برجاء المساعدة في سوزوكي sx4 موديل 2008

[اminaadel]

انا اشتاريت سيارة سوزوكي sx4 موديل 2008 من ثلاثة ايام و قولت زيادة اطمئنان اروح التوكيل اكشف على الموتور و اكتشفت الصدمة جابلي التقرير دة مع العلم ان ديه اول سيارة ليا و معرفش اصينها فين و اجيب قطع الغيار الاصلي منين و ايه ممكن اجيبة مش اصلي و منين علشان التوكيل قالي انها ممكن تتكلف 20,000

و قلي ان الموتور فيه كتل زيت و محتاج يفكه و ينظفه و يقولي ممكن يحتاج ايه ، و قالي كمان ممكن تحتاج عمرة موتور

برجاء المساعدة السريعة من اصحاب الخبرة و ديه صورة التقرير:

[م/أحمد عبد الفتاح]

معلش هو حضرتك بتشتكى من حاجه فى العربية ؟ بمعنى :
- هل استهلاك البنزين زايد معاك ؟
- هل الموتور بيدور معاك على طول ولا بيغلب فى الدوارة ؟
- هل يوجد اى اصوات معدنية غريبة فى الموتور وهو داير والعربية واقفة ؟
- هل لمبة التشيك انجن منورة عندك ؟
- هل مؤشر الحرارة فى الحدود المسموح بيها ولا الموتور بيسخن ومؤشر الحرارة بيعدى الحدود ؟
- هل العربية بتقطع وانت ماشى بيها ؟
- هل المية بتنقص ؟
- هل الزيت بينقص ؟
- حالة الزيت هلى متوسخ جامد ولونه اسود وفيه شوائب ؟
معلش الاسئلة كتير بس دى حاتحدد مدى صحة التقرير لانى شاكك فيه بصراحة وخصوصا قياسات كبس الموتور غير منطقية بالمرة واعتقد انهم قاسوها غلط لان القرايات بتاعة الاسطوانة ٢ و ٣ منطقية وبتاعة ١ قليلة شوية بس مش وحشة وبتاعة ٤ زايدة جدا ومش ممكن تكون كده يعنى لو قليلة او صفر حتى حاتبقى منطقية انما زيادة كتير بالشكل ده فده مالهوش غير تفسير واحد انهم قاسوا غلط .

[اminaadel]

معلش هو حضرتك بتشتكى من حاجه فى العربية ؟ بمعنى :
- هل استهلاك البنزين زايد معاك ؟
- هل الموتور بيدور معاك على طول ولا بيغلب فى الدوارة ؟
- هل يوجد اى اصوات معدنية غريبة فى الموتور وهو داير والعربية واقفة ؟
- هل لمبة التشيك انجن منورة عندك ؟
- هل مؤشر الحرارة فى الحدود المسموح بيها ولا الموتور بيسخن ومؤشر الحرارة بيعدى الحدود ؟
- هل العربية بتقطع وانت ماشى بيها ؟
- هل المية بتنقص ؟
- هل الزيت بينقص ؟
- حالة الزيت هلى متوسخ جامد ولونه اسود وفيه شوائب ؟
معلش الاسئلة كتير بس دى حاتحدد مدى صحة التقرير لانى شاكك فيه بصراحة وخصوصا قياسات كبس الموتور غير منطقية بالمرة واعتقد انهم قاسوها غلط لان القرايات بتاعة الاسطوانة ٢ و ٣ منطقية وبتاعة ١ قليلة شوية بس مش وحشة وبتاعة ٤ زايدة جدا ومش ممكن تكون كده يعنى لو قليلة او صفر حتى حاتبقى منطقية انما زيادة كتير بالشكل ده فده مالهوش غير تفسير واحد انهم قاسوا غلط .

