Tweet
السلام عليكم انا يا جماعه عربيتى ماروتى 2011و العربيه و انا مسافر بيها لقيت ان مؤشر الحراره بيعدى النص بشويه و يرجع تانى مع العلم انى كنت مسافر بتلليل و الجو كان كويس و لما وصلت روحت لبتاع الردياتير غير الميا و لقا ان ترموستات الكوعه عليها ترسيبات و دوره الميا عايزه تتنضف بعد مانضف قاللى ان تلترموستات مالهاش لازمه ان انت تجيب واحده غيرها و ان احنا بنشيلها لكل العربيات لحد كده و تمام المشكله ان العربيه لسه بتسخن تانى وانا مش فاهمها ساعات فى عز الشمس و الجو حر مؤشر الحراره مايعديش تلت الحراره و بالليل و الجو هوا تلاقى المؤشر معدى النص و فى الحالتين انا بابقى ماشى جوه البلد يعنى مش على طريق سفر اسف على الاطاله يا رب حد يفيدنى بالموضوع ده و اروح لميكانيكى و لا بتاع ردياتير تانى يبص عليها و شكرا ليكو
-
-
أولا وقبل أي شيء.. لازم ترجع ثرموستات الكوعة تاني... لإن إزالة ثرموستات الكوعة أول مسمار في نعش الموتور.. ويفضل تشتري واحد جديد لإن القديم بقى محجر ومش هيشتغل كويس.
ونصيحة.. سيبك من الميكانيكي ده.
ثانيا... واضح إن حضرتك بتستخدم مية الحنفية... وهي السبب في تكون الترسبات والمشاكل دي كلها...
فياريت حضرتك بعد ما تتأكد من نظافة الدايرة بالكامل (مش الرادياتير بس) تغير المية وتحط مية خضرا (زي ما كانت جاية فبريكة من بلادها)... لإن المية الخضرا بتمنع الصدا وتمنع تكون الترسبات وكمان بتزيت الطلمبة.
ثالثا... مادام المشكلة بتظهر أثناء السفر.. يبقى لازم تتأكد من إن الرادياتير شغال صح... وعلشان يتشغل صح .. بص على التالي:
1- النظافة الخارجية للرادياتير.. وإن مفيش أتربة أو أي شي سادد مجاري الهوا.
2- مروحة الرادياتير بتشتغل في الأوقات الصحيحة.. وإذا كان ليها سرعتين فلازم تتأكد إنهم بيشتغلوا.
3- غطا الرادياتير محكوم كويس ومفيش أي تنفيس في الدايرة من أي خرطوم أو أي جزء آخر (المية مش بتنقص).
ولو عايز معلومات عن ثرموستات الكوعة وفايدته.. ادخل على الموضوع ده:
وطمنا إيه الأخبار
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC] -
شكرا ليك جدا على الرد و جزاك الله كل خيرComment
Comment