Tweet
فيه مشكلة المفروض إنها بسيطة لما بتحصل اكتشفت للأسف مدى صعوبة تشخيصها. و معرفش يشخصها غير التوكيل!
طلمبة البنزين لما بتبوظ فى الغالب مش بتتسد لأ العكس بتدلق بنزين زيادة عن اللزوم. ده بيعمل ما يلى:
- الموتور بيقف و انت ماشى على غيار عالى أو لو مورت من سرعة عالية فى منزل كوبرى مثلا. السبب: بنزين كتير مش سايب مكان للهوا فى السيلندر فبيمنع الحرق و يوقف الموتور.
- نتش جامد و رجرجة طول الوقت على جميع الغيارات. نفس السبب بس المرة دى لأن البنزين اللى مبيتحرقش كويس بيعمل هباب كربون يغرق البوجيهات و يخلى الحرق انفجارى و زى معادلة الدرجة التانية أو فوائد القرض بيضاعف المشكلة.
- لو شلت العمة تكشف عالكاربيراتير حتلاقى الدنيا مزروطة زيت. ده بسبب ان البنزين بيطرطش فى كل حتة و يغرق الموتور من تحت الكبوت و بيسيح الشحم فى كل حتة و بالتالى بيتهيئلك إنه زيت!
- الكاربيراتير بيتخنق و يتهبب لنفس الأسباب. كل العناصر بتتراكم على بعضها
- أجعص ميكانيكى حيقولك نضف كاربيراتير و غير بوجيهات. حتعمل كده و حيرجعوا أسوأ من الأول فى أقل من يوم
يرجى الحذر
طلمبة البنزين لما بتبوظ فى الغالب مش بتتسد لأ العكس بتدلق بنزين زيادة عن اللزوم. ده بيعمل ما يلى:
- الموتور بيقف و انت ماشى على غيار عالى أو لو مورت من سرعة عالية فى منزل كوبرى مثلا. السبب: بنزين كتير مش سايب مكان للهوا فى السيلندر فبيمنع الحرق و يوقف الموتور.
- نتش جامد و رجرجة طول الوقت على جميع الغيارات. نفس السبب بس المرة دى لأن البنزين اللى مبيتحرقش كويس بيعمل هباب كربون يغرق البوجيهات و يخلى الحرق انفجارى و زى معادلة الدرجة التانية أو فوائد القرض بيضاعف المشكلة.
- لو شلت العمة تكشف عالكاربيراتير حتلاقى الدنيا مزروطة زيت. ده بسبب ان البنزين بيطرطش فى كل حتة و يغرق الموتور من تحت الكبوت و بيسيح الشحم فى كل حتة و بالتالى بيتهيئلك إنه زيت!
- الكاربيراتير بيتخنق و يتهبب لنفس الأسباب. كل العناصر بتتراكم على بعضها
- أجعص ميكانيكى حيقولك نضف كاربيراتير و غير بوجيهات. حتعمل كده و حيرجعوا أسوأ من الأول فى أقل من يوم
يرجى الحذر