مفيش اي اعراض موجودة في العربية كل حاجة كويسة بس انا قولت يمكن انا مش فاهم اروح اتاكد من التوكيل
استهلاك البنزين كويس 10 كيلو في اللتر
الحرارة اقل من النصف بشوية
لكن لمبة التشيك انجن منورة قبل ما اروح التوكيل و بعدها طفت
الموتور في حوالية زيت مترب و و روحت لميكانيكي معرفة قالي ان في كلاكيع في زيت الموتور و زيت الفتيس فيه ريحه شياط
و كمان الرادياتير مش بتاعها الاصلي تقريبا بتاع لانوس او لانسر مش فاكر قال ايه
ووراني شرخ في قاعدة الموتور فعلا

[م/أحمد عبد الفتاح]

حضرتك اول حاجه حاتروح تغير الزيت والفلتر بتوع الموتور وتخلى بالك تحط نوع الزيت المكتوب فى الكتالوج بتاعها ان وجد وتمشى على الزيت ده حوالى ٥٠٠ كم وتغيره تانى هو والفلتر علشان لو فيه اى شوائب تنزل مع الغيار بتاع الزيت . وكمان تمسح مكان الزيت والتراب اللى على الموتور بقماشه فيها بنزين او جاز علشان تنضف الاثار دى وتشوف الزيت ده بييجى منين من جوان التاكيهات مثلا ولا منين بس طبعا تعمل الموضوع دة والعربية باردة جدا يعنى الصبح وتسيبها شوية لغاية اثار البنزين ماتروح يعنى ٣ او ٤ ساعات .
ولو كنت لسه شاريها يبقى الصيانات المعتادة تغيير فلاتر وبوجيهات وسيور - وبالنسبة لزيت الفتيس برضه تغيره بالنوع المكتوب فى الكتالوج

[اminaadel]

طب معليش انا تاعب حضرتك معايا بس ايه مكان كويس اشتري منه قطع غيار اصلي او نضيفة و سعرة كويس

[اminaadel]

حضرتك اول حاجه حاتروح تغير الزيت والفلتر بتوع الموتور وتخلى بالك تحط نوع الزيت المكتوب فى الكتالوج بتاعها ان وجد وتمشى على الزيت ده حوالى ٥٠٠ كم وتغيره تانى هو والفلتر علشان لو فيه اى شوائب تنزل مع الغيار بتاع الزيت . وكمان تمسح مكان الزيت والتراب اللى على الموتور بقماشه فيها بنزين او جاز علشان تنضف الاثار دى وتشوف الزيت ده بييجى منين من جوان التاكيهات مثلا ولا منين بس طبعا تعمل الموضوع دة والعربية باردة جدا يعنى الصبح وتسيبها شوية لغاية اثار البنزين ماتروح يعنى ٣ او ٤ ساعات .
ولو كنت لسه شاريها يبقى الصيانات المعتادة تغيير فلاتر وبوجيهات وسيور - وبالنسبة لزيت الفتيس برضه تغيره بالنوع المكتوب فى الكتالوج

طب معليش انا تاعب حضرتك معايا بس ايه مكان كويس اشتري منه قطع غيار اصلي او نضيفة و سعرة كويس

[م/أحمد عبد الفتاح]

أنا من اسكندرية ومعرفش مين بيشتغل فى قطع غيارها فى القاهرة بس ممكن تاخد جولة هنا فى القسم وتشوف هل فيه حد ناشر اسماء محلات معينة او تدور فى الفيسبوك على اى جروب للسوزوكى حتلاقى عناوين واماكن محلات بتبيع قطع غيارها.

[borio1704]

واضح إن صاحب العربية كان من نوعية الناس اللي ما بتعملش أي حاجة في العربية إلا لما تعطل وتقف خالص.

عموما.. تكاليف التصليح إن شاء الله ما توصلش لدرجة 20 ألف زي ما قالوا.. وأعتقد المبلغ مش هيزيد عن ألفين ثلاثة بالكتير إن شاء الله..

طيب.. حسب التقرير الفني.. فالمشاكل عندك موجودة في 3 حاجات تحديدا:

1- دايرة التبريد بالكامل
2- قواعد الموتور
3- زيت الموتور


نمسك حاجة حاجة..

1- دايرة التبريد..

أغلى حاجة هنا هي الرادياتير نفسه... ده لو عايز تجيبه أصلي بتاع سوزوكي..

لو الرادياتير ما بيسربش .. والريش بتاعته سليمة.. تغيره ليه؟؟

كوتشات الرادياتير العلوية والسفلية ممكن تجيب الواحدة بحوالي 20 جنيه

الثرموستات ممكن يطلع يتنظف.. ولو عليه صدا كتير ومحجر يبقى تغيره.. سعره مش هيتجاوز 200 جنيه.

بعد ما تعمل الكلام ده كله تعمل دورة تنظيف لدايرة التبريد بالكامل (الرادياتير والمحرك) وتحط سائل تبريد على نظافة.

