هاستلم خلاص ماروتى 2007

[eng/muhamad]

ايه هى شروط التقسيط عند المعرض ده لو سمحت

[خالد]

بالنسبة لموضوع التكييف مش متأكد منه ، ولكن أنا كل العربيات اللى شفتها كانت من غير تكييف ،وفى المعرض ماجبش سيرة عنه
ومسألش عايزها بالتكييف ولا لأ ، فأعتقد أن كلام الأستاذ معاذ هوة اللى أقرب للدقة
وبالنسبة لشروط التقسيط
المعرض زى ماقلت كان " المحمل " ، فيه فروع له 2 فى ميدان الحجاز ، 1 فى نهاية شارع الطيران
فيه أنظمة تقسيط كتيرة على حسب الحالة
أولاً أنسى خااااااااااااااالص اللى مكتوب فى أعلانات الجرايد عند كل المعارض
النظام الأول بضمان الوظيفة ويشترط فيها خطاب بمفردات المرتب ، ويكون المرتب 3 أضعاف القسط اللى هاتدفعه ، الفايدة السنوية على الأقساط تقريباً 9 % ( وخلى بالك المعرض ده بيتعامل مع كذا بنك ، ونسبة الفوايد بتختلف من بنك لاخر)
ممكن نظام تقسيط تانى بضمان البطاقة الشخصية فقط وإيصال كهرباء أو غاز ، ودى لازم تدفع مقدم 40 % على الأقل من تمن العربية والباقى أقساط زى ماتحب من سنه لغاية 5 سنين ، والفايدة هنا بتعلى قوى بتكون بين 11- 12.5%
ممكن نظام تقسيط تالت بضمان وديعة فى البنك بقيمة العربية
على فكرة فى أماكن تانية بتتعامل مع البنك العربى الأفريقى بنفس شروط التقسيط والضمانات ولكن الفايدة 8% بس ،
وياسلام لو تتعامل مع بنك ناصر الأجتماعى الفايدة 6 % بس ، ولكن بعض التعقيدات الحكومية زى لازم ضامن موظف حكومة ، ومرتبك انت يتحول للبنك
بس خلو بالكم ياجماعة من موضوع التقسيط ده لأنه متعب شوية وكل الضمانات فى أيد البنك ومش فى أيدك أنت حاجة خالص
مثلاً بتمضى على شيكات للبنك بقيمة الأقساط ومبتخدهاش لما تسدد القسط شهر بشهر ، بتخدهم كلهم مرة واحدة فى نهاية السداد !
ثانياً بتعمل توكيل للبنك بحرية التصرف والبيع للسيارة وقبض التمن وإستخراج الرخصة واللوحات المعدنية والتجديد للترخيص ، والتوكيل لايلغى ألا بموافقة البنك ، يعنى لفيت الحبل حولين رقبتك وفى أيديهم همة التحكم الكامل ، يعنى ممكن لاقدر الله حصل حاجة وسددت كل الأقساط ممكن البنك يساومك مثلاً على التوكيل اللى أنت عامله ومفوضه فيه بالتصرف الكامل فى العربية ومتقدرش تلغى التوكيل ده وأنت اللى عامله بأيدك ليهم
طبعاً كل الحاجات دى ماظهرتش ألا بعد ماأستلمت العربية ودفعت المقدم ، ومفيش معاك ورق للعربية غير إيصال أستلام بس ومستنى رحمتهم علشان الترخيص !

[Islam_galal]

ألف مبروك و ربنا يكفيك شرها و يقدرك علي قسطها
و زي ما قال نادر
* نصيحة خلي حد يلين لك العربية قبل ما تتعلم فيها.
أهم حـــــــــــــــــــــــــــــــــــاجه

[عمرو السعدنى]

