تقييم صيانة 5000 سوزوكي إرتيجا - الإسكندرية

[Khalid_Mostafa]

الحمد لله تم عمل صيانة الـ 5000 بسلاسة .التقييم للوكيل حتي الأن فوق الممتاز و إليكم التفاصيل :

- تم الحجز علي الرقم المختصر قبلها بـ 5 ايام و اعطاني ميعاد اليوم الساعة 9:30 صباحاً .
- قبلها بيوم وصلتني رسالة علي الموبايل تؤكد تاريخ و ميعاد الصيانة

- كنت هناك قبل الموعد في المقر الجديد في إسكندرية (خلف جامعة فاروس - سموحه) وهو اصلاً كان مركز صيانة هيونداي و لكنهم تركوه بعد إنتقالهم للصحراوي

- اخد العربية الساعة 9:30 بالبضبط و ابلغني ان الصيانة حتستغرق ساعة و نصف واخذ كل ملاحظاتي
- مكان غلإنتظار نظيف و مريح (مش 5 نجوم لاكن مناسب)

- بعد ساعة و نصف بالضبط تم تسليمي السيارة بعد عمل المطلوب بالإضافة لحاجات تانيه مقلتش عليها اصلاً تم عمله برضه (صوت تزييق ناتج عن إن شنطة العربية مش مضبوطة نتيجة خبطة خفيفة وكنت متخيل ان كراكيب العيال في الشنطه هي الي متسببه في الصوت ده) + غسيل السيارة

- عند الدفع ابلغني بأنهم عاملين تخفيض حتي 9 مارس علي المصنعيات و قطع الغيار و الفلتر مجاناً

- يلاحظ تطبيق ضريبة القيمة المضافة (13%) بدلاً من ضريبة المبيعات

إجمالاً الوكيل محترم و ملتزم في موعده و العاملين محترفين و بيعاملوا الزبائن معاملة جيدة

20170225_220207.jpg

[astra]

ممكن اعرف انطباعك عن العربية الان كحالة وقطع غيار وسعرها مستعملة او جديدة

[moaaazmh]

ممكن انطباعك عن السيارة حتي الان
وممكن جدول الصيانات بالأسعار وشكرا جزيلا