التنظيف وسائل التبريد الجديد معتقدش يكلفوا مع بعض أكتر من 200-300 جنيه.




2- قواعد الموتور...

مهم طبعا تغيرها.. ويفضل تعمل الكلام ده بسرعة علشان ما يضربلكش الكبالن..

هي دي يمكن أكتر حاجة ممكن تكلفك في العربية

حاول تدور على بتوع قطع الغيار الياباني.. مش الأصلي
فيه بعض محلات بتبيع قطع الغيار من إنتاج نفس الموردين اللي بيوردوا لشركة العربيات.. بس بينزلوها باسمهم.. ودي بتبقى أسعارها نص أسعار الأصلي أو أقل أحيانا..

اسأل في العباسية أو في شارع دمشق.. وإن شاء الله تلاقي.


بس أنا حاسس كده إن العربية كانت عاملة حادثة كسرت الرادياتير والقواعد... والله أعلم.



3- الزيت...

غالبا صاحب العربية ما كانش بيغير الزيت.. أو على الأقل بيجيب زيوت رخيصة قوي ويسيبها في الموتور

أنا نزلت كتالوج العربية بتاعتك.. بس لقيته بتاع أمريكا.. وتوصيات الزيت اللي فيه محددة درجات اللزوجة باللزوجات الخفيفة بس.. وده اللي بنلاقيه في معظم كتالوجات العربيات الياباني في أمريكا..

تقدر تنزل الكتالوج من هنا

http://manuals.zedt.eu/suzuki%20sx4/3.SX4_Owners_Manual.pdf

بس بالقياس على بقية العربيات الياباني.. أقدر أقوللك إن توصيات الزيت المناسبة لموتور عربيتك هي كالتالي:

اللزوجة:
5W-30 أو 10W-30 أو 15W-40 أو 20W-50

مستوى الأداء

API SL على الأقل
ILSAC GF-3 على الأقل (في اللزوجات الخفيفة فقط 10W-30 و 5W-30)

هات زيت التعاون SL وحطه زي ما البشمهندس أحمد عبدالفتاح قاللك كده... 500 كيلو ونزله.. وأنا رأيي كمان ممكن تعمل الحكاية دي كمان مرة بعدها بحيث تتأكد إن الشوائب نزلت ومفيش حاجة فاضلة

وبعدها نشوف الزيت اللي يناسبك حسب استخدامك

وبالنسبة لجوان غطا التاكيهات.. بردو تجيبه من بتوع الياباني.. وأعتقد سعره مش هيزيد عن 100 جنيه.



عموما عايزك تحط في دماغك إن تغيير الجوانات والكاوتشات في العربية شيء طبيعي جدا .. خصوصا إن أي قطعة كاوتش عمرها ما بيزيدش عن 6 سنوات.. سواء استخدمتها أو ما استخدمتهاش.

وربنا يوفقك.. وطمننا عملت إيه.


...

[اminaadel]

واضح إن صاحب العربية كان من نوعية الناس اللي ما بتعملش أي حاجة في العربية إلا لما تعطل وتقف خالص.

عموما.. تكاليف التصليح إن شاء الله ما توصلش لدرجة 20 ألف زي ما قالوا.. وأعتقد المبلغ مش هيزيد عن ألفين ثلاثة بالكتير إن شاء الله..

طيب.. حسب التقرير الفني.. فالمشاكل عندك موجودة في 3 حاجات تحديدا:

1- دايرة التبريد بالكامل
2- قواعد الموتور
3- زيت الموتور


نمسك حاجة حاجة..

1- دايرة التبريد..

أغلى حاجة هنا هي الرادياتير نفسه... ده لو عايز تجيبه أصلي بتاع سوزوكي..

لو الرادياتير ما بيسربش .. والريش بتاعته سليمة.. تغيره ليه؟؟

كوتشات الرادياتير العلوية والسفلية ممكن تجيب الواحدة بحوالي 20 جنيه

الثرموستات ممكن يطلع يتنظف.. ولو عليه صدا كتير ومحجر يبقى تغيره.. سعره مش هيتجاوز 200 جنيه.

بعد ما تعمل الكلام ده كله تعمل دورة تنظيف لدايرة التبريد بالكامل (الرادياتير والمحرك) وتحط سائل تبريد على نظافة.

التنظيف وسائل التبريد الجديد معتقدش يكلفوا مع بعض أكتر من 200-300 جنيه.