بالنسبة لموضوع التكييف مش متأكد منه ، ولكن أنا كل العربيات اللى شفتها كانت من غير تكييف ،وفى المعرض ماجبش سيرة عنه
ومسألش عايزها بالتكييف ولا لأ ، فأعتقد أن كلام الأستاذ معاذ هوة اللى أقرب للدقة
وبالنسبة لشروط التقسيط
المعرض زى ماقلت كان " المحمل " ، فيه فروع له 2 فى ميدان الحجاز ، 1 فى نهاية شارع الطيران
فيه أنظمة تقسيط كتيرة على حسب الحالة
أولاً أنسى خااااااااااااااالص اللى مكتوب فى أعلانات الجرايد عند كل المعارض
النظام الأول بضمان الوظيفة ويشترط فيها خطاب بمفردات المرتب ، ويكون المرتب 3 أضعاف القسط اللى هاتدفعه ، الفايدة السنوية على الأقساط تقريباً 9 % ( وخلى بالك المعرض ده بيتعامل مع كذا بنك ، ونسبة الفوايد بتختلف من بنك لاخر)
ممكن نظام تقسيط تانى بضمان البطاقة الشخصية فقط وإيصال كهرباء أو غاز ، ودى لازم تدفع مقدم 40 % على الأقل من تمن العربية والباقى أقساط زى ماتحب من سنه لغاية 5 سنين ، والفايدة هنا بتعلى قوى بتكون بين 11- 12.5%
ممكن نظام تقسيط تالت بضمان وديعة فى البنك بقيمة العربية
على فكرة فى أماكن تانية بتتعامل مع البنك العربى الأفريقى بنفس شروط التقسيط والضمانات ولكن الفايدة 8% بس ،
وياسلام لو تتعامل مع بنك ناصر الأجتماعى الفايدة 6 % بس ، ولكن بعض التعقيدات الحكومية زى لازم ضامن موظف حكومة ، ومرتبك انت يتحول للبنك
بس خلو بالكم ياجماعة من موضوع التقسيط ده لأنه متعب شوية وكل الضمانات فى أيد البنك ومش فى أيدك أنت حاجة خالص
مثلاً بتمضى على شيكات للبنك بقيمة الأقساط ومبتخدهاش لما تسدد القسط شهر بشهر ، بتخدهم كلهم مرة واحدة فى نهاية السداد !
ثانياً بتعمل توكيل للبنك بحرية التصرف والبيع للسيارة وقبض التمن وإستخراج الرخصة واللوحات المعدنية والتجديد للترخيص ، والتوكيل لايلغى ألا بموافقة البنك ، يعنى لفيت الحبل حولين رقبتك وفى أيديهم همة التحكم الكامل ، يعنى ممكن لاقدر الله حصل حاجة وسددت كل الأقساط ممكن البنك يساومك مثلاً على التوكيل اللى أنت عامله ومفوضه فيه بالتصرف الكامل فى العربية ومتقدرش تلغى التوكيل ده وأنت اللى عامله بأيدك ليهم
طبعاً كل الحاجات دى ماظهرتش ألا بعد ماأستلمت العربية ودفعت المقدم ، ومفيش معاك ورق للعربية غير إيصال أستلام بس ومستنى رحمتهم علشان الترخيص !

أخى خالد

بالنسبه لاجراءات التقسيط

هل فيه اى رسوم تانيه البنك بياخدها غير المقدم ؟؟

ولا بتدفع المقدم و خلاص ؟

و شكرا مقدما على الرد

[عمرو السعدنى]

وياريت كمان رأيك فى العربيه مميزاتها وعيوبها بعد ما جربتها على الطبيعه؟؟؟

[GoldenManEye]

يعنى ممكن لاقدر الله حصل حاجة وسددت كل الأقساط ممكن البنك يساومك مثلاً على التوكيل اللى أنت عامله ومفوضه فيه بالتصرف الكامل فى العربية ومتقدرش تلغى التوكيل ده وأنت اللى عامله بأيدك ليهم
طبعاً كل الحاجات دى ماظهرتش ألا بعد ماأستلمت العربية ودفعت المقدم ، ومفيش معاك ورق للعربية غير إيصال أستلام بس ومستنى رحمتهم علشان الترخيص !

يا عم متخفش كده ده بنك مش مكتب تحت بير السلم :) كل اللى يهمه إنك تدفع الأقساط بإنتظام والناس كلها بتشترى بالنظام ده من غير مشاكل.

ربنا يباركلك فيها ويكفيك شرها

[خالد]

