مستخدم جديد لسوزوكي ماروتي

[Waelelsheikh81]

السادة الأعضاء المحترمين
احب اشكر جميع القائمين علي المنتدي وجميع الأعضاء علي الكم الهائل من المعلومات المفيدة واللي افادتني انا شخصيا
واتمني تفيدوني وتنصحوني اعمل ايه النهاردة اشتريت اول عربية ليا وهي سوزوكي ماروتي 2009

[salam100100]

مبروك الف مبروك

اولا
* تغيير زيت محرك وفيلتر

ثانيا: تغير احتياط
* فيلتر هواء
* بوجيهات- وممكن اسلاك بوجيهات
* فيلتر بنزين
* ابلاتين وكوندينسر
* تاكيد على مستوى زيت الفتيس
* تاكيد على مستوى مياه التبريد- ممكن تتغير

واخيرا:
حاله الكاوتش والعفشه

نصيحه هات قطع الغيار الاصلى هندى او يبانى
ابلاتين وكوندينسر اصلى

طبعا انا مش عارف العربيه حالتها ايه او ماشيه اد ايه او ايه الصيانات اللى اتعملت
انا بتكلم فالعموم

نصيحه تانيه الميكانيكيه قليل قوى لما تلاقى حد امين- خلى بالك
الماروتى كل حاجتها موجوده فالتوفيقيه- قصاد سنترال رمسيس- سوزوكى سينتر وكزا محل تانى
فى قطع غيار مستعمله وزيرو عند موقف احمد حلمى
كمان فى فشبرا- روض الفرج امام سور معهد الدمبوسكو الايطالى
دى الاماكن الموثوق فيها