2- قواعد الموتور...

مهم طبعا تغيرها.. ويفضل تعمل الكلام ده بسرعة علشان ما يضربلكش الكبالن..

هي دي يمكن أكتر حاجة ممكن تكلفك في العربية

حاول تدور على بتوع قطع الغيار الياباني.. مش الأصلي
فيه بعض محلات بتبيع قطع الغيار من إنتاج نفس الموردين اللي بيوردوا لشركة العربيات.. بس بينزلوها باسمهم.. ودي بتبقى أسعارها نص أسعار الأصلي أو أقل أحيانا..

اسأل في العباسية أو في شارع دمشق.. وإن شاء الله تلاقي.


بس أنا حاسس كده إن العربية كانت عاملة حادثة كسرت الرادياتير والقواعد... والله أعلم.



3- الزيت...

غالبا صاحب العربية ما كانش بيغير الزيت.. أو على الأقل بيجيب زيوت رخيصة قوي ويسيبها في الموتور

أنا نزلت كتالوج العربية بتاعتك.. بس لقيته بتاع أمريكا.. وتوصيات الزيت اللي فيه محددة درجات اللزوجة باللزوجات الخفيفة بس.. وده اللي بنلاقيه في معظم كتالوجات العربيات الياباني في أمريكا..

تقدر تنزل الكتالوج من هنا

http://manuals.zedt.eu/suzuki%20sx4/3.sx4_owners_manual.pdf

بس بالقياس على بقية العربيات الياباني.. أقدر أقوللك إن توصيات الزيت المناسبة لموتور عربيتك هي كالتالي:

اللزوجة:
5w-30 أو 10w-30 أو 15w-40 أو 20w-50

مستوى الأداء

api sl على الأقل
ilsac gf-3 على الأقل (في اللزوجات الخفيفة فقط 10w-30 و 5w-30)

هات زيت التعاون sl وحطه زي ما البشمهندس أحمد عبدالفتاح قاللك كده... 500 كيلو ونزله.. وأنا رأيي كمان ممكن تعمل الحكاية دي كمان مرة بعدها بحيث تتأكد إن الشوائب نزلت ومفيش حاجة فاضلة

وبعدها نشوف الزيت اللي يناسبك حسب استخدامك

وبالنسبة لجوان غطا التاكيهات.. بردو تجيبه من بتوع الياباني.. وأعتقد سعره مش هيزيد عن 100 جنيه.



عموما عايزك تحط في دماغك إن تغيير الجوانات والكاوتشات في العربية شيء طبيعي جدا .. خصوصا إن أي قطعة كاوتش عمرها ما بيزيدش عن 6 سنوات.. سواء استخدمتها أو ما استخدمتهاش.

وربنا يوفقك.. وطمننا عملت إيه.


...

انا مبدائيا انا بشكر حضرتك لاهتمامك و مساعدتك علشان انا شبة محتاس شوية ، و انا للاسف و ديت العربية لميكانيكي معرفة، و عملت حركة مكانش المفروض اعملها هو اني اديته التقرير يبص علية و انا مش مخون ، و فتح الموتور ولقاه سليم مفهوش حاجة و قالي مدام فتحت بالمرة نغير ده:
1- طقم شنبر
2- كاوتش صباب
3- جوان وش سلندر
4 - سيفتي فالف كتينة

و بالنسبة لدايرة التبريد : فانا هعمل دورة تنظيف لدايرة التبريد بالكامل و اشوف فيها مشكلة ولا لا ، و هغير الثرموستات

و بالنسبة لقواعد الموتور : فانا هغيرها و سعر التيواني سألت عليها لقيتها في حدود ال 650 جنية عند واحد اسمة محمد امين في وسط البلد - و الفرع الرئيسي في القطامية


و بالنسبة للزيت ايه افض نوع ممكن استخدمة بعد اللي عملته في الموتور؟


و اخر حاجة الميكانيكي قالي ان المقصات عايز يغير فيها جلب و بيض مقص ، و لما سالت قالولي المقص على بعضة و مش موجود غير التيواني ب 750 ج ، و في ناس قالتلي خليك في اليباني او الاستيراد و التوكيل معندهوش و الاستيراد مش عارف حد بيبيع قطع استيراد للسوزوكي الموديل ده

ايه نصيحة حضرتك ؟؟