الحمد لله العربية زى الفل وجميلة جداً
بس فيه حاجة مضايقانى جداً ، لما اجى أغير على الثالت بالذات بيكون تقيل شوية
وممكن مايجيش معايا من أول مرة ، هل أنا اللى مبنقلش صح ولا ده عيب ولا نكشف على زيت الفتيس؟
بالنسبة لموضوع الرسوم الإدارية للبنك فهيه بتختلف من بنك للتانى وبالنسبة لبنك " كريدى أجريكول " كانت 285 ج
( 245 ج رسوم إدارية + 3 ج عن كل شيك بتمضيه + دمغات )
ولكن نصيحة شوف بنك تانى أحسن من البنك ده تتعامل معاه ، لأن معامعتهم مش كويسة سواء فى الإدارة بتاعة البنك أو فى الفروع اللى بتروح تسدد فيها الأقساط ، كلهم غير مهذبين ، وماتحسش معاهم بالصدق فى الكلام أبداً ، على سبيل المثال :
كان هناك عرض هدايا على قروض السيارات المنفذة فى شهر أغسطس 2007 عبارة عن كوبون بــ 200ج مشتريات من المحلات المعروفة ، وحتى الان مشفناش حاجة ، وصرفت نص قيمة الكوبون على الموبيل مكالمات ليهم للأستفسار عن الكوبون ولكن الغلاسة بتاعة بعض الموظفين المصريين فى كل حتة ويتوهووك، اللى تقولك ماعرفش عن الموضوع ده حاجة ، والتانية مش عندى الموضوع ده ( وهية تبع المبيعات !) أمال عند مين ياستى؟ ماعرفش ماعرفش ، وطلع عليها عفريت أسمه ماعرفش - قالتها حوالى 5 - 6 مرات ورا بعض ، والتالت يخليك تتصل بخدمة العملاء على الفاضى ، وفى النهاية بعد مشوارين لإدارة البنك ، الموظفة المسئولة قالت أحنا لسه مابعتناش لحد أصلاً ، وإن شاء هانبعتهم على البيت فى البريد ، وموت ياحمار ، طبعاً ممكن الكوبونات تكون بتتاخد عن طريق الموظفنفسه المسئول ، سرقة يعنى وشوف كام 200 ج ياخدهم ! وحسبى الله ونعم الوكيل فى الناس ديه

[خالد]

الحمد لله العربية زى الفل وجميلة جداً
بس فيه حاجة مضايقانى جداً ، لما اجى أغير على الثالت بالذات بيكون تقيل شوية
وممكن مايجيش معايا من أول مرة ، هل أنا اللى مبنقلش صح ولا ده عيب ولا نكشف على زيت الفتيس؟
بالنسبة لموضوع الرسوم الإدارية للبنك فهيه بتختلف من بنك للتانى وبالنسبة لبنك " كريدى أجريكول " كانت 285 ج
( 245 ج رسوم إدارية + 3 ج عن كل شيك بتمضيه + دمغات )
ولكن نصيحة شوف بنك تانى أحسن من البنك ده تتعامل معاه ، لأن معامعتهم مش كويسة سواء فى الإدارة بتاعة البنك أو فى الفروع اللى بتروح تسدد فيها الأقساط ، كلهم غير مهذبين ، وماتحسش معاهم بالصدق فى الكلام أبداً ، على سبيل المثال :
كان هناك عرض هدايا على قروض السيارات المنفذة فى شهر أغسطس 2007 عبارة عن كوبون بــ 200ج مشتريات من المحلات المعروفة ، وحتى الان مشفناش حاجة ، وصرفت نص قيمة الكوبون على الموبيل مكالمات ليهم للأستفسار عن الكوبون ولكن الغلاسة بتاعة بعض الموظفين المصريين فى كل حتة ويتوهووك، اللى تقولك ماعرفش عن الموضوع ده حاجة ، والتانية مش عندى الموضوع ده ( وهية تبع المبيعات !) أمال عند مين ياستى؟ ماعرفش ماعرفش ، وطلع عليها عفريت أسمه ماعرفش - قالتها حوالى 5 - 6 مرات ورا بعض ، والتالت يخليك تتصل بخدمة العملاء على الفاضى ، وفى النهاية بعد مشوارين لإدارة البنك ، الموظفة المسئولة قالت أحنا لسه مابعتناش لحد أصلاً ، وإن شاء هانبعتهم على البيت فى البريد ، وموت ياحمار ، طبعاً ممكن الكوبونات تكون بتتاخد عن طريق الموظفنفسه المسئول ، سرقة يعنى وشوف كام 200 ج ياخدهم ! وحسبى الله ونعم الوكيل فى الناس ديه

[perri]

الف مبروك عالعربية ولو انها متأخرة شويتين

على فكرة انا عندي نفس المشكلة في الغيار للتالت و عموما الفتيس سخيف في النقل و تمييز وضع المور صعب شوية...الدركسيون عندي كمان تقيل بيطلع عيني و عشان اكسر بيه كله و ارجع تاني بيكون الشارع كله ورايا وقف!!انا صحيح ايدي ضعيفة شوية انما كمان هو اتقل دريكسيون انا قعدت عليه

[خالد]

ألف مبروك ليكى على العربية وربنا يديكى خيرها ويكفيكى شرها
معلش يمكن صعوبة الفتيس والدركسيون تكون فى الأول بس ولكن بعد كدة بتبقى كويسة
وعامة هية عربية ممتازة ولكنها خشنة شوية

[paladin]

the best car for egypt