ماهي مميزات و عيوب السوزوكي سويفت

[Ahmada]

السلام عليكم و رحمة الله

الى خبراء السوزوكي سويفت
انا معايا فيات 128 و عايز ابدلها بعربية و نصحوني كتير بالسوزوكي
يا ريت اعرف ميزاتها و عيوبها

و شكرا ...
:10D5C8~1107:

[A.samy]

عربية ممتازة عيوبها العفشة بتحتاج صيانة ومتابعة بتعوم على السرعات العالية البرومة بتمسك فى السقف بتعها السقف غير معالج ضد الصداء الصاج خفيف
مميزتها المتور ممتاز وصيانتة سهلة قطع غيارها رخيصة اعادة البيع ممتازة العربية ناعمة الدركسيون رغم انة مش بور بس خفيف جدا الوسع الداخلى للصالون ممتاز على الرغم انه من برة يبان صغير

[Viper911]

بالنسبة للأخ astsaae
فيه نقطة بسيطة بس أن العربية مش بتعوم ولا حاجة ... كل ما في الأمر ان العربية دايما ملاحظ ان بيركبلها كاوتشات أكبر من المصنوعة بيه .. يعني دايما بلاحظ انها بيركبلها (70 / 175 / 13) و(80 / 155 / 13) و حاجات زي كده مع ان الكاوتش الأصلي بتعها (70 / 155 /13) و ده طبعا بيأثر على ثبات العربية عشان بتعلى عن الأرض و كمان بيأثر على قراية العداد و بدل ما تكون ماشي على 100 في العداد بيكون في الحقيقة 110 ... و الكلام ده عن تجربة .......
يا راجل أنا على الطريق الساحلي الدولي بجيب بيها 150 و لا بحس بعوم ولا حاجة خالص و ثابتة قوي بس أنا ظابط مقاس الكاوتش و العفشة لازم تكون كويسة ..... و غير كده و كده أنا باخد بيها غرز على البحر ديه لوحدها كفاية ان العربية تبان ثابته و لا لأ ....

[ahmed azab]

فعلا موضوع الكاوتش في العربية دي مهم جدا حسيت كده بعد الجنوط وكاوتش 13/185/65 ثبات كويس جدا ونفس علو العربية

[nav man]

Ana bardo markblah 175/70/13 wa kawysa awe wa msh bt3awm maya zay ma baykolo.aw7sh 7aga mawdo3 el barom lazm tatba3ha daymn.3arbya 7alw awe.

[nav man]

Pls msh 3awzen fatwa gar mn ele ma3ah el 3arbya or kant ma3h 3alshan el nas ta3rfa el 3arbya sa7.

[kliken]

انا كانت معايا زمان و بعتها من حوالى 6 سنين هى عربيه موتور بتاعها ممتاز بس هى خفيفه و بتعوم على السرعات فعلا رغم انى كنت حاطط جنوط و كاوتش عريض 205 بس كانت بتعوم فوق 120 بس هى عربيه كويسه و عمليه

[nav man]

Amla leh hay msh bta3om ma3ya wa bakon 3ala 130 wa 140 wa maska nafsha.bas kater 3aleh awe 205 talake el 3agla tal3a mn el body

[kliken]

مش طالع اوى هو على اخر الرفرف بس لما كنت بركب ورا اتنين تقال كان الرفرف بيحك فى الكوتش

[hani_elashry]

السلام عليكم و رحمه الله و بركاته انا معايا نفس العربيه و فرق كبير بينها و بين ال 128 و ثابته و بس انا مبزودش عن ال 100

[a_aboelseoud]

هو ليه الكل بيتكلم عن ان السويفت بتعوم بعد ال120 او لا !!
اولا دى عربية مش مركب.
ثانيا هو لو كل واحد حسب هو بيعدى ال100امتى مش هيلاقى اللحظة السعيده دى بتزيد عن 10% من اجمالى وقت القياده خصوصا الصبح حتى على الطرق السريعة.
3-بخلاف العوم و المياه اللى بنتكلم عنهم فيه حاجات تانيه حلوه جدا فى السويفت و خصوصا الهاتش باك لانى معايا العربية دى و هى :
اقتصاديه فى البنزين جدا- قطع غيار ببلاش -صالون واسع جدا لدرجة ان اكتر من واحد لما بيقعد ورا سالنى انا ليه مطلع الكراسى الاماميه لقدام رغم انى مش مطلعها و لا يحزنون-يابانى -مكيفة-موتور قوى رغم انه 1000 بس -أى ميكانيكى يقدر يصلحها لو عطلت لا قدر الله فى اى مكان -فيه منها اوتوماتيك كتير جدا و دى حاجة انا مكنتش مصدقها لحد ما شفتها بعينى

[mnp]

احبائى منورين المنتدى واسال الله ان ينفع بكم جميعا وااستاذنكم فى بعض الاسئله لو سمحتم اولا: انا اشتريت سوزوكى سويفت موديل94 والمفترض على حد علمى انه بها تكييف وسنتر طبعا مافيها غير تكييف مروحه وانا الاركبتلها سنتر مع انى صديق لى قالى ان مويل94 او93 بتبقى نزله بالتكييف والسنتر ارجوا الافادة
ثانيا : بالنسبه للمساعدين الامامى انا لسه مغيرة بواحد kyp وسعر 520 جديد طبعا فهل سعرة مناسب ولا اقل من كدة
ثالثا: العربيه لما بحمل فيها اشخاص اثنين او ثلاثه بتهبط جامد وبتحك من تحت فهل هذى الحكه تعيب السيارة وماذا افعل لانى بسب هذة الحكه غيرة مساعدين امامى وخلفى والعيب لسه موجود واسف على الاطاله افيدونى جزاكم الله خيرا

[ahmadbebo]

walahy el3arabaya deh gamda gedan ana sa7ab warash kebera awe fe el 7arafeeen ana barkab 3arabayaat keter mastraya7tesh ela fehaaaaaaaa

[sss2000]

عليك وعلي تغيير السوست باخري من نوع انشف زي الادا او المرسيدس
في زميل في المنتدي عمل كدة والعربية مبتهبطش معا اقرا هذا الموضوع
لان المشكلة بتكون سوست وتاكد ايضا ان هناك صدادات في المساعدين الخلفي لان دول بيمنعوا المساعد ينزل للاخر عند الحمل وبعدين في ميكانيكي كويس في المطرية اسمة خالد عند سنترال المطرية وهوا شغال في توكيل سوزوكي وامين جدا وممتاز انا شخصيا جربتة وربنا يوفقك

[aymoonoo]

بنسبه لللأسعار 500 المساعدين انا كنت شريتهم من تقريبا 3 شهور وانا لما شريت العربيه فيها سنتر وكيفه وانا الي مايه 93 ياباني بس المصيبه العفشه بتخبط قوي وانا من النوع الي مش بهدي على الحفر وكدهز