ارجو الرد للاهمية ضرورى جدا

[د/ وائل سعد]

ايه راي حضراتكم لان ارائكم بتفيدني جدا وافيدتوني كثيرا بصراحة انا دلوقتي بيعت سيارتي سوزوكى التو زيرو موديل 2014 وعاوز اشتري سوزوكى سياز عشان بقي عندي عائلة وكده فايه راي حضراتكم وكده وهل يفضل شراء الان ولا انتظر شوية لحد ما نشوف اسعار السوق ايه لاني سئلت التوكيل قال ب 240 الف جنيه مصري انا اتخضيت بقوله مش هي كانت نازلة ب 125 الف قالي كانت وبعدين السوق بمصر عندنا مش مستقر وكل يوم بسعر فايه رايكم فيها وثانيا يفضل الحجز الان ولا لا ارجو الرد والتوضيح للاهمية ولكم جزيل الشكر والتقدير.

اخوكم

د/ وائل سعد

[د/ وائل سعد]

مفيش ردود خالص

ايه يا جماعة مفيش ردود خالص

[bluemail]

مجرد راي، 240 كتير جدا عليها
ممكن تفكر في لوجان هاي لاين او حتي شارك كسر زيرو
الاول شوف رينج السعر اللي انت محدده ممكن يجيب ايه وبعدين قرر
بالتوفيق

[د/ وائل سعد]

شكرا للرد

بس انا لا احب الفرنسي ولا احب الكسر زيرو بحب الزيرو وانا مفضل السياز من زمان بس الاسعار عليت خالص مش عارف انتظر شوية ولا ايه الحل ؟؟؟

[عﻻء سالمان]

متنتظرش.. فية سيراتو 2010 جميع الكماليات عاملة 55 الف كيلو صاحبها طالب 165 شايفها مش وحشة و هو امين استعمالة نضيف اما كسر الزيرو مفيش غير شارك ابعد عن الفرنسى ممكن تشوفلك اوكتافيا اية فايف عربية متينة و كويسة و ممكن تجيبركوروﻻ او ﻻنسر بومة موديﻻت لخد 2010 ربنا يوفقك للأحسن و مش ﻻزم زيرو فى الظروف دى

[د/ وائل سعد]

المشكلة ان بحب الزيرو وبحب السوزوكى عموما ولا احب اغير الماركة وبحب الزيرو ولا بحب حتي الكسر بحب اكون انا اول مالك ليها خلاص انتظر شوية مش مهم اقضيها مواصلات وخلاص لحد ما اشوف الاسعار بتنزل ولا لا.

[borio1704]

أنا فاكر إن حضرتك كنت منزل موضوع من فترة واستقريت على سوزوكي إرتيجا... وأنا فاكر إن حضرتك حجزت واحدة بس لسه ما استلمتهاش..

واضح إنك غيرت رأيك... لعل المانع خير..


...

[د/ وائل سعد]

للاسف لم استلمها

التوكيل اعتذر لعدم وجود استيراد والحجز هيمتد لسنة فقولت خليني في السياز افضل بس المتاح حاليا الابيض وانا عاوز اللون الفيراني او الرصاصي ومنتظر اهو ربنا يسهلها يااااارب