اوتوماتيك مستعمل من 30 ل 40 ألف جنيه

[مارس]

عاوزة اجيب سيارة سوزوكي اوتوماتيك تكون
مستعمله : لان الاسعار عليت اوي و انا اخري 40000 و ياريت لو فيه اقل من كدة يعني 30000 او 35000
ملحوظه انا معنديش اي خبرة لاني مسوقتش قبل كدة
فالرجاء المساعدة ؛ انا كل اللي فهماه اني عاوزاها اوتوماتيك و قطع غيارها متوفرة و متكونش موديل قديم عشان اخد خيرها خصوصا اني مش هفكر ابيعها
و ان استخدامي ليها مش هيبقي اكتر من اني اروح و اجي بيها الشغل
محتاجه حد يقولي سوزوكي كذا موديل كذا كويسه و هتلاقيها فحدود كذا

[amr011111]

علشان تلاقى عربيه بالمواصفات ديه يبقى مفيش قدامك غير ماروتى بس مانيوال مفيش منها اتوماتيك

[lancer06]

فى ميرا ٢٠٠٠ او ٩٩
وفى غزاله ١٩٩٨
دول فى الرنج ده بس اهم حاجه الحاله
وربنا يوفقك

[salam100100]

فعلا الماروتى انسب عربيه لكن يعيبها انها مانيوال وبدون تكييف
المانيوال مش صعب فالسواقه للدرجه -هو طبعا الاوتوماتيك اسهل من المانيوال لكن بردو المانيوال مش صعب

ممكن تخليها عربيه لفتره انتقاليه
منها لتعلم السواقه- ومنها تعد فتره الشتاء مش محتاجه التكييف ولما يجيى الصيف تبيعى وتجيبى حاجه احسن وبسعر اعلى

[sherif_mahalla]

المبلغ ده مستحيل يجيبلك حاجه لسه بخيرها

[مارس]

لو زودت ل 50000 الاقي اوتوماتيك

هل لو زودت ل 50000 الاقي حاجه اوتوماتيك و متكونش مودديل قديم ؛ و لا صعب بعد ارتفاع الاسعار المبالغ فيه

[GoldenEgyption]

أعتقد 50000 ممكن تجيب سوزوكس بالينو موديلات من 98 ل2000