حاجة غريبة حصلت مع السويفت وارجو المساعدة

[sss2000]

امبارح بعد ما رجعت بالعربية من الشغل باكشف بالصدفة علي الردياتير لقيت المية ناقصة جدا بشكل غريب مع العلم انا قطعت بيها 100 كيلو رايح جاي ولم يرتفع مؤشر الحرارة عن النصف ولم الاحظ اي شئ غريب وانا ماشي فهل عدم ارتفاع الؤشر طبيعي ولم يتاثر الموتور واية سبب نقص المية بالشكل الغريب دة مع العلم بعدم وجود تنقيط من الردياتي افيدوني ولكم جزيل الشكر

[muhmado_furp]

السلام عليكم
بص ياباشا
انا بصراحه معايا السويفت
وقليل جدا لما كنت ازودها وارجع ابص الاقي المياه ناقصه
وبرضك كنت بعمل اكتر من 100 كم في السفر
طبعا مؤشر الحراره اقل من النصف بكتير

بس انت بتقول مفيش تسريب من الردياتير
لو انت متأكد
خلي بالك ان ساعات صباع الحراره الي مرتبط بالموتور
بيكون مش شغال
وبتكون الحراره عاليه لاكن المؤشر مش بيدي اكتر من النصف
فأنت راجع صباع الحراره

وكمان راجع المواضيع هتلاقي زميل لينا
حصل معاه نفس الموضوع
واكتشف انه صباع الحراره

وربنا يسترها معانا كلنا

[emad2002]

اخى العزيز لا تشغل بالك بموضوع نقص المياه زود مياه مرة اخرى واتاكد ان الموضوع بيتكرر معاك والا اء على العموم ممكن يكون التسريب من جوان وش السلندر من الخارج وليس من الداخل وده وتابغ غطاء الريداتير وربنا يوفقك على العموم العربية السويف لو المياه بتاعتها ناقصه للنصف وانت مسافر على السريع مش حتحس بيها على خصوصا لو تورمستات الكوعه متشالة

[ahmed azab]

حصل معايا نفس الموضوع ده من قريب والامبير رفع فييييييييييين لما الميه خصلت والماتور سخن فعلا واكتشفت ان نقص المايه سببه كوع صغير ورا الكربراتير جاي من طرمبة الميه كان مشقوق بيسرب ميه صلحته ودلوقتي مبتنقص جامد

[sss2000]

متشكرين اخواني علي الرد وكل سنة وانتو طيبين

[emad2002]

عايز اعرفكم حاجه مهمه جدا بالنسبه لصباع الحرارة مش ممكن يكون بايظ ولكن اللى بيحصل انه فى حاله تلف وش السلندر من جهه لا يعلمها الا الله
ممكن صباع الحراره يدخله هوا ويقراء غلط لكن لو عربيتك سليمه جدا وفصلت المروحه تاكد ان صباع الحرارة الاصلى حيرتفع وانا اتحدى اى حد عربيته تكون سليمه ومركب صباع الحرارة الاصلى انا يخرف معه
واحب اعرف جميع الاصدقاء انا وش السلندر له مائه عرض مش وللاسف الموضوع ده مش مكلف ممكن لو العربيه لو مش ماشيه معاك زى الكتاب ما بيقول اعمل جوان وش سلندر كويس والمووضوع مش حيكلف 100 جنية على فكرة جوان وش السلندر ب15 جم والمصنعية بالكتير اوى حتكون كام نهار ما يكون الميكانيكى جزار حياخد 70جم بس حتطمن على العربية كلها وتبقى عارف تاريخها معاك بدل ما تقعد تخمن
اما بالنسبه لموضوع الامبيرتاكد وانه على تجربه صعب انه يعطل وجرب الكلام ده من خلال تجربه انك تفتح الكنتاكنت وتفتح مكان الكوعه بتاعت الترموستات وتوضع عليها مياع بتغلى واى خدمة

[sss2000]

شكرا علي المعلومة يا باشا

[hani_elashry]

شكرا علي المعلومة يا باشا

[anwarnono]

السلام عليكم ورحمه الله وبركاته
بص يا اخى انا عانيت مرارا وتكرارا من نفس الشئ من 4 شهور، وشوف الويل من نقص المياة،كان كل مرة الاقى كاوتشه بتسرب مياة او مقطوعه من الجنب فى ثلاث كاوتشات بس مش 3 مرة واحدة على فترات متقاربه،ورحت للميكانيكى اكتشف برده شقوق فى كاوتشات اخرى فقالى احسن حاجه تغير كل كاوتشات المياة وبالفعل غيرتهم كلهم ،وفى واحد جمب الجامعه الامريكيه فى التحرير مشهور جدا اسمه الخواجة بيبيع كاوتشات ايطالى ممتازة واسعارة حلوه او من اى حد بيبيع قطع غيارها بس اهم حاجة اوعى تجيب المصرى وكلفونى كلهم بالكتير 100ج وغيرت غطاء الرداتير وجبته الانجليزى فوق الممتاز،،ومن اسبوع فقط اكتشفت ان السيارة كل يوم بتنقص بمعدل كوب مياة كبير وده كان راجع ان طرمبه المياة بايظه وغيرتها ودلوقتى زى الفل...لو عاوز تعرف اى حاجة عن نقص المياة اسئل علشان انا عانييييييييت.وربنا معاك

[aymoonoo]

طيب انا يا جماعه مش بشيك على مياه الرادياتير كتير يعني ممكن تقول فالشهر او اكتر مره او ممكن اكتر من شهر ولما اشيك عليه بلاقيه ناقص هوا الواحد المفروض يشيك عليه كل قد ايه وايمتا بيكون الوضع غريب انه الميه بتنقص بسرعه كل قد ايه ؟

[anwarnono]

أنا حاليا مغير طرمبه المياة من 25 يوم ومن ساعتها المياة مستواها زى ماهى وانا حاطط مياة خضراء بتاعة موبيل(زى الفل)لان المياة العاديه بتتبخر اسرع من الخضراء.والمهم انك لما بتشوف المياة نقصه بيبقا المقدار اد ايه.والمفروض تتاكد كل يوم الصبح قبل ماتخرج علشان تعرف بتنقص كل يوم اد ايه....واكيد فى حاجة مش مظبوطة عندك.

[ibnmoaz]

لو العربيه فيها ثيرمستات الكوعه سليم وشغال كويس ومفيش تسريب من الغطا بتاع الريدياتيرسيب الميه زي ماهي و زود القربه بس لحد العلامه.الميه في الحاله دي بتبقي داخل الموتور مرحتش عند الردياتير(ثيرموستات الكوعه قافل). افتح الغطا ودور العربيه وشوف لما المروحه تشتغل(ثيرموستات الكوعه فتح)الميه هتطوف من الغطا.كده يبقي كله تمام
اما لو معندكش ثيرموستات كوعه لازم تراجع دوره الميه عند بتاع ريديتيرات

[kar!m]

أنا العربيه معايا من أكتر من سنه عمرى ما زودت ميه....من يوم ما جبتها و هى مستواها ثابت.