الدبرياج تقيل .. !!

[Ahmed Hamdy]

سلام عليكم يا جماعة ..
أنا كنت سألتكوا قبل كده عن موضوع السفر بالماروتى ..
وشكر جدا على الردود الجميلة ..
أنا غيرت تيل فرامل خلفى (كان متاكل) والفرامل الحمد لله بقت كويسة ..

عندى سؤال كمان معلش ..
أنا كنت حاسس انى الدبرياج تقيل .. غيرت سلك دبرياج .. بس لسه حاسس برضه انه تقيل ..
أكتر من ميكانيكى قالى لأ كده عادى ...
بس مش عارف لازم أدوس عليه جامد وفى الزحمة رجلى بتوجعنى جامد من كتر الدوس عليه ..
وكمان لانى بحس انه مش تقيل كده فى عربية أخويا (بروتون ويرا) ..

ممكن يكون فى سبب تانى ولا كده طبيعى .. ؟؟

شكرا

[أبو عبدالله]

هيا عموما الماروتي تقيله في كل حاجه وأظن ان ده طبيعي فيها

[hazem_khidr]

وكمان لانى بحس انه مش تقيل كده فى عربية أخويا (بروتون ويرا) ..

كل عربيه ليها نظام.لكن لو انت حاسس ان عربيتك فعلا مختلفه عن الاول يبقي اكشف علي الدبرياج ممكن الاسطوانه تكون تعبت

[ابوحميد]

فعلا زى ما قال ا/حازم كل عربية ليها نظام
معايا تيروس و واللادا لسه موجودة
لما بركب اللادا بحس ان الدبرياج بايظ عشان تقيل
ولما كانت التريوس جديدة كنت فاكر ان الدبرياج بايظ عشان خفيف اوى
شوف انت عربيتك وهى جديدة كانت ايه؟

[Colin Chapman]

وداعا لمشاكل الدبرياج التقيل فى اشارات المرور الطويلة !!

الحل موجود فى الرابط ولاءى عربية مهما كانت ماركتها ومهما كانت عالزيرو او قديمة
لكن مفيش حد فى مصر بيفكر فيه مع الاسف الشديد
!!!!

دليل السيارات المعدلة التلقائي الفاصل كيت acs ل يفينا/تيدا كاشكاي مشمس nv200 في Appropriate models, purchases indic ate the specific model, year&n bsp;andengin
[url=http://ar.aliexpress.com/item/Automotive-manual-modified-automatic-clutch-Kit-ACS-for-LIVINA-Tiida-SYLPHY-Qashqai-sunny-NV200/32483356869.html]دليل السيارات المعدلة التلقائي الفاصل كيت acs ل يفينا/تيدا كاشكاي مشمس nv200 في المناسبة نماذج, مشتريات تشيرtheمحدد ة نموذج, السن

[Colin Chapman]

[scientist9508]

بسم الله الرحمن الرحيم

الزميل الفاضل طالب النصح الرشيد

ما تشتكى منه ليس طبيعيآ بالمره . . . مجموعة الدبرياج بالكامل تحتاج لفحص دقيق.

هناك جزئين فى مجموعة دبرياج الماروتى يناسهم الناس أو يتغافلون عنهم و هما:

1 - دواسة الدبرياج ترتكز على محور (أكس) . . . . هذا المحور يحتاج للتنظيف من الأتربه و الشحم المتصلب من حين إلى آخر

2 - نهاية سلك البرياج مبروطه فى ذراع معندى متحرك هو المسؤول عن نقل الحركه من السلك إلى داخل مجموعة الدبرياج نفسها . . . يجب التأكد من أن مفصلة هذا الذراع سليمه

قابلتنى نفس مشكلتك مره و لكن كان هناك صوت مصاحب لثقل الدبرياج و على الفور قمت بالكشف فكانت نتيجة الكشف أن سلك الدبرياج يحتك فى الجراب الخاص به و بدأت تتقطع الألياف المكونه للسك واحدة تلو الأخرى و كان هذا هو سبب صوت الإحتكاك الذى كنت أسمعه . . . (عيب صناعه و ليس إستخدام) . . قمت على الفور بتغيير السلك و إنتهت المشكله.

من فضلك قم بفحص مجموعة الدبرياج عند محترف لتتبين بدقه السبب فربما يكون السبب عندك شىء آخر غير الذى عندى.

هداك الله لأرشد أمرك و أقومه

السلام عليكم ورحمة الله و بركاته

[hayway90]

على حد علمى البسبب نوع اسطوانه الدبرياش فى انواع ناشفه و انواع طريه