بينسوها ولسه واحد زميل من المنتدي كان الكابلنج بتاعه بيخرج والسبب التيله برضه
2- ممكن يكون في شرخ في الفتيس او الكارتيره او جوان الكارتيره مركبش صح
3 - محتاج معلش تتعب وترفع العربيه في بير مش هينفع كوريك لان لازم تشوفها بعينك كويس وتبقي مرتاح في الوقفه لكن
لو نايم مش هتاخد راحتك اطلاقا ... جهز معاك جاز وهتغسل المنطقه دي كويس وهتنشفها وتقولي بعد كده الزيت جاي منين بالضبط وكل الحاجات اللي كتبتها دي مجرد تخمينات لاني مش شايف الحاله قدامي بس بنسبه 90% اشك في الكابلنج الداخلي او جوان الكارتيره
وتابعني ومبنزهقش معاك بأمر اللهComment
-
السلام عليكم
اشتريت سوزوكي سويفت 92 اوتوماتيك هاتشباك العربيه بتستهلك بنزين كتير (حوالي 6 كم للتر)
لسه مظبط الكربراتير في رمضانComment
-
كتير استهلاكها جدا جدا ... حضرتك تتعب وتفك البوجيهات لو لقيت عليها كربون اثار كده زي الفحم ترجع لبتاع الكربراتير كده معناه ان الوقود عندك بيتهدر ومبيتحرقش كويس وملهاش دعوه بالعربيه هتجري ولا مش هتجري لانها هتلاقيها معاك بتجري وزي الفل بس بتحرق بنزين بزياده
هنفك البوجيهات وبنسبه 90% هتلاقي البوجيهات مكربنه .. سوري الصنايعيه بيسموها مهببه متسبش بتاع الكربراتير الا لما يسلمك البوجيه ابيض
ده عيب كربراتير
انما لو البوجيهات بيضه نضيفه يبقي موتورك خفيف ومحتاج تقيس كبسه بس خلينا في الاحتمال الاول فك البوجيه وتابعنيComment
-
غيرت البوجيهات من اسبوعين ولقيت القديمه فعلا مهببه هفك الجديده كدا واشوفها واقولك
شكرا ليك ياباشاComment
-
لو البوجيهات عليها كربون (مهببه بلغه الصنايعيه المهببه ) عيب كربراتير خليه يراجع علي ضبط مسمار الهواء .. والعوامه والبيكات ... متابعComment
Comment