الرعشة فى الماروتى !!

[Ahmed Hamdy]

أنا عندى ماروتى 94 ..
بحس فيها برعشة مستمرة وهى ممورة ..
صلحت الكاربراتير عند واحد بتاع كاربتيرات وطقم كهربا جديد وتوقعت انها تبقى كويسة بعد كده .. اتحسنت بس برضه لسه فيها الرعشة ..
هل الرعشة دى طبيعية فى الماروتى عشان 3 سلندر ولا لو غيرت الكاربرايتر بواحد جديد حتبقى كويسة ؟؟

[meeezo333eg]

الرعشة مالهاش دعوة بموضوع 3 سلندر
هى اساسى بتكون من الكاربراتير و ممكن تبقى من الكهربا بس مش اساسى

هو حضرتك عملت اكس و باب للكاربراتير ولا نضفته و خلاص؟؟؟

[sab3aawy]

هى موجودة عندى بس انا مطنش عليها لأنى مش شايف منها مشكلة، بس عموما دى رعشة مسمار هواء(معرفش فيه مسمار هواء فى كاربراتير الماروتى وللا لأ لأنى متعمقتش فيه لسة) ، لو فيها مسمار هواء غالبا هيظبط الرعشة دى

[l0new0lf]

فيها مسمار هواء تلاقيه لو بصيت على الكربراتير من الخلف

[Ahmed Hamdy]

طيب العربية عندى كانت عند ميكانيكى ظبطها وعمل فيها شغل كتير (طقم شنبر وصباب وجوان للموتور) وشوية حاجات كمان .. وقالى الكاربراتير عايز يتصلح .. وخدها وداها لواحد بتاع كاربراتير المفروض انه صلحه .. انا كنت متوقع ان الرعشة تختفى أو تبقى قليلة جدا بعد الكلام ده .. لكنها لسه موجودة .. هل الميكانيكى مش عارف يظبطها ولا الكاربراتير متصلحش كويس ولا التصليح مبقاش نافع فيه والحل انى أجيب واحد جديد ؟؟

(على فكرة يا باشمهندس سبعاوى أنا عملت نصيحتك وصلحت الموتور عشان مشكلة الدوراة لانه كان بيجيب زيت والحمد لله المشكلة اتحلت - شكرا ليك جدا - الكلام ده بقاله يومين ويارب تفضل كده ان شاء الله)

[sab3aawy]

طيب العربية عندى كانت عند ميكانيكى ظبطها وعمل فيها شغل كتير (طقم شنبر وصباب وجوان للموتور) وشوية حاجات كمان .. وقالى الكاربراتير عايز يتصلح .. وخدها وداها لواحد بتاع كاربراتير المفروض انه صلحه .. انا كنت متوقع ان الرعشة تختفى أو تبقى قليلة جدا بعد الكلام ده .. لكنها لسه موجودة .. هل الميكانيكى مش عارف يظبطها ولا الكاربراتير متصلحش كويس ولا التصليح مبقاش نافع فيه والحل انى أجيب واحد جديد ؟؟

(على فكرة يا باشمهندس سبعاوى أنا عملت نصيحتك وصلحت الموتور عشان مشكلة الدوراة لانه كان بيجيب زيت والحمد لله المشكلة اتحلت - شكرا ليك جدا - الكلام ده بقاله يومين ويارب تفضل كده ان شاء الله)

الحمد لله ان العربية اتصلحت واتظبطت وبقت بتدور بسهولة، اقترح عليك زيارة لورشة تاكيهات الأول وظبط التاكيهات، وبعد كدة زيارة لورشة الكاربراتير وقول له يضبط لك السلانسيه، بس افضل انك تروح بنفسك علشان تستلم العربية على الوضع اللى يريحك وانت واقف

[Ghamrawy]

رعشة و لا رجة فى الموتور كله ؟؟ لو رجة يبقى بص على قواعد الموتور

[Ahmed Hamdy]

لا يا باشا .. رعشة ..
قواعد الموتور كانت مكسورة فعلا وغيرتها مع الشغل الأخير فى العربية .. مكملش أسبوع .. !!

[Ghamrawy]

بص يا باشا هى المواتير ال 3 سلندر كده بيرعش بس لو العربية جديدة بتبقى الرعشة دى مش محسوسة و بتزيد مع تقدم عمر العربية عموما حاول ترفع الموتور سنة بسيطة و ان كان ده حايسخن العربية شوية و حايزود الدوشة

[Ahmed Hamdy]

عم Gemino .. شكرا على الاهتمام ..
بس يعنى ايه أرفع الماتور شوية .. ؟؟

[tamercc84]

الاخ gemino
احنا متفقين ان الاستعمال لفتره بيفرق مع الموتور (اى موتور) فى حاجات كتير بس متوصلش ان العربيه ترعش
لكن الفكره هنا ان التلاته سلندر مالهاش دعوه بالرعشه عشان كل مكنه و ليها ظبطتها بس الميكانيكى اللى بيفهم هو اللى بيفرق
اما الاخ احمد حمدى
انا عاوزك تتاكد بس الاول ان ال3 سلندرات شغالين عشان لو فيه واحد مش شغال لاى سبب هتحس برعشه كأنك راكب كارو
و بعد كده هنعمل استبعاد بمعنى بما انك صلحت الكربراتير و مبقاش فيه الا انك تغيره هنبص على الكهربه هنديها سنه زياده مع ظبط الهوا من المسمار ورا و انت واقف عشان انت اللى بتركب و انت اللى هتحكم على الظبطه مش اللى بيشتغل فى العربيه
بعد كده لو اتظبطت يبقى تمام لو مش كده اطلع عند واحد تانى بتاع كربراتير و خليه يشوف المشكله و لو قال كهربه قول انا لسه ظابطها و العيب متصلحش و لو عرف يصلحه كان بها و لو معرفش اتوكل على الله وغيره بس بعد اخذ راى اكتر من واحد
وربنا يسترها